2. Бөлімше (топ, экипаж) командирі.

Әскери бөлімнің командирі Қарулы Күштердің негізгі такхикалық және әкімшілік-шаруашылық бірлігінің командирі бола отырып, бейбіт және созғыс уақытында: әскери бөлімнің жауынгерлік және жұмылдырушылық әзірлігі үшін; әскери бөлімнің жауынгерлік тапсырмаларын табысты орындау үшін; жеке құрамның жауынгерлік даярлығы, тәрбиесі, әскери тәртібі мен моральдық-психологиялық жай-күйі және әскери қызметтің қауіпсіздігі үшін; ішкі тәртіп пен әскерлердің қызметтерінің ұйымдастыру үшін; әскери бөлімнің Жауынгерлік туының, қару-жарағының, әскери техникасы мен басқа да материалдық заттарының жай-күйі мен сақталуы үшін; әскери бөлімнің техникалық, материалдық, медициналық, қаржылық, әлеуметтік-құқықтық, тұрмыстық қамтамасыз етілуі үшін жауап береді.

Бөлімнің комаңдирі әскери бөлімнің бүкіл жеке құрамының тікелей бастығы болып табыады.

Әскери бөлімнің командирі:

- бөлімнің жеке құрамының жауынгерлік даярлығы мен тәрбиесіне басшылық жасауға, әскери бөлімді шебер басқаруға;

- бөлімшелермен оқу-жаттығу жүргізуге, әскери бөлім штабының даярлығын жүргізуге, батальондардың, батальондар құрамына кірмейтін роталардың командирлерімен, олардың орынбасар-ларымен, әскер тектерінің және бөлім қызметтерінің бастықтарымен (кемеде - олардың көмекшілерімен, орынбасарларының, жауынгердің бөлімдердің командирлерімен және қызметтер бастықтарымен) дәріс, сондай-ақ әскери бөлімнің бөлімшелерімен дәріс жүргізуге;

- әскери бөлімнің (кеменің) жауынгерлік және жұмылыру әзірлігінің жоспарларын жасау мен орындауға, жауынгерлік даярлығын басқаруға;

- әскери бөлімнің жеке құрамын, қару-жарағын, әскери техникасы мен басқа да материалдық заттарын жаппай бүлдіру қарулауының зақымдау факторларынан, жергілікті және азаматтық қорғаныстың ерекшеліктерін ескере отырып техногендік және экологиялық апаттардың зардаптарынан қорғау жөніндегі шараларды ұйымдастыруға және жүзеге асыруға;

- бөлімшенің әрбір офицерінің, прапорщигінің (мичманының) және старшинасының іскерлік және моральдық-психологиялық қасиеттерін білуге, офицерлермен құқықтық және әскери тәрбие мен педагогикалық дағдыларды, кәсіптік даярлықты жетілдіру жөніндегі жұмысты ұдайы жүргізуге;

- офицерлік жиналысын, қызметіп ұймдастыруға және офицерлер ұжымын ынтымақтастыруға бағыттауға, оның ұсыныстарын қарауға және олар бойынша шешімдер қабылдауға;

- әскери ұжымдарда жариялылықты, әлеуметтік әділдікті, әскери қызметшілердің арасында өзара сенімді орнықтыруға, бөлімшелерде кемшіліктерге, селқостыққа және енжарлыққа төзбеушілік жағдайын жасауға;

- жаңадан келген толықтыруды бөлімшелер (командалар, жауынгерлік бөлімдер) бойынша бөлуді басқаруға және оны 1-қосымшада көрсетілген тәртіппен Әскери ант қабылдауға апаруға;

- кадрларды іріктеу мен орналастыру, азаматтарды келісім-шарт бойынша әскери қызметке қабылдау жөніндегі жұмысты басқаруға, әскери-оқу орындарына оқуға тұсуге үміткерлсрді айқындауға, бұл ретте әскери ұжымның пікірін, Офицерлік жиналыстың және тұрақты түрде жұмыс істейтін аттестациялық комиссияның қорытындыларын, ұсыныстары мен ұсынымдарын ескеруге;

- әскери қызметті келісім-шарт бойынша өткеруші офицерлер мен әскери қызметшілердің демалыс кестелерін бекітуге;

- күн тәртібі мен қызмет уақытының регламентін белгілеуге, ішкі тәртіпі ұстауды талап етуге, орындалатын тапсырмалар мен сабақтар кестелерін ескере отырып жеке құрамның киім нысанын айқыңдауға;

- әскери бөлімнің орналасқан жерін күзетуді ұйымдастыруға, қарауыл және ішкі (кемеде кезекшілік және вахталық) қызметкерге бақылау жасауды жүзеге асыруға, олардың атқарылуын, сондай-ақ гауптвахтада (кеме карцерінде) қамалғандардың (күзетке алынып қамалғандардың) ұсталуын өзі тексеруге;

- құқық бұзушылықтардың алдын алу жөнінде шаралар қолдануға, олар жасалған жағдайда аға командирге (бастыққа) баяндауға, жасалған қылмыстар туралы прокурорға хабарлауға, қылмыстық іс қозғауға не қызметтік тексеру тағайындауға;

- адамдардың қаза болуына немесе өзгс де ауыр зардаптарға апарып соққан аварияларды, апаттарды және басқа да уақиғаларды тексеруге сондай-ақ әскери жарғылар мен айқындалған әскери қызметшілердің арасындағы өзара қарым-қатынас қағидалары бұзылған жағдайларды тексеруге өзі қатысуға;

- жауынгерлік даярлықтың, әскери тәртіп пен ішкі тәртіптің жай-күйін, сондай-ақ тәуліктік наряд қызметінің атқарылуын талдауға, айына кемінде бір рет нәтижелерін шығаруға және оларды жақсарту жөніндегі шараларды айқындауға;

- қару-жарақтың, әскери техника мен басқа да материалдық заттардың белгіленген қорын ұстау, сақтау, оңды күйде ұстау мсн дұрыс пайдалану жөнінде шаралар қолдануға, кезең-кезеңмен олардың бар-жоғын, жай-күйін және жауынгерлік әзірлігін тексеруге; жылына екі рет қару-жарақ пен әскери техникаға байқау өткізуге, жариялауға (кеме командирі кемеге байқауды кемінде екі айда бір рет өткізуге, айына кемінде бір рет - оның қару-жарағын, оқ-дәрі мен техникалық құралдарын тексеруге, күн сайын кемені шолып шығуға);

- Қазақстан Республикасының Президентін, елдің мемлекеттік өкіметі жоғары органдарының басшыларын, шет мемлекеттердің ресми адамдарын, Қазақстан Республикасының Қорғаныс министрін және онын орынбасарларын, Қазақстан Республикасының маршалдарын, армия генералдарын, генерал-полковниктер мен адмиралдарды, әскери бөлім командирінен шені үлкен тікелей бастықтар мен осы Жарғымен айқындалған тәртіпте инспекциялау (тексеру) жүргізуге басшылық жасауға тағайындалған адамдарды күтіп алуға, баяндауға және әскери бөлімнің орналасқан жері бойынша (кемені қарап өту кезінде) ілесіп жүруге;

- қару-жарақпен, әскери техникамен және оқ-дәрілермен жұмыс істеу кезінде, дәрістер, оқ атулар, оқу-жаттығулар мен жұмыстарды жүргізу кезінде қауіпсіздік талаптарының орындалуына бақылау жасауды жүзеге асыруға (кеме командирінің бұдан басқа кеменің өміршендігі мен жүзуінің қауіпсіздігін қамтамасыз ету жөнінде шаралар қолдануда);

- әскери қызметтердің тұрмысын жақсарту, олардың денсаулығын сақтау мен нығайту жөнінде шаралар қолдануға, бір аптаға арналған тағам үлесінің бөлінісін қарауға және бекітуге, тамақтың сапасына және толық берілуіне күн сайын бақылау жасауды ұйымдастыруға, өзірленген тамақтың сапасын өзі апта сайын тексеруге; әскери бөлімнің қаржы, шарттық-талаптық және талап-арыз жұмысын, шаруашылық қызметін материалдық және ақша қаражатының заңды және үнемді жұмсалуын қамтамасыз ете отырып баскаруға;

- әскери бөлімінің қызметтік тұрғын ұй қорының коммуналдық ғимараттарының және жер учаскелерінің күтіп ұсталуына және дұрыс пайдаланылуына, сондай-ақ әскери бөлімдегі өртке қарсы қорғаныстың жай-күйіне бақылау жасауды жүзеге асыруға (кемеде - тұрғын және қызметтік ұй-жайларды қарауға, кеме корпусыныңоңды жай-күйін ұдайы қадағалауға);

- әскери бөлімнің орналасқан ауданында оқу-жаттығуларын, жауынгерлік әзірліктің басқа да шараларын жүргізу және күнделікті қызметі кезінде қоршаған ортаны қорғау мен табиғи ресурстарды ұтымды пайдалану жөнінде шаралар қолдануға;

- қызметтер бойынша өзі және лауазымды тұлғаларды, ішкі тексеру коммисяялары мен жұртшылықтың өкілдерін тарта отырып әскери мүліктің, сондай-ақ ақша сомалары мен құндылықтардың бар-жоғына жоспарлы және күтпеген тексерістер жүргізуге;

- мемлекетке келтірілген материалдық зиянды тапқан кезінде әкімшілік тексеру тағайындауға және кінәлы адамдарды жауапкершілікке тарту туралы уақтылы шешімдер қабылдауға міндетті.