Қорытынды

Дипломдық жұмыста квазикөпмүшелікті біртекті емес мүшесі бар сызықтық дифференциалдық теңдеулер мен жүйелерді шешу жолдары қарастырылды. Бұрынғы белгілі әдістерде белгісіз коэффициентті квазикөпмүшеліктерден туындылар алып, оларды теңдеуге немесе жүйеге апарып қойып, тәуелсіз айнымалының бірдей дәрежелерінің әрі аттас тригонометриялық функциялардың алдындағы коэффициенттерді теңестіріп жүйе алып, оны шешу амалдарын орындау керек болатын. Олар көп уақыт алатын және техникалық қателер жіберу мүмкіндігі мол болатын. Келтіріліп отырған әдісте оң жағы квазикөпмүшелік болған кезде шешудің оңай әрі ыңғайлы тәсілі қолданылған.

Сызықтық дифференциалдық жүйелерді шешуде қолданылған бұрынғы әдісте белгісіз функцияларды табу үшін олардың туындыларынан тұратын жүйені шешіп, сосын ол туындыларды интегралдау сияқты жеңіл емес амалдарды орындау керек болатын. Олар да көп уақыт алады. Келтірілген әдісте сызықтық дифференциалдық жүйені шешудің матрицалық әдісі көрсетілген. Ол көп уақыт алмайтын және ыңғайлы әдіс болып табылатыны көрсетілді.

Сызықтық дифференциалдық теңдеу мен жүйенің дара шешімін табу үшін қорытылып шығарылған дайын формуламен табу ұсынылды. Бұл әдіс әрі жеңіл, әрі қолдануға ыңғайлы әдіс болып табылатыны көрсетілді.

46