Стандарт 19:

Аппельман әдісімен фаг титрін сандық анықтау техникасы

Мақсаты: Аппельман әдісімен фаг титрін сандық анықтау техникасын үйрету.

Жабдықталуы: 12 пробирка, штатив, залалсыздандырғыш ерітінді, тәуліктік бактерия өсімі, пипетка, тексеруші фаг.

Әрекеттің алгоритмы:

1. Тексерілетін материалдан фильтрат дайында;

2. 4,5 мл ЕПС бар 12 пробирка дайында (11, 12 пробирка бақылау үшін);

3. 1 пробиркаға 0,5 мл тексерілетін факты енгіз;

4. Пробирканы араластыр;

5. 1 пробиркадан 0,5 мл алып екінші, екіншіден үшінші т.б. 10 пробиркаға сұйықтықты алып құй, сұйықты пробиркадан пробиркаға алу үшін әр ретте залалсыздандырылған пипетка пайдалан;

6. 10 пробиркада артық 0,5 мл сұйықты залалсыздандырғыш ерітіндіге құйып залалсыздандыр;

7. Барлық пробиркаларға 12 бақылау пробиркадан басқасына 0,2 мл бактериялардың өсім сорпасын құй;

8. Белгіленген пробиркаларды 37ºС температурада 18-20 сағатқа қой;

9. Пробиркаларды термостаттан алып қарап, соңғы лизис болған пробирканы анықта (қоректік ортаның жарықтануына сәйкес);

10. Бактериофаг титрін анықта, 10 реттік езуіне (разведенияға) сәйкес.

Стандарт 20:

Бактериялардың антибактериалды препараттарға сезімталдығын агарға антибиотиктер сіңдірілген қағаз дискілерді қолданып, диффуздық әдіспен сапалық анықтау техникасы

Мақсаты: Бактериаларды антимикробты препараттарға сезімталдығын диск әдісімен анықтау техникасын үйрету.

Жабдықталуы: антибиотиктер сіңдірілген қағаз дискілер, Петри аяқшасындағы залалсыздандырылған ЕПА.

Материалдар: таза тәуліктік сорпадағы өсімді.

Әрекеттің алгоритмы:

1. Петри аяқшасындағы ЕПА-ға тәуліктік сорпадағы өсімді егеміз;

2. Егілген Петри аяқшасын 30-40 минут бөлме температурасында кептіреміз;

3. Егілген агардың үстіне Петри аяқшасын шетінен антибиотиктер сіңірілген қағаз дискаларды ара қашықтықтары 2 см 4-5 дискіден спирт шамы жанында жүргізу керек;

4. Аяқшаны 37ºС температурада термостатқа 18-24 сағатқа түбімен жоғары қою керек;

5. Сантиметрлік сызғышпен дискі жанынан микробтардың өсу тоқтатылған аймағын өлшеп анықтау.

Ескерту: Жоғары сезімтал – 20-26 мм

Сезімтал – 10-15 мм

Сезімталдығы төмен – 10 мм

Стандарт 21:

Бактериялардың микробтарға қарсы препараттарға сезімталдығын сериялық ерітінділермен сандық анықтауды қою техникасы

Мақсаты: Бактериялардың микробтарға қарсы препараттарға сезімталдығын сериялық ерітінділер мен сандық анықтауды қою техникасын үйрету.

Жабдықталуы: зерттелетін микроорганизмдердің таза өсімі, залалсыздандырылған пробиркалар, негізгі антибиотик ерітінділері, пипеткалар, ЕПС.

Әрекеттің алгоритмы:

1. Залалсыздандырылған 12 пробиркаға 1 мл қоректік ортаны құйыңыз;

2. Бірінші пробиркаға 1 мл негізгі антибиотик ерітіндісін құйыңыз;

3. Бірінші пропиркадағы қоспаны араластыр және залалсыздандырылған пипеткамен екінші пробиркаға, екіншіден үшіншіге, осы ретте оныншы пробиркаға дейін 1 мл алып құйыңыз. Әрбір ерітінді алғанда міндетті түрінде залалсыздандырылған пипеткамен алмастырыңыз;

4. Оныншы пробиркадан 1 мл ерітіндіні алып дезинфекциялық ерітіндіге құйыңыз. Он бірінші бақылау пробиркасы - бактериялардың өсуі, он екінші пробирка - қоректік ортаның стерильдігін бақылауға арналған;

5. 12 пробиркадан басқа пробиркаларға 0,1 мл тексерілетін өсімді енгізіңіз;

6. Маркирленген пробиркаларды термостатқа 18-24 сағатқа 37ºС температурада қойыңыз;

7. 1 тәуліктен соң өсімді термостаттан алып, пробиркаларды қараңыз, бактериялардың өсімі жоқ соңғы пробирканы белгілеңіз;

8. Микробтардың антимикробты препараттарға сезімталдығының нәтижесін анықтаңыз;

9. Нәтижесін жазып есепке алыңыз.

Ескерту: өсімді бақылау – өсу анықталды. Стерилдігін анықтау –өсудің болмауы. Минималды ингибирлеуші ерітінді –соңғы пробиркада толық өсім болмауы тиіс.

Стандарт 22 :

Лабораториялық жануарларға тері ішіне енгізу арқылы жұқтыру техникасын жүргізу

Мақсаты: Лабораториялық жануарларға тері ішіне (биосынама) енгізу арқылы жұқтыру техникасын үйрету.

Жабдықталуы: Лабораториялық жануарлар, көлбеулі жіңішке (№18-20) өткір егу инелер, шприц, зерттелетін материал, мақта тампон, спирт.

Әрекеттің алгоритмы:

1. Лабораториялық жануарларды алып, салмағын өлшеңіз, тәжірибе жасалмас бұрын маркирлеңіз (биосынама);

2. Көлбеулі жіңішке (№18-20) өткір егу инені шприцпен дайындаңыз;

3. Зерттелетін материалды дайындап, шприцпен 0,1 мл жинап алыңыз;

4. Лабораториялық жануарлардың арқасының терісін үлкен және нұсқаулы саусақпен тартып керіңіз;

5. Оң қолыңызбен шприц инесін теріге бұрыштап (теріге параллельге жақын) енгізіңіз және жинап алынған көлемдегі зерттелетін материалды жіберіңіз;

6. Теріні жіберіп еккен жерге спиртке батырылған мақта тампонды қойып, инені теріден суырып алыңыз.

Стандарт 23:

Лабораториялық жануарларды ішке құрсақ арқылы енгізу техникасы

Мақсаты: Лабораториялық жануарларды ішке құрсақ арқылы енгізу техникасын үйрету.

Жабдықталуы: Лабораториялық жануарлар, егуге арналған қысқа жырасы бар ине, шприц, зерттелетін материал, мақта тампондар, спирт.

Әрекеттің алгоритмы:

1. Тәжірибе жасалмас бұрын лабораториялық жануарларды алып, өлшеп, маркирлеңіз;

2. Лабораториялық жануарларды тігінен басын төмен қаратып ұстаңыз;

3. Инені іштің төмен жағына ортаңғы сызықтан сәл алшақ енгізіңіз.

4. Теріні инемен тескен соң, шприцті көлденең қалыпқа ауыстырыңыз;

5. Шприцпен инені тік бұрыштап іштің қабырғасына бос түскенше енгізіңіз;

6. Тік жағдайда инені ұстап зерттелетін материалды енгіңіз.