1.3 Табиғи – климаттық жағдайы

Целиноград ауданында климат күрт континенталді. Қысы - ұзақ және қатаң, желді, боранды. Жазы – ыстық, әрі қысқа. Аудан үшін оңтүстік – батыс бағытындағы желдер сипат алады. Орта есеппен алғанда бір жылда 10 күн – мұздақ, ал 32 күн – тоңды болады. Мұндай күндер, әдетте, қазан айынан сәуір айына дейін байқалады. Коррозияға ұшырау қабылеті – орташа, жері – тұзды емес. Боранды күндері орта есеппен бір жылда 42 күнді құрайды. Оның бір жылдық ұзақтығы 500 сағат айналасында. Кернеуі 110/35/10 кВ «Рождественка» қосалқы станциясының табиғи – климаттық жайдайының берілгендері 1.2-кестеде келтірілген.

1.2 Кесте

Табиғи – климаттық жайдайдың берілгендері

Кезекті №	Аталуы	Көрсеткіштері
1	Желдің жылдамдығы	35 м/с
2	Мұздақтың қалыңдығы	6,4 мм
3	Ауаның орта жылдық температурасы	+15^оС
4	Температураның абсолютті максимумы	+45^оС
5	Ең суық бес күндік	-35^оС
6	Ең суық тәуліктер	-39^оС
7	Найзағайдың орта жылдық ұзақтығы	55÷60 сағ
8	Температураның абсолютті минимумы	-51^оС
9	Жылдық нөсердің жалпы саны	390 мм
10	Найзағайлы күндер саны	34

2 Кернеуі 110/35/10 кВ «Рождественка» қосалқы станциясын қайта құрылымдауды негіздеу

70-80 жылдары орнатылған трансформаторлы қосалқы станциялары 30 жылдық қызмет көрсету мерзімінен асып кетті. Барлық құралымдар қоршаған ортаның әсеріне байланысты пайдалану процесінде тексерілді. Айтып отырған әсерлерге бетон мен металдың тотығуы, қозғалмалы қосылымдардағы элементтердің фрикционды ұсталымы жатады. Олай болса, ұзақ мерзімді пайдалану процесінде болған құралымдардың сенімділігі төмендеді деген сөз. Қосалқы станциясының ары қарай апатсыз қолданылуы үшін жөндеу жұмыстары көлемі немесе оларды қайта құралымдау туралы сапалы және негізделген шешім қабылдау қажет.

Мұндай қондырғылардың осындай жағдайы тұрғылықты пунктілерді электрмен жабдықтауға ғана емес, сонымен бірге қызмет көрсетуші персоналдың өміріне қауіп тудырады.

2.1 «Рождественка» қосалқы станция ауданындағы электр жүктемелерін есептеу

«Рождественка» қосалқы станциясының 35 кВ электр жүктемелерін есептеуін жүргіземіз.

Алдын-ала «Рождественка» ҚС-нан шығатын 35 кВ желілердің бастапқы есептік сұлбасын құрастырып, торап телімдеріндегі қуаттар ағындарын анықтаймыз. Тұйықталған тораптарда ағын таралуын табамыз. Екі жақтан қорек алатын тораптағы ағын таратылуын, торап біртекті деп есептеп, табамыз.

1.1-кесте нәтижесінде құрастырған «Рождественка» ҚС-нан шығатын 35 кВ желілердің бастапқы есептік сұлбасы 3.1-суретте көрсетілген.