Стандарт 40:

Плазмакоагулаза және фибринолизинді бақылау тестке қолданылатын микроорганизмдерді анықтау және нәтижесін жүргізу

Тест әртүрлі микроорганизмдерді ажырату үшін, көбінесе стафилококктың патогенділігін анықтауда қолданылады.

Әдістің принципі: қан ұю жүйесінің ферментативті белсенділігі мен еріту әсеріне негізделген.

Зертеу жүргізілу этаптары:

Бірінші әдіс: плазма алу (2-4ретке дейін концентрацияланған және ерітілген)

1. 18- сағаттық өсімді плазмасы бар пробиркаға құямыз;

2. Өсім енгізілмеген плазмасы бар бақылау пробиркасын аламыз;

3. Плазмамен және плазма ұйытатын эталонды стафилакокк штаммасының өсімі бар пробирканы бақылау;

4. 37⁰С температурада өсімді инкубациялаймыз, тәулік бойы өсімнің нәтижесін бақылаймыз;

5. Плазма ұю уақыты микробтың ферментативті белсенділігінің деңгейіне тәуелді екеніне назар аударыңыз;

6. Микробтың жоғары ферментативті белсенділігімен оң мәнді реакцияда тығыз ұйыма түзіледі;

7. Ерітілген плазмасы бар пробиркада болбыр ұйыма түзіледі;

8. Сонымен қатар осы пробиркаларды қосымша 8-20 сағат бақылай отырып, микробтың фибринолитикалық белсенділігін анықтаңыз;

9. Ұйыманың еруі фибринолитикалық белсенділігін дәлелдейтінін есте сақтаңыз.

Екінші әдіс: коагулазаны анықтауды заттық шыныда жүргізу:

1. Антикоагулянты бар қоян плазмасының бір тамшысын және физиологиялық ертіндінің тамшысын жеке-жеке тамызңыз;

2. Әр тамшыға тұзақпен 18- сағаттық микроб өсімді енгізіңіз;

3. Лупа көмегімен плазмадағы бірігу көрінісін белгілеңіз;

4. Екі тамшыдағы оң мәнді реакция бейарнамалы нәтиже болып саналады;

5. Оң нәтиже: Staphylococcus aureus;

6. Теріс нәтиже: Staphylococcus epidermidis.

Стандарт 41:

Менингококты бөліп алу және идентификациясын жүргізудегі зерттеу әдістерінің бірінші, екінші, үшінші және төртінші этаптары

Мақсаты: зерттеу материалынан менингококкты бөліп алу, олардың патогенділігін зерттеу және патогенді анаэробты менингококкты идентификациялау, зерттеу протоколын толтыру.

1. Материалды сарысулық агарға себелеңіз;

2. Қалған материалды жартылай сұйық агарға құйыңыз;

3. Жағынды дайындап, фуксинмен немесе метилен көгімен бояңыз;

4. Күдікті колонияны таза өсімін алу үшін сарысулық агарға себелеңіз;

5. Ылғалды, нәзік ақшыл сұр түсті колониядан жағынды дайындаңыз;

6. Патогенді емес нейссериядан ажырату үшін сарысулық агарға себін жасаңыз;

7. Оксидазаның болуын анықтаңыз;

8. Патогенді емес нейссериядан ажырату үшін сарысулы және қанты бар Гииса ортасына себін жасаңыз.

Стандарт 42:

Туберкулез микобактериясын бөліп алу және идентификациясын

жүргізуде қолданылатын материалдар мен әдістер:

Тікелей микроскопия әдісімен зерттеу ерекшеліктері

Туберкулезді зерттеудің жеделдетілген әдістер

Мақсаты: зерттеу материалынан туберкулез микобактериясын бөліп алу, олардың патогенділігін зерттеу және туберкулез микобактериясын идентификациялау, зерттеу протоколын толтыру.

Зерттеу әдістері: бактериоскопиялық, люминесценттік, бактериологиялық, биологиялық, аллергиялық, Прайс микрокультура әдісі.

Зерттеу материалдары: қақырық (өкпе туберкулезінде), плевра қуысынан сұйықтық, асциттік сұйықтық және нәжіс (туберкулездің ішектік формасында), несеп (бүйрек туберкулезінде), қан (жайылған үдерісте)

Әрекеттің алгоритмі:

1. Қақырықты екі затты шыны арасында жағып, кептіреді, бекітіп, Циль-Нильсен бойынша бояңыз;

2. Кемінде 80-100 көру аймағында қарау керек, 1 мл қақырықтан 10⁵ клетка анықталуы мүмкін;

3. Шыныда зерттеу материалынан қалың жағынды жасаңыз;

4. Жағынды кептіріп, бірнеше минут 2-6% күкірт қышқылында өңдеңіз, физиологиялық ерітіндімен жуыңыз;

5. Гемолизденген қан цитраты бар флаконға жағындыны салыңыз;

6. 3-7-14 күннен кейін шыныны алып, бекітіп, Циль-Нильсен бойынша бояңыз. Вирулентті туберкулез микобактериясының микрокультурасы талшық түрінде түзіледі. (Корд фактор).