84. Жазуды тексеруге тапсырма

Белгілі бір сөзді немесе сөйлемді бастырып жазу, диктант ретінде жазу, көшіріп жазу.

85. Танымдық процестерді дамытуға әдістеме. Зейінін, есте сақтауын, логикалық ойлауын дамыту

1. Ойыншықтарды (заттарды, әр түрлі тақырыптық топтардағы суреттерді) есіне сақтау және оларды белгілі бір кезектілікте орналастыру (доп, машина, шапка; щар, қасық, қарындаш).

2. Мағынасы бойынша ұқсас суреттерді есінде сақтау (жаңбыр –қолшатыр; қар- шана).

3. Белгілі түсті заттарды іріктеу (тек қызыл машиналарды, ақ кубиктерді т.б.).

4. Белгілі пішінді фигураларды іріктеу (тек шаршыларды, үшбұрыштарды, дөңгелектерді).

5. Ұсынылған қатардан артық затты табу: (3қызыл шаршы және көк; қуыршақ, сайқымазақ, Буратино және шапка; тон, пәлте, плащ және шкаф; қызыл машина, қызыл қайық, қызыл кеме және сары машина).

6. Екі, үш, төрт бөліктен суреттерді құрастыру.

7. Қораптың тесігіне сәйкес әр түрлі пішінді фигураларды іріктеу.

8. Тірек суреттерге сүйеніп, жұмбақтарды шешу (мысалы; « жұмбақ»).

Балалардың зейінін, есте сақтауын, логикалық ойлауын дамыту

1. Тек логопед атаған ойыншықтар мен заттарды есте сақтап, іріктеу (2-4дана).

2. Алынып тасталған немесе қоып қойған ойыншықты табу, атау.

3. Бір тақырып аясындағы ойыншықтарды есте сақтап, кез келген кезектілікте тізіп қою.

4. Бір тақырып аясындағы 2-3 ойыншықты есте сақтап, логопед айтқан кезектілікте тізіп қою.

5. Логопед атаған 2-3 сөзді есте сақтап, атауын атап шығу (мама, папа, апа).

6. Ұсынылған бірнеше суреттер, заттар, ойыншықтардың (шар, доп, қылқалам; шапка, құлақшын, алма; алмұрт, банан, үстел) ішінен артығын тауып, атау.

7. Контурлы суреттегі бейнеленген затты атау.

8. Ойыншықты (затты) бір бөлшегі бойынша тауып, атау.

9. Лексикалық тақырыптар: «Ойыншықтар», «Киімдер», «Жиһаз», «Ыдыс-аяқ», «Азық-түлік», «Көліктер».

86. Сөздің буындақ деңгейін дамытуға әдістеме.

3 тапсырма. Буын деңгейінде

«Буынды тап»

Мақсаты: баланың буынды талдауын тексеру

Сипаттамасы: педагог баладан жоғалған буынды табуын сұрайды.

Мысал: қа...даш, қы...нақ, ба...пан, жұ...қа және т.б.

4 тапсырма. Буын деңгейінде.

Мақсаты: баланың буынды талдауын тексеру.

Сипаттамасы: берілген сурет бойынша заттың атауында қанша буын бар екенін талдап шығуын сұрау.

Нұсқау: Мына суретте не бейнеленген? Бұл сөзде қанша буын бар? Бөліп, санайық.

Құрал-жабдықтар: балаға таныс заттардың бейнесі бар суреттер.

87. Ұсақ моторикаға әдістеме.

1 Тапсырма

Қағазбен жұмыс.

Мақсаты: қолдың ұсақ моторикасын дамыту.

1) мыжу – қолдың күшін дамыту (содан соң «домалақ шарик» пайда болады, оны белгілі бір арақашықтьқта тұрған себетке лақтыруға болады);

2) жырту – қимылдың арақатыстығын білуін дамыту.

Сипаттамасы: екі қолдың саусақтарымен қағазды ұстап екі жаққа тартамыз. Пайда болған жолақтарды қорапқа салып, оларды қайтадан шашып «жаңбыр» жасаймыз.

Құрал жабдықтар: әр түрлі кез келген қағаздар.

Ескерту!

* балаға осы жаттығуды жасатарда міндетті түрде қағазды қай жерден алатыныңызды көрсетіңіз. Және өзіңіз әрдайым қағазды тек сол жерден алыңыз. Себебі бала кез келген көзге түскен қағаздарды, кітаптарды немесе сол сияқты қажет заттардың барлығын жыртуға болады деп ойлап қалуы мүмкін.

* Балаға ескі кітаптар мен журналдарды жыртуға бермеңіз. Себебі біз кез келген ойынмен баланың өмірге деген қатысын, көзқарасын тәрбиелейміз. Ал бұл мысал кітапқа деген бұрыс көзқарасын дамытады.

3) Домаланған шарик қағаздан аппликация жасау.

Сипаттамасы: қағазды мыжу, оны жолақтарға жырту, шыққан жолақтарды төртбұрыш жасап жырту, әр пайда болған төртбұрыш қағаздарды алақанымен дөңгелетіп шарик жасау, домалақ шариктермен белгілі бір нәрсенің бейнесін салу.