3.1 Компьютерлерді жұмыстық топқа біріктіру
3.2 Жұмыстық топ компьютерінің ip-адресін анықтау. Бірлескен компьютерлердің өзара байланысы
Сабақ мақсаты: студенттердіесептеу жүйесінің өнімділігін арттырудың негізгі тәсілдерімен таныстыру
Негізгі түсініктер:Компьютерлердің жұмысшы топтарға бірігуі; жұмысшы топтардың компьютерлерінің IP-адресінің анықталуы; біріктірілген компьютерлер арасындағы байланыс тексерісі.
Әдебиеттер: [2,3]
Есептеу жүйесінің өнімділігін арттырудың негізгі тәсілдері мыналар: процессорлардың санын арттыру, процессорлардағы ядролар саны, коммуникациялық ортада жаңа принциптерді өңдеу және желілік интерфейстердің топологиясы (сурет 17).
Сурет 17 – Есептеу жүйесінің өнімділігін арттырудың негізгі тәсілдері
Осыған байланысты операциялық жүйелердің және қолданбалы программаның өнімділігін арттыру үшін жаңа мүмкіндіктерді пайдалану қажеттілігі туды. Құрамында жоғары өнімді параллельді есептеулерге арналған программалық құрал-жабдықтары бар операциялық жүйелер пайда бола бастады.
3.1 Компьютерлерді жұмыстық топқа біріктіру
Компьютерлерді жұмыстық топқа біріктіру үшін төмендегідей операцияларды орындау қажет:
Компьютерлерді жұмыстық топқа біріктіру
My Computer – контекстік мәзір - Properties – Computer Name – Change…(сурет 18).
Сурет 18 - Компьютерлерді жұмыстық топқа біріктіру операциялары
Жұмыстық топты таңдаймыз да оған компьютер атын береміз. Біздің жағдайда Computer Name: Server деп аталады.Workgroup: үнсіздік бойынша.
ОК батырмасын басып жоғарыда көрсетілген командаларды орындап, компьютерді қайта жүктейміз. Қайта жүктеуді орындағаннан кейін қондырылған мәліметтерді сондай-ақ,
My Computer – контекстік мәзірлік таңдау - Properties – Computer Name арқылы көруге болады (сурет 18).
3.2 Жұмыстық топ компьютерінің ip-адресін анықтау. Бірлескен компьютерлердің өзара байланысы
IP-адресін орналастыру үшін келесі командаларды орындау қажет (сурет 19).
Сурет 19 – IP-адрес тағайындау
Properties терезесі: ғаламтордың хаттамасы (TCP/IP) көрсетілген адресті тереді (сурет 20).
Келесі компьютерлерде, TCP/IP орнату қажет, мысалы өсу реті бойынша: 192.168.0.2 және т.б.
Ескерту: бір локальды желіде бірдей IP-адресті орнатуға болмайды.
Сурет 20 - TCP/IP мүмкіндіктері
Бірлескен компьютерлердің өзара байланысын тексеру
Байланысты тексеру үшін CMD: Start -Accessories – CommandPrompt командалық тармағы орындалады.
Командалық тармақта ping 192.168.0.2. теру қажет
Екінші тәсіл бойынша байланысты анықтауда arp ‾a (сурет21) немесе ipconfig /all командасы орындалады.
Сурет 21- arp ‾a командасы арқылы біріккен компьютерді анықтау
Байланысты орнату жөнінде ақпарат пайда болады.
Қалған компьютерлер жөнінде My Network Places арқылы серверге қосылғанда көз жеткізе аласыз.
arp ‾a (немесе ipconfig /all) командасы – желіде қосулы тұрған барлық компьютерлердің IP-адресін анықтау ал, Ping командасы – компьютердің қосылу жайын анықтайды. Мысалы, Ping 192.168.0.2 командалық тармағы (сурет 22).
Сурет 22 – Компьютермен байланысты орнату терезесі 192.168.0.2.
Егер бірдей IP-адрестер анықталатын болса, онда конфликті жағдай туады.
Бақылау сұрақтары:
Жұмыстық топтағы біріккен компьютерлер қалай жасап шығарылады?
Жұмыстық топтағы компьютерлерде IP-адрестер қалай орнатылады?
Компьютерлер арасында байланыс орнатылғанын қалай анықтауға болады?
Байланыстың орнатылғанын қандай командалар анықтайды?
Тұжырым: Компьютерлерді жұмыстық топқа біріктіру, IP-адресін орналастыру, байланысты тексеру қарастырылады.
Дәрістің тақырыбы 4: Параллельді MATLAB
Жоспар: