Стандарт Бала жолдасын тексеру

Мақсаты:

• босанғаннан кейінгі кезеңде асқынулардың алдын алу

Қажетті құралдар:

1. Табақша

2. Қолғап

3. Мақта-мәрлі түйіршігі

Алгоритм іс - әректтері:

1. Нәресте жолдасын табақшаға анасы жағымен жоғары орналастыр;

2. Салфеткамен бетін кептіріп қараңыз:

• беті тегіс, жылтыр, сұр-көкшіл түсті бөліктері сәйкес келуі керек;

• плацента шеті тегіс, жарақатсыз

• ұлпа өзгерістеріне, ескі қан ұйықтарына, петрификаттарға, майлы өзгерістеріне көңіл бөліңіз;

3. Кіндік бауынан ұстап көтеріп, қабықтарын түзеңіз, бүтіндігіне көз жеткізіңіз, жыртылыс орнын және жыртылу өлшемін анықтаңыз;

4. Біртіндеп кіндік бауын, плацентаның нәресте жағын, қан тамырлар жолын қабықтарға өтпегенін және қосымша бөліктер жоқтығын тексер;

5. Плацентаны қарап болғаннан кейін ұзындығын және салмағын өлше;

6. Туу тарихына белгілерді толтыр.

Стандарт Іш айналымын, жатыр түбінің биіктігін өлшеу

Мақсаты:

• нәрестенің өсуін анықтау

Қажетті құралдар:

• сантиметрлік лента

Дайындық:

1. Әйелге әдістің қажеттілігін түсіндіру;

2. Кушеткаға таза жайма жайып, әйелді арқасынан жатқыз.

Алгоритм іс - әрекеттері:

1. Сантиметрлік лентаны қасағаның жоғарғы шетіне

орналастырып бармақпен басыңыз;

2. Жоғары қарай жатыр түбіне дейін өлшеп

алақан қырымен биіктігін анықтаңыз;

3. Сантиметрлік лентаны кіндік тұсына әйелдің арқасының

астына жіберіп іш айналымын тығыз жақындатып өлше;

4. І. А және Ж. Т. Б. құжатқа жаз.

Стандарт Жатыр қуысын қолмен тексеру

Мақсаты:

• жатырдан қан кетудің алдын алу және тоқтату

Көрсеткіші:

1. Босанғаннан кейінгі кезеңде гипотониялық қан кету;

2. Бала жолдасы бөлшектерінің қуыста қалуы;

3. Бала жолдасы бүтіндігінде күмәнді болғанда.

Қажетті құралдар:

1. 1 % йодонат ерітіндісі

2. Корнцанг

3. Қолғап

4. Тампондар

Дайындық:

1. Әйелге процедураның қажеттілігін түсіндіру;

2. Алжапқыш ки;

3. Қолды залалсыздандыру;

4. Стерильді халат, қолғап ки;

5. Аралықты 1% йодонат ерітіндісімен залалсыздандыр;

6. Көк тамырға анестезиолог сезімсіздендіретін дәрі енгізеді.

Алгоритм іс - әрекеттері:

1. Сол қолдың сұқ және үлкен саусақтарымен

кіші және үлкен жыныс ернеулерін аш;

2. Оң қолды конус тәрізді етіп қынапқа енгізіп жатыр қуысына кіргіз;

3. Сол қол алақанымен жатыр түбіне қойып жатырды бекіт;

4. Жатыр қуысын толық тексер (алдыңғы, артқы, оң, сол қабырғаларын);

5. Жатыр жиырыла басталысымен, қолды шығар;

6. Көк тамырға жиыратын дәрі енгіз;

7. Қолғапты шешіп, залалсыздандыр.

Стандарт Бала жолдасын қолмен ажырату және шығару

Мақсаты:

• патологиялық қан кетуді тоқтату және алдын алу

Көрсеткіші:

1. Босанудың 3 кезеңінде патологиялық қан кетуде көлемі 350 – 400 мл,

бала жолдасының бөліну белгілері болмаса;

2. Босанудың 3 кезеңінде 30 минөт өтіп,

бала жолдасы бөліну белгілері анықталмаса.

Қажетті құралдар:

1. 1 % йодонат ерітіндісі, тампондар

2. Корнцанг, лоток

3. Қолғап

Дайындық:

1. Әйелге процедураның қажеттілігін түсіндіру;

2. Алжапқыш ки;

3. Қолды залалсыздандыру;

4. Стерильді халат, маска, қолғап ки;

5. Аралықты 1% йодонат ерітіндісімен залалсыздандыр;

6. Көк тамырға анестезиолог сезімсіздендіретін дәрі енгізеді.

Алгоритм іс - әрекеттері:

1. Сол қолдың сұқ және үлкен саусақтарымен

кіші және үлкен жыныс ернеулерін аш;

2. Оң қолды конус тәрізді жинап кіндік бойымен жатыр қуысына кіргіз,

бала жолдасының шетін тап;

3. Сол қол алақанымен жатыр түбіне қойып жатырды бекіт;

4. Алақанның қырымен «ара тәрізді» қозғалтып жатыр қабырғасынан плацентаны ажырат, қынапқа шығар;

5. Бала жолдасын сол қолыңмен кіндіктен тартып шығар;

6. Жатыр қуысын қолмен тексеріп шық, қалған ұйыған қанды,

ұсақ бөлшектерді шығар;

7. Жатыр жиырылысымен қолыңды шығар;

8. Қолғапты шеш, залалсыздандыратын ерітіндіге сал.