Стандарт 37:

Каталазаға бақылау тестке қолданылатын микроорганизмдерді анықтау және тест жүргізу

Тест микобактерияны, энтеробактерияны, стафилококк және басқа микроорганизмдердің дифференциациясы үшін қолданылады.

Тест принципі: аэробты микроорганизмдер тыныс алғанда сутек тотығын түзуіне негізделген. Сутегі асқын тотығы жоғары концентрацияға жетпейді, себебі каталаза су мен оттегіге дейін ыдыратады.

Тест жүргізілу этаптары:

1. Петри аяқшасындағы 18-сағаттық өсімді 3% сутегі асқын тотығы ертіндісін өсімнің бетіне жұқа қабат жабатындай 1-2 мл құямыз;

2. Көпіршік пайда болуына назар аударыңыз, ол каталазаның бар екендігін дәлелдейді.

3. Жылытылмаған өсімі бар қоректік ортаны қолданбаңыз, оның каталаза белсенділігі бар.

4. Реакцияны заттық шыны үстінде жүргізіңіз: бір тамшы мен бір ілмек тест жүргізілетін өсімді жағыңыз.

5. Құрамында қан жоқ қоректік ортада өсімді өсіріңіз.

6. Егер каталаза болса 3-5 секундтан кейін газ көпіршіктері түзілетініне назар аударыңыз.

7. Оң мәнді бақылау: Escherichia coli, Mycobacterium ssp., Stafhylococcus epidermidis.

8. Теріс мәнді бақылау: Streptococcus ssp., Clostridium ssp., Lactococcus lactis

Стандарт 38:

Оксидазаға бақылау тестке қолданылатын микроорганизмдерді анықтау және тест жүргізу

Тест энтеробактерияны, псевдомонад дифференциациясы үшін қолданылады.

Әдістің принципі: реактив қосқанда және цитохром қатысымен вурстеровский көк заты түзілуіне негізделген. Алқызыл түске боялып, 10-30 минут өткен соң қара түске боялады (Ковач әдісі).

Альфа - нафтолды өсімге қосқанда индо-фенол түзіліп, көкшіл түске боялады (Эрлих әдісі).

Тест жүргізілу этаптары:

1. Петри аяқшасындағы 18-сағаттық өсімге 1% тетраметил-п-фенилендиамид сулы ерітіндісін құямыз;

2. Оксидаза бар өсім 20-30 секундтан кейін алқызыл түске боялады (Ковач әдісі);

3. ОКСИ-тест жолағын қолданып, назар аударыңыз 18-сағаттық өсімге тест жолақты енгізгенде 1 минуттан кейін көкшіл түске боялады (Эрлих әдісі);

4. Оң мәнді бақылау: Psedomonas ssp;

5. Теріс мәнді бақылау: Shigella sonnei, Escherichia coli, Salmonella typhimurium.

Стандарт 39:

Редукциялық қабілеттілігіне қолданылатын бақылау тестке қолданылатын микроорганизмдерді анықтау және нәтижесін жүргізу

Тест энтерококк, стрептококк және басқа микроорганизмдерді ажырату үшін қолданылады.

Тесттің принципі: микробта редукциялық белсенділігі болған жағдайда бояуды түссіздендіруіне негізделген.

Зертеу жүргізілу этаптары:

Бірінші әдіс:

1. 18-сағаттық өсімге 5мл метилен көгі бар сүт қоректік ортаны құямыз;

2. 37⁰С температурада өсімді инкубациялаймыз, тәулік бойы өсімнің нәтижесін бақылаймыз;

3. Оң мәнді реакцияда метилен көк ортасы көк түстен боз түске өзгереді;

4. Әлсіз оң мәнді болғанда жасыл түске ауысады.

Екінші әдіс:

1. 18-сағаттық өсімді лакмусты сүтті Минкевич ортасы бар пробиркаға саламыз;

2. 37⁰С температурада өсімді инкубациялаймыз, 10 күн бойы өсімнің нәтижесін қараймыз, күнделікті ортаның түсінің өзгеруін бақылаймыз;

3. Лакмус редукциясы сүттің алқызыл күлгін түстен толық түссізденуге дейінгі өзгеруімен көрінеді;

4. Минкевич ортасы микробтың қышқыл және сілті түзуін анықтауға мүмкіндік береді;

5. Микроб қышқыл түзгенде Минкевич ортасы қызаратынына назар аударыңыз;

6. Микроб сілті түзгенде Минкевич ортасы көгеретініне назар аударыңыз.