1. Әскери қызметшілерді шынықтыру, дене даярлығы және спортпен шұғылдану.

Әскери қызметшілердің денсаулығын сақтау мен нығайту, дене тәрбиесін дамыту-оларды өзінің әскери борышын орындауға даярлаудың маңызды және ажырамас бөлігі. Командирдің (бастықтың) бағыныстылардың денсаулығы туралы қамқорлығы оның әскери бөлімнің (бөлімшенің) тұрақты жауынгерлік әзірлігін қамтамасыз ету жөніндегі қызметінде негізгі міндеттерінің бірі болып табылады.

Әскери қызметшілердің денсаулығын сақтау мен нығайтуға:

• командирлердің (бастықтардың) қызмет пен тұрмыстың жағдайларын жақсарту жөніндегі іс-шаралар жүргізумен;

• оларды ұдайы шынықтырумен, дене даярлығымен және спортпен жүйелі түрде шұғылданумен;

• санитариялық-гигиеналық, жұқпалы ауруларға қарсы және емдеу-профилактикалық шараларды жүзеге асыруымен қол жеткізіледі.

Әскери қызметшілердің күнделікті қызметі кез-келген жағдайда әскери жарғылар мен тәлімдемелердің олардың қызметтері мен тұрмысының жағдайларын жақсарту туралды талаптарын сақтай отырып жүзеге асырылуы тиіс. Бұл ретте орындалатын тапсырмалардың ерекшелігі, әскери бөлімнің орналасқан ауданындағы климаттық жағдайлар, экологиялық жағдайлар, экологиялық жағдай, материалдықққ қамтамасыз ету және казармалық тұрғын үй қорының жай-күйі ескеріледі.

Командирлердің (бастықтардың) әскери қызметшілердің қызметі мен тұрмысының жағдайларын жақсарту жөніндегі қызметінің негізгі бағыттары мыналар болып табылады:

• қажетті қауіпсіздік талаптарын белгілеу және оларды әскери қызметшілерге уақытылы жеткізу, олардың орындалуын қамтамасыз ету;

• санитариялық нормалар мен әскери жарғылардың әскери қызметшілерді орналастыру, олардың тамақтандырылуын ұйымдастыру, сумен жабдықтау, жылумен, материалдық және тұрмыстық қамтамасыз етудің басқа да түрлері мен жабдықтау жөніндегі талаптарын қатаң орындау;

-күн тәртібі мен қызметтік регламентінің дәл орындалуын ұйымдастыру;

-тиісті үлестік нормаларды әрбір әскери қызметшіге уақытылы және толық жеткізу;

• әскери қызметшілердің денсаулығына зиянды факторлардың әсерлерін жою немесе белгіленген шектерге дейін төмендету, әскери бөлімнің (бөлімшенің) орналасқан ауданында санитариялық-эпидемиологиялық және экологиялық жағдайды жақсарту жөніндегі шараларды жүргізу.

Әскери қызметшілерді шынықтыру, дене даярлығы мен спорт дәрістері олардың организмінің қоршаған ортаның физикалық факторларының түрлі күрт өзгерістеріне, әскери қызметтің ерекшеліктеріне және жауынгерлік тапсырмаларды орындауға байланысты жағдайларға төзімділігін арттыру мақсатында жүргізіледі.

Әскери қызметшілерді шынықтыру жөнінде шараларды олардың командирлері (бастықтары) медициналық қызметтің бастығы тоқтатылады немесе шектеледі, әскери бөлімнің ішінде жеке құрамының жиналысына, көпшілік мәдени шараларға тыйым салынады; қосымша оқшаулау жүргізіледі.

2.Санитарлық гигиеналық және жұқпалы ауруларға қарсы іс-шаралар. Оқыту әдістемесі.

Әрбір әскери қызметші өзінің денсаулығын сақтау туралы қамқорлық жасауы, ауруларын жасырмауы, жеке және қоғамдық гигиенаның ережелерін қатаң сақтауы және зиянды әдеттерден бой тартуы тиіс.

Жеке бастың гигиенасын орындауға мыналар кіреді:

• тісін тазалаумен бірге таңертең белуарға дейін суық сумен жуыну;

• тамақ ішердің алдында қолды жуу;

• ұйықтар алдында жуыну, тиісті тазалау және аяқты жуу;

• уақытылы қырыну, шашы мен тырнақтарын алу;

• іш киімді және төсектік жайманы, шұлғаулар мен шұлықтарды ауыстыра отырып, апта сайын моншада жуыну;

• киім-кешекті, аяқ киімді және төсек жайларын таза ұстау, жағалықтарды уақтылы ауыстыру.

Әскери қызметшінің шашы, мұрты, сақалы, егер ол бар болса, ұқыпты болуы, гигиенаның талаптарына жауап беруі және жеке қорғаныс құралдарын пайдалану мен жарақтарды алып жүруге кедергі келтірмеуі тиіс.

Қоғамдық гигиенаның ережелері жатын үй-жағдайларында, әжетханалар мен басқа да жалпы пайдаланудағы бөлмелерде тазалықты сақтауды;үй-жайларды желдету, қоғамдық орындарда, сондай-ақ әскери бөлімнің (бөлімшенің) орналасқан аумағында тазалықты ұстауды қамтиды.

Әскери қызметшілердің жұқпалы ауруларды қабылдамауын қамтамасыз ету үшін алдын-алу екпелері жүргізіледі. Егулер жоспарлы және індеттік көрсетулер бойынша болуы мүмкін.

Жоспарлы алдын алу егулері әскери бөлімнің (бөлімшенің) бүкіл жеке құрамына егулердің күнтізбесіне сәйкес, ал індеттік көрсетулер бойынша-аға командирдің (бастықтың) бұйрығымен жүргізіледі.