«Астана медицина университеті» ақ

№2 Балалар аурулары кафедрасы

Балалар аурулары модулі

№ 13 Ситуациялық есеп

Қыз бала 7 жаста, жасына сай өсіп, дамыған. Ауырған аурулары: ЖРВИ жылына 3-4 рет, желшешек. 8 күн бұрын балаға қызылшаға, кызамыққа, паротитке қарсы - ККП вакцинасы салынған. Сол күні кешке циркке барған. Келесі күні балада t 37,5 С - қа көтерілді. Жөтеле бастады, мұрыны бітелді, тамағында ауырсыну пайда болған. Учаскелік дәрігер ЖРВИ диагнозын қойып, симптоматикалық ем тағайындаған. 4- күні балабаңшаға жіберілген.

Екпеден кейін 12 – күні қайтадан дене қызуы 38,5С-қа көтерілген, мұрыны бітелген, аздап жөтелген, тамағы ауырған және қышымалы бөртпелер шыққан.

Қараған кезде: әлсіз интоксикация симптомы, конъюктиваның жеңіл гиперемиясы байқалады. Бет терісі, дене, аяқ бөліктерінде өзгерген тері фонында дақты-папулезді бөртпелер, дақты басқанда жоғалады, бөрпелердің бірігуге бейімділігі жоқ. Анасының айтуы бойынша дақтар бір уақытта пайда болған. Екпе салған жерде диаметрі 0,5см қатаю, ауырсынусыз. Аңқасы гиперемияланған. Бадамша безі борпылдақ. Мойын,жақ асты лимфа түйіндері ұлғаймаған. Аускультацияда және перкуссияда жүрек және өкпеде өзгеріс жоқ. Іші жұмсақ, ауырсынусыз, бауыры ұлғаймаған.

Сұрақтар:

1. Болжам диагноз.

2. Вакцинациядан кейінгі жағдайды бағалаңыз.

3. Қызылша бөртпелерін клиникалық сипаттаңыз.

4. Қызылша екпесінен кейінгі мүмкін асқынуларды атаңыз.

5. Вакцинациядан кейінгі қалыпты реакция және нешінші күндері пайда болады, неліктен.

6. ЖПД тактикасы, госпитализацияға көрсеткіш.

7. Қызылша және вакцинациядан кейінгі күтілетін реакция дифференциалды диагностикасы.

8. СЭС хабарлама жіберу керек па?

9. Балаға ем тағайындаңыз.

10. Қызылшаға қарсы егуге қарсы көрсеткіштерді атаңыз.

Кафедра меңгерушісі _______________м.ғ.д., проф. Абдрахманова С.Т.

«Астана медицина университеті» ақ

№2 Балалар аурулары кафедрасы

Балалар аурулары модулі

№ 14 Ситуациялық есеп

8 айлық қызға дәрігерді үйге шақырды, дәрігерді шақыру себебі қызда тоникалық құрысулар болған.

Анамнезінен белгілі болғандай, қыз бала бірінші жүктіліктен, жүктілік бірінші жартысы токсикозбен, артериальді гипотониямен, I дәрежелі анемиямен, балтыр бұлшық еттерінің құрысуларымен өткен. Мерзімі жетіп туған. Туғандағы салмағы 3800 г, бойы 53 см. Туғаннан жасанды тамақтанады. Қосымша тағамдар 4 айлығынан берілген. Қазіргі кезде ботқалар, көкеніс езбесін, айран береді. 5 айлығынан мешел диагнозы қойылған. D₂ дәруменінің майлы ертіндісі тағайындалған.

Объективті: қыз бала толықтау, басы гидроцефальді формада, маңдай және шүйде төбешіктері айқындалған. Краниотабес. Үлкен еңбегі 2x2 см, шеттері майысқақ. Кеуде торы шоқы тәрізді, төменгі жағы апертурасы жазыңқы. Тіндер тургоры күрт төмендеген. Балтыр бұлшық еттері қатты жиырылған, «акушер қолы» симптомы бақалады. Жүрек тондары аздап тұйықталған, ЖСЖ – минутына 150 рет. Өкпесінде тұрақты емес ұсақ көпіршікті сырылдар. Іші керіліп, жайылған. Бауыр қабырға доғасынан 3 см шығынқы, көк бауыры пальпацияланбайды. Сүйемелдеумен отырады, тұра алмайды, кезеңді тоникалық құрысулар болады.

Жалпы қан анализі: НЬ - 100 г/л, Эр - 3,Зх10¹²/л, Ц.п. - 0,8, Ретик. - 2%, Лейк - 7,0х10⁹/л, т/я - 4%, с - 26%, л - 60%, м - 10%, ЭТЖ - 10 мм/сағ.

Жалпы зәр анализі: көлемі - 50,0 мл, түсі – ашық сары, мөлдір, салыстырмалы тығыздығы - 1012, лейкоциттер - 2-3 көру аймағында, эритроциттер - жоқ.

Сұрақтар:

1. Болжам диагнозды құрастырыңыз.

2. Диагнозды анықтау үшін қандай зерттеулер жасау қажет?

3. Бұл баланың биохимиялық қан талдауында кальций және фосфордың қандай өзгерістері болады?

4. Балада қышқыл-негіз алмасуының қандай өзгерістерін күтуге болады?

5. Балаларда қалқанша маңы безінің қызметі қандай?

6. Құрысу синдромы дамуының патогенезі қалай?

7. Құрысу синдромы дамуыны жыл мезгілімен байланысты ма?

8. Қандай аурумен дифференциальді диагноз жүргіземіз?

9. Анемия генезін анықтау үшін қандай зерттеулер жасау керек?

10. Осы аурудың емі қандай?

11. Болжамы қандай?

12. Балаға қандай алн алу шараларын жүргізу қажет?

Кафедра меңгерушісі _______________м.ғ.д., проф. Абдрахманова С.Т.