17. Кадрлық жоспарлау үрдісі

Кадрлық жоспарлаудың мәні оның адамдарға керекті уақытта және қабілеттеріне, икемділіктеріне, өндіріс талаптарына сай көлемдегі жұмыс орнын ұсынуында жатыр. Жоспарлау мақсаты – өндірісті қажетті жұмыс күшімен қамтамасыз ету және соған сәйкес шығындарды анықтау. Еңбек күшіне қатысты әртүрлі шаралар барлық қызметкерлерді – жұмысшыларды және басқарушы жұмысшыларды дайындау, оларды үнемі өзгерістегі өндіріс жағдайына бейімдеу үрдісі негізінде жүргізілуі керек.

Кадрлық жоспарлау үрдісі бірнеше міндеттерді қарастырады:

• нақты кезеңдегі жалпы мақсаттарды анықтау;

• бұл мақсаттардың өндіріс үрдісі, өнім құрылымының өзгерісі есебінде жұмыс күші талаптарына икемделуі;

• компаниядағы жұмыстан шығару деңгейін бағалау және орын басу мүмкіндігін болжау;

• жұмыс күшін тарту үшін жұмыс уақыты мен демалыстағы тиімді өзгерісті бағалау;

• жұмыс күшінің жеткіліксіздігі пайда болған уақытты және орынды анықтау;

• жаңа технология, өнімділікті жоғарлату, өткізу нарығының өзгеруі, жұмыс күшіне сұранымның өзгерісін болжау;

• жұмыс күшін дамыту, технологиялық, экономикалық және әлеуметтік өзгерістер жылдамдығына бейімделу;

• жұмыс күшіне қатысты барлық саясат түрлерін үйлестіру және басқару.

18. Қонақ үйлердің классификациясы

Қонақ үйдің классификациясы дегеніміз – бұл белгілі бір қонақ үйлері мен нөмірлерінің қызмет көрсету критерийлері немесе стандарттары бойынша сай келінуі. Кез келген елде қонақ үй классификациясы өзіне сай разрадтары болады. Ол тиісінше стандарттардың сапалық параметрлері болып табылады. Қонақ үйлер жұлдызды, короналық, разрадты жүйе болып бөлінеді: қонақ үйдің разрядтылығы оның имиджіне, престижіне және қонақ үйдің қызмет ету жүйесіне байланысты болады. Қазіргі кезде 30 дан астам қонақ үйдің классификациясы бар.

Соның ішінде қонақ үйдің орналасу жағынан төмендегідей болуы мүмкін:

- қаланың ішінде орналасуы. Әдетте орталықта орналасқан қонақ үйде іскерлік мақсаттағы қонақ үйлер, отельдер, отель – люкстер және орта класты қонақ үйлер орналасады.

- теңіз жағалауында орналасатын қонақ үйлер. Мұнда орналасуына қарай теңізден арақашықтығы 50 м, 100 м, 150 м, 200 м, 300 м-ге дейін орналасады.

- таулы жердегі қонақ үйлер. Бұл туристік маршрут бойындағы демалуға ыңғайлы жерде көркем пейзажды табиғат аясында орналасатын қонақ үйлер.

Қонақ үйдің жұмыс мерзіміне байланысты:

- жыл бойы жұмыс істейтін қонақ үйлер;

- маусымдық курорттық қонақ үйлер.

19. Қонақ үй кәсіпорынының негізгі қорлары: түсінігі және жіктелімі

Негізгі қорлар – ұзақ уақыт өндіріс үдерісінде әрекет ететін, өзінің натуралды-заттық нысанын сақтайтын және құны тозу мөлшеріне байланысты бөлшектенген амортизациялық аударымдар түрінде өнімнің өзіндік құнына қосылатын өндірістік, материалды-заттық құндылықтардың жиынтығы.

Есепке алу, бағалау және талдау мақсатында негізгі қорлар бірнеше сипаттар бойынша жіктелімге жатқызылады.

Негізгі өндірістік қорларға өндірістік үдерісте қолданылатын (техника, құрал-жабдықтар және т.б.) немесе өндірістік үдерісті жүзеге асыруға жағдай жасайтын (өндірістік ғимараттар, құрылыстар және т.б.) қорлар (құралдар) жатады.

Негізгі өндірістік емес қорларға мәдени-тұрмыстық бағытта қызмет атқаратын нысандар жатады (асхана, демалыс орындары және т.б.).