Стандарт 8:

Дригальский әдісімен аэробты микроорганизмдердің таза өсімін бөліп алу техникасы

Мақсаты: Дригальский әдісімен аэробты микроорганизмдердің таза өсімін бөліп алу техникасын үйрету.

Жабдықталуы: қоректік ортасы бар Петри аяқшалар, шпатель, спирт шамы.

Әрекеттің алгоритмы:

1. Ерітілген қоректік ортаны (12-15 мл) 3 Петри аяқшасына құйыңыз;

2. Міндетті түрінде кептіріңіз, ылғал қоректік ортаның бетінде тұтас өсім болмас үшін;

3. Бірінші Петри аяқшасына бір тамшы зерттеу материалын енгізіп, стерильді шпательмен қоректік ортаның бетіне орналастырыңыз;

4. Шпательді алдын ала күйдірмей, аудармай қалған материалды екінші Петри аяқшасына ағардың бетіне үйкелеңіз;

5. Шпательді күйдірмей жана материал алмай үшінші Петри аяқшасына қалған материалды ағардың бетіне үйкелеңіз;

6. Шпательді зарарсыздандыру ерітіндісіне батырыңыз;

7. Белгіленген себіндісі бар Петри аяқшасын түбін жоғары қаратып, 37°С 18-24 сағатқа жекеленген микроб колонияларды алу үшін термостатқа қоямыз.

Стандарт 9: Анаэробты микроорганизмдердің таза өсімін бөліп алу техникасы

Мақсаты: Анаэробты микроорганизмдердің таза өсімін бөліп алу техникасына үйрету.

Жабдықталуы: пробиркадағы байытылған Китта – Тароцци ортасы, пастерлік пипетка, спирт шамы, стерильді вазелин майы, анаэростат.

Әрекеттің алгоритмы:

1. Китта – Тароцци ортасы бар пробирканы қайнатыңыз;

2. Салқын ағын суда жылдам суытыңыз;

3. Пробиркадағы ортаға стерильді вазелин майын құйыңыз (қалындығы 1 см);

4. Стерильді пастерлік пипеткаға зерттеу материалын алып пробиркадағы вазелин майдың қабатынан өтіп пробирканың түбіне жетіп пипетканың ішіндегіні төгіңіз;

5. Пипеткаларды зарарсыздандыру ерітіндісіне орналастырыңыз;

6. Белгіленген өсімі бар пробиркаларды 37°С 24-48 сағатқа термостатқа орналастырыңыз;

7. Өсімі бар пробиркаларды күнде карап, лайланған орталарды пастерлік пипеткамен алып микроскопия жүргізіңіз;

8. Пипеткаларды зарарсыздандыру ерітіндісіне орналастырыңыз;

9. Пробиркадағы ағар ортасына қайтадан себелеп анаэробты жағдайда термостатқа қояды.

Стандарт 10: Зерттеу материалынан немесе микроб өсімінен микроскопиялық зерттеуге бекітілген микропрепараттарды дайындау техникасы

Мақсаты: Зерттеу материалынан немесе микроб өсімінен микроскопиялық зерттеуге бекітілген микропрепараттарды дайындау техникасын үйрету.

Жабдықталуы: заттық шыны әйнек, физиологиялық ерітінді, бактериологиялық тұзақ, май шам, зерттелетін материал.

Материалдар: тығыз немесе сұйық ортада өскен микроб өсімі.

Әрекеттің алгоритмы:

1. Заттық шыны әйнекті майсыздандырыңыз;

2. Заттық шыны әйнекке бір тамшы физиологиялық ерітіндіні тамызыңыз (тығыз ортадан жағынды дайындау кезінде);

3. Оң қолыңызға бактериологиялық тұзақты, сол қолыңызға пробиркадағы материалды немесе микроб өсімін алыңыз;

4. Бактериологиялық тұзақты от жалынына тік ұстап қызарғанша қыздырыңыз;

5. Оң қолдың бесінші саусағымен пробирканың тығынын алып, май шамның жалынында пробирканың шеттерін қыздырыңыз;

6. Бактериологиялық тұзақпен ортаның бетінен азғана микроб өсімін пробирканың жан жағына тигізбей шығарып алып, пробирканы тығынмен жабыңыз;

7. Бактериологиялық тұзақтағы өсімді физиологиялық ерітіндінің тамшысына араластырып әйнекке бір қалыпты жағыңыз;

8. Бактериологиялық тұзақты от жалынына тік ұстап зарарсыздандыру үшін қызарғанша қыздырыныз;

9. Жағындыны ауада кептіріңіз;

10. Жағындыны жоғары қаратып өт жалынында бекітіңіз.

Ескерту: Жағындыны сұйық ортадан дайындау кезінде заттық шыны әйнекке тек 1-2 тамшы зерттеу материалын (физиологиялық ерітіндісіз) алып, әйнекке жағып, кептіріңіз және бекітіңіз. Жағындыны келесі жағынан стеклографпен қоршаңыз.