Заахвоціць да бегу

Першым тваім заданнем з’яўляецца заахвочванне скаўтаў да ўдзелу ў спаборніцтвах:

усвядоміць, што для служэння трэба пастаянна развівацца так, як абяцалі падчас сваёй Прысягі,

ахопліваць вядзенне ў гэтым бегу – праходзячы заданні на ступень цвіка, здабываючы ўменні і майстэрскія ўменні.

Дапамога ў выбары шляху

Кожнаму хлопцу ты павінен дапамагчы вырашыць, якія дадатковыя заданні выбраць, гледзячы на яго перавагі, здольнасці, часовыя магчымасці і высілкі, якія павінен укласці, каб узбагаціць сваю асобу. Твой дружыновы дапаможа табе парадай у гэтым выбары.

Вызначыць этапы

На кожнай сустрэчы ці выйсці ў мясцовасць вырашы з хлопцам, якія абавязковыя і дадатковыя заданні ён павінен падрыхтаваць на наступным сходзе, пачынаючы, наколькі гэта магчыма, з жоўтых заданняў, пераходзячы да зялёных і чырвоных (гэтая чарговасць пажаданая, але яе можна змяніць, гледзячы на праграму сходу і перавагі хлопца). Важна, каб хлопец выконваў праходзіў наступныя этапы і каб кожнае выйсце было выпадкам для дасягнення поспехаў.

Будзь уважлівы, каб заданні не залічваліся па правілах школьных заняткаў ці школьных адказаў – вы не ў школе, а ты не настаўнік.

Рыхтуючы план спаткання, выхаду ці стаянкі (гл. раздзел “Жыццё кап’я”), пастарайся запланаваць кожнаму хлопцу заданні, якія б адпавядалі заданням на ступень: распаліць агонь, правесці кап’ё з дапамогай карты і компасу, вывучыць песні і г.д.

Такім спосабам хлопцы пройдуць чарговыя задані, нават не ведаючы пра гэта. Проста ўдзельнічаючы ў скаўцкім жыцці. Маючы на ўвазе схему поспехаў, размешчаных у падраздзеле “Этапы развіцця” (гл. малюнак), трэба памятаць, што кожны з хлопцаў павінен выканаць 3-4 катэгорыі заданняў за квартал (абавязковыя вымаганні + дадатковыя вымаганні). Як ведаем, кожная ступень складаецца з 15 катэгорый заданняў. Ведаючы, колькі будзе спатканняў, выхадаў, двухдзённых выездаў (стаянак), уключаючы летнік, можна без праблем здабыць разведчыка на працягу года. Ідучы ў такім тэмпе, трэба залічваць адну катэгорыю ў месяц, што цалкам магчыма, ва ўсякім разе з умовай, што добра падрыхтуеш і арганізуеш спатканні, выхады і стаянкі кап’я.

Выкананне заданняў

Добра выкананае заданне ахвотніка, а таксама заданне на ступень разведчыка залічвае (падпісвае) кап’явы. Выкананне заданняў на цвіка правярае дружыновы ці яго намеснік, калі сам кап’явы яшчэ не здабыў ступені цвіка.

Кап’явы залічвае ўсе заданні, нават духоўныя і рэлігійныя. Таму што ты адказваеш за поспехі хлопцаў ва ўсіх галінах. Душпастыр, твой дружыновы і намеснікі для таго, каб дапамагчы табе ў выпадку, калі ты ў якой-небудзь карэгорыі будзеш адчуваць сябе няўпэўнена. Таму не саромейся прасіць іх аб дапамозе і парадзе.

Калі хтосьці з тваіх хлопцаў падчас якога-небудзь выезду дакажа свае ўменні, то адразу ж пасля вяртання дадому занатуй гэта ў дзённіку кап’явога, ці ў адпаведнай рубрыцы табліц, якія знойдзеш у наступнай частцы раздзелу.

Час ад часу ты павінен падсумаваць з кожным хлопцам іх вынікі, каб поўнасцю арыентавацца, на якім яны этапе, на якім месцы на шляху поспехаў. Запоўні і падпішы яго картку заданняў, карыстаючыся нататкамі са свайго дзённіка. Такім чынам, будзе ведаць, на якім ён этапе цяпер.