Стандарт 4:

Әртүрлі лабораториялық ыдыста өсірілген микроорганизмдердің патогенді өсімін өлтіру техникасы

Мақсаты: Әртүрлі лабораториялық ыдыста өсірілген микроорганизмдердің патогенді өсімін өлтіру техникасын үйрету.

Жабдықтау: арнайы металл бак, хлорлы су 2-5% сілті ерітіндісімен, патогенді микроорганизмдердің өсімі, баклабораториялық ыдыс, патогенді материалды өлтіруге автоклав.

Әрекеттің алгоритмы:

1. Арнайы темір бактің ішіне вегетативті патогенді өсімі бар пробиркаларды және аяқшаларды салып қою;

2. 2-5% сілті ерітіндісі бар салқын суды құй;

3. Алдын ала бактің қақпағын жауып отқа қой;

4. Бу шығу үшін қақпақта бірнеше кішкентай тесіктер болуы керек;

5. Жай отқа 1,5 – 2,0 сағат қайнат.

Стандарт 5: Лабораториялық жағдайда микроорганизмдерді өсіру үшін қоректік орталарды дайындау және залалсыздандыру

Мақсаты: Лабораториялық жағдайда микроорганизмдерді өсіру үшін қоректік орталарды дайындау және залалсыздандыруды үйрету.

Жабдықталуы: құрғақ қоректік орталар, дистилденген су, газ немесе электрлік плита, мақталы - дәкелі фильтр, Петри аяқшалар, автоклав және Кох аппараты.

Алгоритм әрекеті:

1. Әр қоректік ортаның қорабында қоректік орта дайындау нұсқауларымен танысу;

2. Қажетті қоректік ортаның мөлшерін есептеу;

3. Өлшеңіз және дистилденген суға ерітіңіз;

4. 2-3 минут плитада пісіріңіз;

5. Мақталы-дәкелі сүзгішпен сүзіңіз;

6. «Универсальды индикатор»көмегімен ортаның рН орнатыңыз (рН 7,0);

7. Флаконға немесе пробиркаларға құйыңыз;

8. Су моншасында 25-30 минут залалсыздандырыңыз;

9. 45°С суытыңыз және аяқшаларға құйыңыз;

10. Қоректік орталардың залалсыздандыруын термостатқа 37°С қою арқылы бақылау;

11. Автоклавта залалсыздандырылған орталарды 1 тәулік, ағынды бумен залалсыздандырылған орталарды 3 тәулік ұстау керек.

Стандарт 6:

Микроскопиялық зерттеуге «аспа тамшы», «езілген тамшы» микропрепаратын дайындау техникасы

Мақсаты: Микроскопиялық зерттеуге «аспа тамшы», «езілген тамшы» микропрепаратын дайындау техникасын үйрету.

Жабдықталуы: жабынды әйнек, ойығы бар заттық шыны әйнек, физиологиялық ерітінді, тығыз немесе сұйық қоректік ортада өскен өсім.

Әрекеттің алгоритмы:

«Езілген тамшы» препаратын дайындау:

1. Заттық шыны әйнекті майсыздандырыңыз;

2. Заттық шыны әйнектің үстіне бір тамшы сұйық ортадағы өсімдіні немесе физиологиялық ерітіндіні (тығыз қоректік ортада өскен өсімнен жағынды дайындау кезінде) тамызыңыз;

3. Бір тамшы физиологиялық ерітіндінің үстіне зерттеу өсімін енгізіңіз;

4. Жабынды әйнекпен зерттеу өсімінің тамшысын сақтықпен жабыңыз.

«Аспа тамшы» препаратын дайындау:

1. Жабынды әйнекке зерттеу тамшысын тамызыңыз;

2. Жабынды әйнектегі зерттеу тамшысын шұңкыры бар заттық шыны әйнекпен алдын ала оның шеттерін вазелин майымен жағып, жабыңыз. Тамшы әйнектің шеттеріне немесе заттық шыны әйнектің шұңқырының түбіне жақындамау керек.

Стандарт 7:

Бактериологиялық ілмекпен зерттеу материалын себелеу техникасы - Петри аяқшасындағы қоректік ортаға секторларға штрихпен себелеу

Мақсаты: Бактериологиялық ілмекпен зерттеу материалын себелеу техникасы - Петри аяқшасындағы қоректік ортаға секторларға штрихпен себелеу техникасын үйрету.

Жабдықталуы: қоректік ортасы бар Петри аяқшасы, пастерлік пипетка, спирт шамы, бактериологиялық ілмек.

Әрекеттің алгоритмы:

1. Қоректік ағары бар Петри аяқшаның сыртынан стеклографпен бөлінетін сызықпен аяқшаның түбін 4 секторға бөл;

2. Бактериологиялық ілмекпен зерттеу материалын 1 ші секторына енгізіп және сектор бойы параллель жолақтарды жүргіз;

3. Петри аяқшанын басқада секторларына сол бактериологиялық тұзақпен қалпын өзгертпей сондай жолақтарды жаса;

4. Бактериологиялық тұзақты спирт шамының жалынында қызарғанша қыздыр, содан соң штативке орналастыр;

5. Петри аяқшасындағы белгіленген өсімді түбін жоғары қаратып 37°С 18-24 сағатқа термостатқа қояды.