Стандарт 35:

ЭПІТ бөліп алу және идентификациясын жүргізу

Мақсаты: зерттеу материалынан ЭПІТ бөліп алу, адсорбирленген иммунды сарысу көмегімен сероварларын анықтау нәтижесінде қоздырғыштың түрішілік идентификациясын зерттеу құжатын толтыра отырып дұрыс жүргізу

Зерттеу әдісі: микроскопиялық, бактериологиялық, серологиялық

Зерттеудің бірінші күні:

1. Зерттеу материалынан Эндо ортасына немесе екшеу диагностикалық қоректік ортаға себін жасаңыз.

Зерттеудің екінші күні:

1. Эндо қоректік ортасынан алқызыл түсті немесе ЭМС ортасынан күлгін түсті колонияны бөліп алыңыз;

2. ЭПІТ мен шартты патогенді ІТ-сының ажырату диагностикасын жүргізу үшін шыныда агглютинация реакциясын қойыңыз;

3. Типті және поливалентті сарысу көмегімен алынған өсімнен ЭПІТ жататындарды анықтаңыз;

4. Биологиялық тест көмегімен Эшерихия туыстығына кіретіндерді алынған өсімнен анықтаңыз.

Зерттеудің үшінші күні:

1. Сахаролитикалық белсенділігін анықтау үшін, қанты бар жартылай сұйық Гисс қоректік ортасына өсімді себелеңіз;

2. Протеолитикалық белсенділігін тудыратын индол мен күкіртсутектің түзілуін анықтау үшін сорпаға немесе пептонды қоректік ортаға өсімді себелеңіз;

3. Жартылай сұйық агарға шаншу арқылы себелеуде қозғалмалы ішек таяқшасын бақылаңыз, барлық қоректік орта қараяды;

4. Қозғалмайтын ішек таяқшасы жартылай агарға шаншу арқылы себелегенде, тек қана шаншу ізімен өседі;

5. К-антигенін анықтау үшін тірі өсіммен және О-антигенін анықтау үшін жылытылған өсіммен толық агглютинация реакциясын қойыңыз.

Зерттеудің төртінші күні:

1. Өсімнің қантты қышқыл мен газға дейін ыдыратуын бақылаңыз;

2. Өсім ақуызды индол түзілуіне дейін ыдыратады (индикатор қағазы қызарады);

3. Антибиотикке сезімталдығын анықтаңыз.

Стандарт 36:

Іш сүзегі, паратиф және сальмонеллез сальмонеллаларын бөліп алу және идентификациясын жүргізу

Мақсаты: зерттеу материалынан сальмонелла қоздырғышын бөліп алу, олардың патогенділігін зерттеу және патогенді сальмонелланы идентификациялау, зерттеу протоколын толтыру.

Зерттеу әдісі: микроскопиялық, бактериологиялық, серологиялық.

Зерттеудің бірінші күні:

1. Зерттеу материалын екшеу диагностикалық (Эндо, Плоскирев) қоректік ортасына себелеңіз;

2. Қанықтырылған (селениттік) қоректік ортаға себін жасаңыз.

Зерттеудің екінші күні:

1. Күдікті колонияны Олькеницкий немесе Расселя қоректік ортасына себелеңіз.

Зерттеудің үшінші күні:

1. Біріктірілген қоректік ортада глюкозаны ғана ыдырататын өсімді зерттеңіз;

2. Препарат дайындап, Грам бойынша бояңыз;

3. Өсімнің қозғалғыштығын зерттеңіз;

4. Ферментативті қасиетін зерттеңіз;

5. Гисс және ЕПС ортасына себін жасаңыз;

6. Глюкозаның ферментациясын анықтаңыз;

7. Күкірсутектің түзілуін бақылаңыз.

Зерттеудің төртінші күні:

1. Антигендік құрылымының серологиялық идентификациясын талдаңыз;

2. Поливалентті О- сарысуымен серологиялық идентификация жүргізіңіз;

3. Vi-сарысуымен серологиялық идентификация жүргізіңіз;

4. Таза өсімін бөліп алу үшін Vi-фагымен фаготиптеу жүргізіңіз;

5. Іш сүзегі және паратифті Видаль агглютинация реакциясы арқылы диагностикалау жүргізіңіз.