Стандарт Жатыр мойнын қасықша айнамен тексеру

Мақсаты:

- Жатыр мойнын, қынаптың қабырғасын зерттеу

Көрнекі құралдар:

• қасық тәрізді айна

• қолғап

• дезинфекциялық ерітінді

Дайындық:

1. Әйелге тексеру қажеттілігін түсіндіру;

2. Әйел шешініп, жайма төселген г-лық креслоға жатсын;

3. Қолды жуып, залалсызданған қолғап киіңіз.

Алгоритм іс-әрекеттері:

1. Сол қолдың 1 – 2 саусақтарымен ернеулерді ашыңыз;

2. Оң қолға айнаны ал;

3. Айнаны қынаптың артқы қабырғасы бойымен жамбастың тік өлшемімен артқы күмбезге дейін енгізіп айнаны көлденең өлшемге айналдыр;

4. Көтергішті оң қолмен қынаптың алдыңғы қабырғасымен тік өлшеммен енгіз, содан кейін көлденең өлшемге айналдыр;

5. Жатыр мойнын және қынапты ашыңыз. Жатыр мойнының шырышты қабаты түсіне, пішініне, өзгерістеріне, бөлінді түсіне, қынаптың шырышты қабаты түсіне, патологиялық процестерге назар аудар;

6. Алдымен көтергішті, сосын айнаны 90⁰ бұрып шығарыңыз;

7. Айналарды дезинфекциялық ерітіндіге сал.

Стандарт Үш нүктеден жағынды алу

Мақсаты:

- Диагностикалық

Көрсеткіші:

- Созылмалы қабыну, цервицит, эрозия, бартолинит, бедеулік

Қажетті құралдар:

1. Гинекологиялық айналар

2. Шыны

3. Фолькман қасықшасы

4. Жолдама

Дайындық:

1. Әйелге тексеру қажеттілігін түсіндіру;

2. Әйел шешініп, жайма төселген г-лық креслоға жатсын;

3. Қолды жуып, залалсызданған қолғап киіңіз;

4. Шыныны үш бөлікке бөліп, астына латын әріптерімен белгіле: C, U, V.

Алгоритм іс-әрекеттері:

1. Фолькман қасықшасымен зәр шығаруға дейін үрпінің артқы

қабырғасын сұқ саусақпен жеңіл массаж жасап жағынды алып,

шыныға «U» бөлігінің үстіне жақ;

2. Қынапқа айна кіргіз;

3. Фолькман қасықшасының екінші шетімен жатыр мойнынан

жағынды алып «C» бөлікке жақ.

4. Келесі қасықшаны қынаптың артқы күмбезінен

жағынды алып «V» бөлігіне жақ;

5. Жолдама толтыр, аты-жөні, участігін, мекен-жайын,

күн, ай, жылын лабораторияға жеткіз;

6. Құралдарды залалсыздандыратын ерітіндіге сал.

Стандарт Жатыр қуысына тығын (спираль) енгізуге қажетті құралдар жинағы

Қажетті құралдар:

1. Лоток

2. Қасықша айна, көтергіш

3. Корнцанг

4. Мақта түйіршігі

5. 1 % йодонат (бетадин, 70 % спирт)

6. Екі тісті қысқыш

7. Жатыр зонды

8. Залалсыздандырылған арнайы шприц пен спираль

9. қайшы

Көрсеткіші:

• репродуктивті жастағы әйел

Шарты:

1. Әйел жүктіліктің алдын алуын тілейді;

2. Қынап тазалығы – 1-2 дәрежесі;

3. Жыныс мүшелерінде қабыну процесі жоқ болса.

Стандарт Жатыр қуысын қыруға арналған құралдар

Қажетті құралдар:

1. Лоток

2. Қасықша тәрізді айна, көтергіш

3. Корнцанг

4. Мақта түйіршіктері

5. Бетадин ерітіндісі (1 % йодонат)

6. Екі тісті қысқыш

7. Жатыр зонды

8. Гегар кеңейткіші

9. Кюретка (қырнағыш) № 4; № 2

Көрсеткіші:

• жасанды түсік 12 жұмаға дейін

• басталған шала түсік

Шарты:

1. Әйелдің тілеуі

2. Стационарға жатқызу

3. Қынап тазалығы 1-2 дәрежелі

4. Әдісті меңгерген қызметкер