«Астана медицина университеті» ақ

№2 Балалар аурулары кафедрасы

Балалар аурулары модулі

№ 1 Ситуациялық есеп

Ұл бала Ю., 9 жаста, жедел ауырды. Сәл сырқаттану белгісі байқалады, басы ауырады, мұрнынан көп мөлшерде сулы бөлінді бар, құрғақ кетпейтін жөтел бар. Аурудың алғашқы 2 күні қызуы қатты көтерілді, бірақ парацетамол берген соң түскен. Бала 1-ші жүктіліктен, жүктілік ақаусыз өткен, мерзіміне жетіп туған. Ерте жастағы дамуы қалыпты болған. Егулерді жасына сай алған. Балалар жұқпалы ауруларынан желшешекпен және эпидемиялық паротитпен ауырған. Окулист дәрігерде орта дәрежедегі миопия диагнозымен бақылауда тұрады.

Ауру басталғаннан екінші күні қараған кезде: баланың дене бітімі дұрыс қалыпты, тамақтануы қанағаттанарлықтай. Тері жабындылары таза, бозғылт көзге көрінетін шырышты қабаттары таза, аңқасында айқын катаральды көріністер, ринорея. Құрғақ жөтел сақталған. Иек асты, алдыңғы және артқы мойын лимфа түйіндері пальпацияланады, ұсақ, эластикалы, ауру сезімсіз. Аускультация кезінде тынысы қатаң, жайылмалы симметриялы тұрақты емес құрғақ және әртүрлі калибрлі (әсіресе орташа көпіршікті) ылғалды сырылдар естіледі. Жөтелден кейін сырылдар жоғалады. Тыныс алу жиілігі минутына 22 рет. Перкуторлы: анық өкпелі дыбыс анықталады. Жүрек соғысы анық, ырғақты, аздаған тахикардия. Іші жұмсақ, пальпациялағанда ауру сезімсіз. Бауыр мен көкбауыр пальпацияланбайды. Үлкен дәреті мен зәр шығаруы қалыпты.

Жалпы қан анализі: НЬ - 115 г/л, Эр - 3,2х10¹²/л, Лейк - 8,4х10⁹/л, п/я - 2%, с - 21%, э - 7%, л - 63%, м - 6%, б - 1%, ЭТЖ - 14 мм/сағ..

Тапсырмалар:

1.Болжам диагнозды негіздеңіз.

2. Тексеру жоспарын құрастырыңыз.

3. Осы жағдайда рентгенологиялық зерттеу қажет па?

4. Манту сынамасын жасауға көрсеткіштерді атаңыз.

5. Ем тағайындаңыз.

6. Эпидемияға қарсы шараралар жоспарын құрыңыз.

7. Бұл аурудың алдын алу тәсілдері қандай?

8. Балалардың тыныс алу ағзалаларының анатомо-физиологиялық ерекшеліктерін атаңыз .

9. Осы аурудың ең мүмкін болатын қоздырғыштарын атаңыз ?

10. Сіз қандай бронхообструктивті синдром белгілерін білесіз ?

11. Бұл ауруға физиоем жасауға бола ма? Егер иә десеңіз, онда қандай физием?

Кафедра меңгерушісі _______________м.ғ.д., проф. Абдрахманова С.Т.

«Астана медицина университеті» ақ

№2 Балалар аурулары кафедрасы

Балалар аурулары модулі

№ 2 Ситуациялық есеп

5 айлық бала. Бірінші қалыпты жүктіліктен мезгілі жетіп туылған. Туғандағы салмағы 3200 г, бойы 50 см.. Бірден жылаған,бірінші күннен емізге, 6-шы күні перзентхандан шыққан. Жас нәрестелік кезең асқынусыз өткен. 1 айлық кезінен, анасының ауруына байланысты (пневмониямен ауырып, бактерияға қарсы дәрі-дәрмектер қабылдаған) жасанды тамақтандыруға көшірілді. Жасанды бейімдетілген сүт қоспаларын бергеннен бастап нормадан артық салмақ қоса бастаған.

Отбасы анамнезі: анасында - азық-түлікке және дәріге аллергиясы бар, әкесінің дені сау.

3 айлық кезінде бала ЖРВИ мен ауырды, дене температурасы жоғарылап, мұрынынан шырышты бөлінділер бөлінген. Симптоматикалық ем қабылдаған. Қазіргі ауруы жедел дене температурасының 38 ° С ға дейін көтерілуімен басталған. Келесі күні жағдайы күрт нашарлады: балада пароксизмалды жөтел, қиындаған ысқырықты ентігу пайда болды.

Қараған кезде баланың жағдайы ауыр. Тыныс алуға қосымша бұлшық еттер қатысады, мұрын желбезегі кеңейген, периоральды көгеру байқалады.

ТАЖ минутына 60 рет. Перкуссияда: өкпеде қораптық тыныс естіледі. Аускультацияда: дем алғанда және дем шығарудың басында жаппай ұсақ сырылдар естіледі. Жүрек шекаралары: оң - 0,5 см төстің оң жақ жиегінен ішке қарай, солға – орта бұғана сызығынан 0,5 см ішке. Жүрек тондары тұйықталған. Жүрек соғысы минутына 140 рет. Дене температурасы 38,6 ° С. Іші пальпацияда ауырмайды, аздап кепкен. Бауыры оң жақ қабырға астынан 2 см шығыңқы. Үлкен дәретке 2 рет отырған, сары түсті, қоймалжың, патологиялық қоспалар жоқ.

Жалпы қан анализі: НЬ— 118 г/л, Эр - 4,Зх1012/л, Лейк - 6,2х109/л, п/я - 1%, с - 30%, э - 3%, л - 58%, м – 8%, ЭТЖ - 15 мм / сағ.

Кеуде қуысының рентгенограммасы: өкпе алаңы мөлдір, әсіресе шеткі бөліктерінде, диафрагма төмендеген.

Сұрақтар:

1. Сіздің диагнозыңыз?

2. Аурудың этиологиясы ?

3. Қоздырғышын анықтау үшін қандай әдістері қолданылады?

4. Ажыратпалы диагноз?

5. Емдеу принциптері

6. Осы жағдайда глюкокортикоидтармен емдеу орынды ма?

7. Баланы қандай мамандарға көрсету керек?

8.Физиотерапияның қай түрі қолданылады?

9. Баланы үйде емдеуге бола ма?

10. Болжамы?

Кафедра меңгерушісі _______________м.ғ.д., проф. Абдрахманова С.Т.