Жолдаманың үлгісі

Ата-тегі, аты, әкесінің аты-------------------------------------------------------------

Жасы---------------------------------------------------------------------------------------

Диагнозы----------------------------------------------------------------------------------

Консультацияға: терапевтке (хирургке, окулистке, лор-мама нға, стоматологке және т.б.) жіберіледі.

Мақсаты-мүмкін болатын патологияларды дәлелдеу үшін және жүктілікке қарсы көрсетулері барма немесе жоқпа мәселелерін шешу үшін.

Күні-----------------------------------------------------------------------------------------

Қолы ----------------------------------------------------------------------------------------

4. Мамандардың қорытындыларын алғаннан кейін жүкті әйел алынған

қорытындыларымен өзінің дәрігер акушер-гинекологына қайтып келеді.

8. Сарпайды (сыртқы жыныс мүшелерін) қарау.

Мақсаты- шаш шығудың түрлерін, жыныс саңылауының үңіреюін және

симметриясын, үлкен және кіші жыныс еріндерінің құрылысын,

бөлінулердің сипатын, патологиялық үрдістердің болуын, зәр шығару каналының сыртқы тесігін және бартолин бездерінің шығаратын жолдарының жағдайын, қыздық перденің немесе оның қалдықтарының түрін, бұтаралықты және артқы өтісті анықтау.

Көрсетулері –алдын ала қарау, гинекологиялық ауруды қарау және жүкті әйелдің әйелдер консультациясына алғашқы келуі.

Қарсы көрсетулері - жоқ.

Мүмкін болатын асқынулары - жоқ.

Ресурстары –гинекологиялық орынтақ, жеке жаялықтар, бір рет киетін стерилді

резеңке қолғаптар, сабын, орамал.

Іс-әрекет алгоритмі:

1. Өзіңізді таныстырыңыз, әйелге осы тексерудің маңызын түсіндіріңіз және оның ризашылығын алыңыз.

2. Әйелдің зәр қуығын босатуына көз жеткізіңіз.

3. Әйелді гинекологиялық орынтаққа, астына таза жаялық төсеп, аяқтары тізе және жамбас сан буындарында бүгіліп, ашылған күйінде жатқызыңыз.

4. Қолдарыңызды гигиеналық деңгейде жуыңыз.

5. Бір рет киетін стерилді резеңке қолғаптарды киіңіз.

6. Сарпайды қараңыз.

7. Сол қолдың үлкен және сұқ саусақтарымен жыныс еріндерін ашып, қынаптың кіреберісін және кіретін жерін, шырышты қабықтың түсін, зәр шығару каналының сыртқы тесігін және бартолин бездерінің шығаратын жолдарының жағдайын, қыздық перденің немесе оның қалдықтарының түрін, бөлінулердің сипатын қараңыз.

8. Бір рет киетін резеңке қолғаптарды шешіңіз, оны ҚҚҚ салыңыз.

9. Қолдарыңызды сабынмен жуыңыз және орамалмен құрғатыңыз.

10. Құжаттарға жазба қалдырыңыз.

Ескерту. Емшараның алдында әйел зәр қуығын және керек десең тік ішектіде босатқаны қажет.

9. Қынаптық үйректұмсық (қос жармалы) өздігінен ұстайтын Куско айналарының көмегімен тексеру.

Мақсаты-қынаптың шырышты қабығының түсін, жатыр мойнының жағдайын және орналасуын, пішінін, мөлшерін, сыртқы ернеудің жағдайын және пішінін, патологиялық үрдістердің болуын, цервикалды каналдан шығатын бөлінділердің сипатын бағалау.

Көрсетулері –гинекологиялық ауруды қарау, алдын ала қарау, жүкті әйелдің әйелдер консультациясына бірінші рет келуі, перзентханаға түскен кезде.

Қарсы көрсетулері –қыздық перденің бүтіндігі, плацентаның жатуына күдік кезінде.

Мүмкін болатын асқынулары –плацентаның жатуы кезінде қан ағу, дефлорация (қыздық перденің жыртылуы).

Ресурстары –гинекологиялық орынтақ, жеке жаялық, бір рет киетін стерилді резеңке қолғаптар,стерилді үйректұмсық өздігінен ұстайтын Куско айнасы, корнцанг, дәкелі шариктер, сабын, орамал.

Іс-әрекет алгоритмі:

1. Өзіңізді таныстырыңыз, әйелге гинекологиялық айналармен қараудың мақсатын түсіндіріңіз және оның ризашылығын алыңыз.

2. Әйел зәр қуығын босатқанына көз жеткізіңіз.

3. Әйелді гинекологиялық орынтаққа, оның астына таза жаялықты төсеп, аяқтарын тізе және жамбассан буындарына бүгіп, екі жаққа қарай ашып, жатқызыңыз.

4. Қолдарыңызды гигиеналық деңгейде жуыңыз.

5. Қолдарыңызға бір рет киетін стерилді резеңке қолғаптарды киіңіз.

6. Жатыр мойнынын және қынапты жақсы қарау үшін жеткілікті жарық түсіруді қамтамасыз етіңіз.

7. Оң қолға үйректұмсықты айнаны алыңыз, сол қолмен (1-2 саусақтармен) үлкен және кіші жыныс еріндерін ашыңыз және айнаны бүйірімен кіші жамбастың шығу жазықтығының түзу өлшемінде қынаптың артқы қабырғасы бойынша артқы күмбезге дейін енгізіңіз, айнаны кіші жамбастың көлденең өлшеміне қарай бұрыңыз, айнаны ашыңыз және жатыр мойнынын және қынапты көріңіз. Оларды дәкелі шарикпен корнцангтің көмегімен құрғатыңыз.

Қараған кезде назар аударыңыз:

• қынаптың шырышты қабығының түсіне;

• жатыр мойнының жағдайына және орналасуына, пішініне, мөлшеріне;

• сыртқы ернеудің жағдайына және пішініне;

• патологиялық үрдістердің болуына;

• цервикалды каналдан шығатын бөлінділердің сипатына.

8. Үйректұмсық Куско айнасын қынаптан енгізудің кері ретінде шығарыңыз.

9. Үйректұмсық Куско айнасын және корнцангті ҚҚҚ салыңыз.

10. Бір рет киетін резеңке қолғаптарды шешіңіз және ҚҚҚ салыңыз.

11. Қолдарыңызды сабынмен жуыңыз және орамалмен құрғатыңыз.

12. Құжаттарға жазба қалдырыңыз.

Ескерту. Осы тексеру гинекологиялық тексерудің негізгі әдісіне жатады, сарпайды көзбен шолып қарағаннан кейін жүргізіледі. Тексерудің алдына зәр қуығын және тік ішекті босату қажет.