Эхэ орон тухай

Өөрын һайхан нютагые

Орхихо хэрэггүй.

Түрэһэн һайхан нютагһаа

Төөрихэ хэрэггүй.

* * *

Нүхэрһөө таһарһан хүн

Найман жэл соо гуниглаха.

Эхэ оронһоо хахасаһан хүн

Энэ наһан соогоо гуниглаха.

* * *

Түрэһэн дайда —

Түшэһэн бүхэ хэрэм.

* * *

Түрэл орон —

Түрэһэн эхэ.

* * *

Уг арадаа алдаһан хүниие

Уһан дээрэһээ гал эдихэ.

Түүхэеэ алдаһан хүниие

Тэмээн дээрэһээ нохой эдихэ.

* * *

Оог сууряан ойдо шэнгэдэг,

Олон зон орон нютагаа түшэдэг.

* * *

Хариин газарта

Хаба шадалаа бэхилдэг.

Халуунай газарта

Эб һургаалаа эмхилдэг.

* * *

Өөрын нютагта — яһаяа орхихо,

Хүнэй нютагта — нэрэеэ орхихо.

* * *

Хүнэй газар — хүхэ тайга,

Хариин газар — хара тайга.

* * *

Өөрын газарай

Үбэлыншье ногоон.

* * *

Эхэ ороноо хамгаалха —

Эрэ хүнэй зорилго.

* * *

Эхэ оронойнгоо түлөө

Эршэтэйгээр оролсохо.

* * *

Жадаяа барижа,

Жаргаланта ороноо хамгаалха.

Ленин багша, парти тухай

Ашата Ленин

Арадһаа түрөө.

Ангара мүрэн

Байгалһаа гараа.

Буряадай байдал

Большевик зохёогоо.

Арадай жаргал

Ленин зохёогоо.

* * *

Мүнгэн туяа — мүшэнһөө,

Мүнхэ жаргал — Ленинһээ.

* * *

Алмазһаа хатуу шулуун байхагүй,

Ленинһээ сэсэн баатар байхагүй.

* * *

Зоной сэдьхэл — Лениндэ,

Золой харгы — коммунизмда.

* * *

Мал, таряан ажалтай колхозник,

Маркс, Ленинэй һургаалтай колхозник.

* * *

Маша гүнзэгы

Марксын һургаалаар яба,

Эли тодо

Энгельсын һургаалаар яба.

* * *

Булад даадаг,

Большевик иладаг.

* * *

Набша сэсэг наранһаа,

Наһанай жаргал партиһаа.

Эрдэмэй түлөө большевик эрмэлзэдэг,

Жаргалай түлөө большевик тэмсэдэг.

* * *

Гэгээрэлтэ газарта — гэрэл,

Большевигтэ газарта — болбосорол.

* * *

Мүнгэн туяа — мүшэнһөө,

Мүнхэ жаргал — партиһаа.

* * *

Партиин аша ехэ,

Нүхэрэй туһа ехэ.

* * *

Коммунын эхин артель,

Коммунистын эхин комсомол.

* * *

Коммунистын дүү — комсомол,

Комсомолой дүү — пионер.

* * *

Комсомол хүн

Хубияа харадаггүй,

Зоноо харадаг.

* * *

Урдажа байһан ућанћаа

Айхагүй комсомол.

Улайжа байһан галһаа

Сухарихагүй комсомол.

* * *

Коммунистнуудай хүсөөр

Коммуна тогтобо.

Комсомолой хүсөөр

Колхоз баяжаба.

* * *

Бүрэнхы байдалһаа

Большевик хүтэлэн гаргаба.

Харанхы байдалһаа

Коммунист хүтэлэн гаргаба.

* * *

Ажал, һуралсал тухай

Ажал хэжэ, эрэ болодог,

Арые дабажа, хүлэг болодог.

* * *

Ажал хэһэн хүнэй

Амбаар дүүрэн.

* * *

Ажалай зэргээр —

Алдар соло.

* * *

Ажал жаргал хоёр —

Аха дүү хоёр.

* * *

Ажалша хүн

Арад зондоо хүндэтэй.

Хүдэлмэришэ хүн

Хүн зондоо туһатай.

* * *

Ажалда дуратай хүн

Алтанһаа үнэтэй.

* * *

Ажал хэһэн —

Аманда тоһон.

Ажалгүй һууһан —

Аягада хооһон.

* * *

Ажалда альгаа холгообол,

Арад зондоо хүндэтэй.

* * *

Ажалда атаржаха,

Хүдэлмэридэ хүдэржэхэ.

* * *

Ажал эрдэм хоёр —

Аха дүү хоёр.

* * *

Ургасын ехэ — ажалһаа,

Ухаанай ехэ — эрдэмһээ.

* * *

Эрдэм бэлиг —

Эбдэршэгүй хүсэн.

* * *

Эрдэм бэлиг хэшээлээр олдодог,

Энхэ жаргал тэмсэлээр олдодог.

* * *

Эрдэмһээ үлүү

Эрдэни үгы.

* * *

Эрдэмэй дээдэ — ном,

Эрхимэй дээдэ — эб.

* * *

Бусалһанһаа ама хүрэ,

Бууралһаа үгэ дуула.

* * *

Залуу хүн

Ябахадаа ухаа орохо,

Эрдэни шулуун

Мүлирхэдөө үнгэ орохо.

* * *

Уулын үндэрые

Дабажа үзөөд мэдэ,

Олоной хэлэһые

Шүүжэ үзөөд мэдэ.

* * *

Ћургаалтай хүн

Толон соо ябаха,

Ћургаалгүй хүн

Манан соо ябаха.

* * *

Сээжын хүсэн

Сэрэг зониие диилэхэ.

Гарай хүсэн

Гансахан хүниие диилэхэ.

* * *

Ухаатай хүн —

Олоной шэмэг,

Ургаһан сэсэг —

Уулын шэмэг.

* * *

Ћураһан дахуулха,

Ћураагүй дахаха.

* * *

Эрдэмтэй нүхэсэбэл —

Эрхим гүүлэхэш.

* * *

Эрдэмтэй хүн

Энхэ жаргал олохо.