Стандарт 59:

Сарыпта (бруцеллезде) аллергиялық сынама,

бактериологиялық, серологиялық диагностикалау ерекшеліктері.

Сарып диагностикасындағы биологиялық сынаманың маңызы

Мақсаты: зерттеу материалынан бруцеллез қоздырғышын бөліп алу және идентификациялау, зерттеу протоколын толтыру.

Зерттеу әдістер: микроскопиялық, бактериологиялық, серологиялық

Зерттеу материалдары: секциялық материал, ликвор

Әрекеттің алгоритмы:

1. Антибиотикпен ем басталғанға дейін материалды алыңыз;

2. Қоректік ортамен флаконға себін жасаңыз, бір ай бойы инкубациялаңыз;

3. Өсімділік, морфологиялық қасиеттері бойынша идентификация жүргізіңіз;

4. АР арнамалы сарысумен идентификация жүргізіңіз (шыныдағы микроагглютинация) – Хедельсон реакциясы;

5. Қан алуды аурудың 5-ші күннен 6-шы күнге дейін жүргізіңіз;

6. Райт реакциясын жүргізіңіз;

7. Шыныда макроагглютинация жүргізіңіз (ерітілмеген сарысумен);

8. Иммунофлюоресценция әдісін қолданыңыз;

9. ТЕГАР (тікелей емес гемагглютинация реакциясын) қолданыңыз;

10. Сынама қою үшін бруцеллин препаратын қолданыңыз;

11. Тері ішіне 0,1 мл бруцеллинді енгізіңіз, 24-48 сағаттан кейін нәтижесін қараңыз.

Стандарт 60:

Түйнеме бацилласын бөліп алу және идентификациясын

жүргізудегі зерттеудің бірінші, екінші, үшінші және төртінші

этаптарының (күн) әдістері мен материалдары

Мақсаты: зерттеу материалынан түйнеме бацилласын бөліп алу және идентификациялау, зерттеу протоколын толтыру.

Зерттеу әдістері: микроскопиялық, бактериологиялық, биологиялық, аллергиялық, Асколи преципитация реакциясы

Зерттеу материалдары: көпіршік, карбункул құрамы, жұлынған струп (терілік), қақырық (өкпелік), нәжіс (ішектік), қан (септикалық), топырақ, жануар жүні (Асколи реакциясы үшін)

Әрекеттің алгоритмы:

Зерттеудің бірінші күні:

1. Түйнеме қоздырғышымен жұмысты қатаң режимді жағдайда жүргізіңіз;

2. Материалдан жағынды дайындап, Грам бойынша бояңыз;

3. Материалдан жағынды дайындап, капсуласын анықтау үшін Гинс бойынша бояңыз;

4. Материалды ақ тышқанға, теңіз шошқасына, қоянға жұқтыруға болады;

5. Материалды ЕПА және ЕПС себелеңіз.

Зерттеудің екінші күні:

1. Таза өсім алу үшін күдікті колонияны қиғаш агарға себелеңіз;

2. Сорпа өсімнен антракоидты ажырату үшін аспалы тамшы дайындаңыз;

3. Тест бар пробиркадан жағынды дайындаңыз, метилен көгімен бояңыз;

4. Өлген жануардың мүшесінен жағын ізін дайындап, бояңыз;

5. Себіннен жағын дайындаңыз, бояңыз.

Зерттеудің үшінші күні:

1. ЕПА және ЕПС себінінен бацилланың капсуласыз түрі өседі;

2. Қантқа, лакмусты сүтке, желатинге, 2% қаны бар ортаға себін жасаңыз;

3. Түйнемелік бактериофагпен сынама қойыңыз.

Зерттеудіңтөртінші күні:

1. Жоғарыда жүргізілген себіндердің қорытындысын жасаңыз.

Стандарт 61:

«Микроорганизмдердің физиологиялық биохимиялық қасиеттерінің диагностикалық маңызы – көмірсу ыдырату қабілеті»

1. Көмірсулар микроб клеткасының қоректік және құрылымдық материалы болып табылады.

2. Моносахаридтер мен полисахаридтер: глюкоза, фруктоза, галактоза, олигосахаридтер: крахмал т.б. бөлінеді.

3. Сахаролитикалық ферменттерге тест энтеробактерия және т.б. ажырату үшін қойылады.

4. Тест принципі: микроб көмірсуды қолданғанда қышқыл мен газ түзу қабілетіне негізделген, сондықтан ортаның түстік индикаторы өзгереді.

Әрекеттің алгоритмы:

1. Тест жүргізу этаптары: зерттелетін өсімді пробиркадағы сұйық немесе жартылай сұйық 3-5 мл көлемінде Гисс ортасына («түрлі-түсті қатар») көмірсу және индикатор анықтауға себелеңіз;

2. Көмірсу ыдырағанда қышқыл түзу нәтижесінде (рН өзгереді) ортаның түсі өзгереді;

3. Гисс ортасында моно және олигосахаридтерді: глюкоза, лактоза, мальтоза, сахароза, галактоза, арбиноза және т.б. жиі қолданыңыз;

4. 18-сағаттық микроб өсімінің суспензиясын себелеңіз, ол 0,5-1 млрд 0,1мл шамасында құрайды, индикатордың көптеген жалған реакцияларын жоққа шығару үшін қолданылады;

5. Анаэробты жағдайда ферментативті қасиетін зерттеу үшін жаңа дайындалған қоректік ортаға стерильді вазелин майын жағыңыз;

6. «Түрлі-түсті қатарда» бақылау эталонды штаммамен себіні бар пробирка болып табылады. (оң және теріс мәнді бақылау);

7. «Түрлі-түсті қатарда» бақылау себін жасалмаған Гисс ортасы бар пробирка болып саналады;

8. Бақылау қоректік орта ластанғанда жалған реакция түзілуін болдырмауға мүмкіндік береді.

Қорытынды этап: биохимиялық реакцияның нәтижесі зерттелетін микробтың 24-48 сағаттан кейін өсуіне тәуелді.

1. Баяу өсетіндерге бақылау мерзімін 96 сағатқа дейін, кейде 7-10 күнге созылады;

2. Гисс ортасында агар-агарды қолданыңыз, тереңінде және бетінде газ көпіршіктерінің түзілуін бақылауға мүмкіндік береді;

3. Сұйық Гисс қоректік ортасын қолданғанда Дюрхема түтігін газды анықтау үшін енгізіңіз;

4. Залалсыздандыруда Гисс ортасындағы түтікті түбін жоғары қаратып орналастырамыз, ауа қоректік ортамен ығысады;

5. Сахаролитикалық фермент синтездеуші микроорганизм көмірсуды органикалық қышқылдарға дейін ыдыратады;

6. Органикалық қышқылдардың түзілуі ортаның рН өзгертеді, сондықтан индикаторға байланысты түсі де өзгереді.