Записки кіевскаго мђщанина божка балыки о московской осадђ 1612 года.

О Моск†и о Дмитрію, царику московскомъ ложномъ. Сіе писалъ мещанинъ кіевскій именемъ Божко Балыка, который самъ тамъ былъ и самовидецъ тому былъ.

Року 1604 мЂсяца октоврія 1 дня уЂхалъ въ Кіевъ царикъ московскій на день Покровы Пресвятыя Богородици въ понедЂлокь, а зъ нимъ былъ воевода сендомирскій и староста острицкій ¹), панъ Ротомскій. Стоялъ господою у бурмистра Митковича, а возился ²) у ВышгородЂ, и пошолъ на Путивль. Зъ Путивля выйшолъ на веснЂ, року 1605, мая 3 дня. СЂлъ на царст†на Моск†того жъ року; короновано постомъ Иліи, а забили его року 1606, мая 9 дня; а битва сталася ³) на заутрешний святого Миколы въ пятокъ.

* * *

Чти не ложно, бо писанъ сей литописецъ презъ людей певныхъ, мещанъ кіевъскихъ, хто тамъ былъ и очима своима видЂлъ. Писалъ Божко Балыка.

Року 1612, генваря 9 дня нещасливого выЂзду моего зъ Кіева въ дорогу московскую и терпЂнія великого голоду и неволи увъ осадЂ нась купцовъ до килка сотъ, ижъ во всемъ свЂтЂ голодъ неслыханный и въ кройникахъ ⁴) не писаный.

Тогожъ дня, на день святого мученика Поліевкта, былемъ я, Богданъ Балыка, у дому ихъ милостей: пана Александра и пана Созона Балыкъ, войтовичовъ кіевскихъ, братіи моей, а потомъ былемъ въ дому пана Савостіяна ⁵), бурмистра кіевского, тестя своего, и зъ его дому пустилемся ⁶) въ дорогу, за возами; ночовалъ тую ночь у Новоселкахъ, у Десны, въ четвертокъ. У пятокъ поткалъ козаковъ стародубскихъ, а у суботу своихъ догналъ въ НавозЂ селЂ, на обЂдЂ.

1) Остерскій. 2) Переправился. 3) Убійство произошло. 4) лЂтописяхъ. 5) Савостіянъ Брачи, италіянецъ архитекторъ, приписавшійся въ кіевское мЂщанство. 6) я отправился.

Тогожъ месеца 14 дня увъ ЯлЂ селЂ споткали Марка, товариша небожчика Боргоцкаго: провадилъ зъ Москвы тЂло князя Доманта и Пархома полковника, которые побиты у штурми подъ городомъ Стародубомъ. Дня 15 до Лоева пріехали есмо и поткали Миска Хурсенка, ехалъ зъ Смоленска. 17 дня выЂхали зъ Лоева. Дня 18 приехали до Гомля; на завтрый день приехали до насъ: Ивашковскій, пол-/101/ковникъ козацкій и зъ ясавуломъ Севериномъ Перехрестомъ; 21 дня выехали зъ Гомля; за три дня приехали до Стародуба, тамъ стояли 14 дней; посылали Богъдана Гулженка за войскомъ за Десну, але не могли вЂдомости взяти о войску; а потымъ посылали двухъ москалей до Новъгородка, до Лемона, племЂнника воеводина, жебы зъ нимъ торговалъ; и оттоль ни зъ чимъ приехалъ. Тогожъ року месеца февраля 6 дня изь Стародуба выЂхали, 9 дня до Крысова приехали; 14 дня приехали до Мстиславля; 24 дня приехали до Смоленска; нашолемъ тамъ пана Струса и зятя своего КозЂку. 24 дня Струсъ изъ людомъ ¹) пошолъ и къ столыци.

1) Съ войскомъ.

Тогожъ месеца 24 дня пустилися есмо, праве зъ незноснымъ жалемъ, за Струсомъ до Вязмы. Въ среду 26 дня пана Струса разбили шиши, маетку много взяли и девять человЂка пЂхоты убили; а мы у селЂ ЖижинЂпана ХотымЂрского догнали, а на завтра черезъ тотъ трупъ ехали. Месеца марта 1 въ неделю православную приехалисмо до Вязмы и нашлисмо тамъ: Скоробогатого, и Богдана Гребенника, и Стефана Хмеля, купцовъ, мЂщанъ кіевскихъ. Тогожъ месеца 6 самъ панъ Струсъ зо всЂмъ войскомъ пошолъ былъ икъ столыци, и мы за нимъ, але для лихои дороги ухабистои и для шишовъ и снЂговъ великихъ панъ Струсъ миль д†отишолъ, а мы д†версты отишли отъ деревни князя Ивана Алгидіева; перво мы вернулися до Вязмы 7 дня, а потомъ и панъ Струсъ вернулся зо всЂмъ войскомъ. Тогожъ дня Омелянъ Скоробогатый и Стефанъ Хмель вернулися, поехали до Кіева, а мы такъ весь постъ великій и после великодня килка недель лежали. О середопостЂ нЂмцевъ человЂка 60 пришло до Вязмы и шишовъ на дорози громили такимь способомъ: якъ выйшли зъ Смоленска, указано имъ где стоять; нЂмцы сами легли у возахъ по килка человЂка и покрылися рогожами и казали подводникамъ помалу ехати; шиши, то обачывши, розумЂли, же то купцы идутъ, на ортахъ (sic) до возовъ кинулися, а они шишовъ близко припустили, и заразъ зъ мушкетовъ на оныхъ разбойниковъ ударили, такъ, же ихъ килкадесятъ забили, и ранныхь килкадесятъ поймали, а иныхъ по острожкахъ морозъ подушилъ, ледво убЂгло щось немного. Потомъ, посля великодня, жолнере, и нЂмцы, и пехота, иншіе и наши охочіи ходили и килка зъ острожковъ достали и зъ корыстю вернулися. Тогожъ року мая 1 дня монастырскій полковникъ и Ширай другий два острожки взяли и килка /102/ сотъ бояръ и шишовъ побили и до Вязмы, до пана Струса зъ товаришами приехали. На завтрей у мене, Боска Балыки, былъ панъ Струсъ у господи Василія ПодопрысвЂта. Дня 3 мая я зъ Монастырскимъ и зъ товаришомъ выехали къ СередЂ, замку, и были у СередЂ дней 21. Дня 24 изъ Середы выехали, бояръ и што у турмЂ сидЂли 21 человЂка постинали, и Середу спалили всю. Тоеижъ ночи противъ недели была тривога великая; купци всЂ, покидавши возы, хотЂли утЂкати; шиши ударили, але не зыскали ¹) ничого, бо наши противъ ихь выехали и прогнали; 26 дня скончавши (sic), шиши, которыи зъ Калуги пошли до Пскова, было ихъ килка сотъ, до царика, що былъ ново прослылся у ПсковЂ, на насъ зъ корогвами ударили, але ихъ заразъ ²) наши усперли ³) и килкадесятъ ихъ забили и хоружого Ивашка зъ корогвою ⁴) поймали, и иныхъ козаковъ, зъ ними будучихъ, живцомъ поймали, и 70 возовъ зъ розною живностю и зъ горЂлками ⁵) взяли. Потомъ 28 дня пришлисмо знову до Вязмы.

Тогожъ року, месеца іюня 5 дня, пришолъ подъ столицю панъ Янъ Карулъ Хоткевичъ, гетманъ литовскій, и панъ Струсъ, и насъ купцовъ не мало, и Ширай зъ козаками притягнулъ и около рЂки Москвы обаполъ ⁶) стали. Дня 11 Зборовскій, вышедши изъ столици, пошолъ до Полщи, зъ нимъ и наши кіяне пошли до Кіева: Урмянинъ и Ширима. Тогожъ месеца 12 дня въ нещасливый часъ уехалисмо въ столицю московскую и заперто насъ у осадЂ изъ паномъ Миколаемъ Струсомъ и старостою Хмелницкимъ и зъ полковникомъ кролевскимъ, паномъ Будиломъ, и панъ Теляфусъ, панъ Калиновскій, и панъ Вгонецкій, ротмистръ кролевскій и нашихъ пановъ до килкадесятъ, ротмистровъ и пехоты кролевскои и насъ, мещанъ кіевскихъ, человЂка 20, окромъ челяди, и я, Боско Балыка, и иншихъ купцовъ немало зъ иншихь мЂстъ. Мы изъ Струсомъ и зъ Ложнею (sic) стали у Станислава господою противъ цар-пушки. Дня 13 гетманъ зо всЂмъ войскомъ своимъ изъ столицы пошолъ. Іюня 27, изъ суботы на неделю, князь Дмитрий ТимофЂевичъ Трубецкий, Мартинъ Ісаіевичъ Заруцкий, и было въ нихъ люду до килка тысячей, и до Китайгорода зъ трехъ сторонъ до штурму приступили: до двохъ брамъ, где Чорторыйская львица стоитъ; тамже ихъ добре наши усперли ⁷) и до килка сотъ ихъ убили.