26. Қонақ үйді басқарудың функциялары

27. Жергілікті газеттерде бос жұмыс орындары туралы хабарлар

Көптеген ірі және кіші қалалар күнделікті және апталық газеттер шығарады және оларды жергілікті тұрғындардың үлкен саны оқиды. Бос жұмыс орны туралы хабарлар газеттің жеке, арнайы бөлімдер мен қосымшаларда беріледі.

Хабарлама құны газеттің тиражына және хабарламаны орналастыру жеріне тәуелді.

Жергілікті газеттерде бос жұмыс орындары туралы хабарлар көптеген артықшылықтарды иемденеді:

• кең оқу аудиториясы;

• тез жариялау (жергілікті газеттердің көбінесе хабарларды орналастыру үшін тек 48 сағат керек);

• кәсіби дизайн бойынша қызметтер газетпен қосымша төлемдерсіз ұсынылады.

Сонымен қатар газеттердегі ақпараттың кейбір кемшіліктері де бар:

• ылғи қосымша шығындар;

• оқырмандардың көбісі жұмыс іздемейді;

• сіздің хабарламаңызды жұмысты іздеушілер көрмеуі

• мүмкін;

• газеттегі хабарлама қысқа өмірді иемденеді – газет әдетте тез оқылады және кейін сіздің хабарламаңызбен бірге лақтырылады.

28. Көшбасшылық және менеджмент

29. Жеке бизнес құру кезеңдері

30. Баға стратегиясы: түрлері, бағаны таңдау

Баға стратегиясы - жоспарлы кезең ішінде нарық жағдайында кәсіпорынның максималды пайда табуға бағытталған бағалардың бірнеше нұсқаларын жүйелі түрде таңдауы.

Дифференциалды баға қалыптастыру стратегиясы бір тауарды немесе қызметті әр түрлі бағада сату мүмкіндігіне негізделген. Бұған жататындар:

1. Екінші нарықтағы жеңілдіктердің бағалық стратегиясы келісім бойынша тұрақты және ауыспалы шығындар ерекшелігіне негізделген. Кәсіпорын үшін бұл әдісті қолдану тиімді. Мысалы, игерілген нарық жағдайында қонақ үй бәсекелестік жағынан ұқсас, бірақ тым арзан қонақ үйлік қызмет көрсетулермен бетпе-бет келеді. Қонақ үй алдында мынадай таңдау тұрады: не өз қызмет көрсетулеріне жоғары бағаны сақтап нарықтың бір бөлігін жоғалту, не бағаны төмендетіп, сол аралықтағы шығынды көтеріп, бірақ өнім өткізу көлемін кеңейту немесе сақтап қалу. Мүмкін болатын стратегияны таңдау жаңа және игерілген нарықта дифференциалды баға қалыптастыру арқылы жасалады.

2. Кешендік жеңілдіктердің бағалық стратегиясы сатушылардың әр түрлі дәрежелі сұраныстарының ерекшеліктеріне негізделген. Бұл стратегия маусымнан тыс уақыттағы қонақ үйдегі қызмет бағасының уақытша және кезеңдік төмендеуі кезінде - жеткізушілердің және туристік фирмалардың маусымдық емес тарифтерін, күндізгі көрсетілім билеттерінің бағасын, күніне қолданған сусындар бағасын және сонымен қатар максималды күш жұмсалған қызмет бағасын белгілеуде қолданылады. Стратегия туристік өнім «ескірген» жағдайда қолданылады, яғни бағаны төмендету сату көлемін сақтап қалуға мүмкіндік береді, сонымен қатар бұл тәсіл «қаймақ қалқып алу» стратегиясында да қолданылуы мүмкін. Стратегияның негізгі принципі мынадай: бағаның төмендеуін уақытқа сай болжау және баға төмендеу мүмкіндігі тұтынушыларға белгілі болуы тиіс.

3. «Кездейсоқ» жеңілдіктер (бағаның «кездейсоқ» төмендеуі) баға стратегиясы кездейсоқ жеңілдікті тудыратын клиенттердің пайда болуына негізделеді. Мысалы, туристік фирма бір уақытта төмен баға туралы ақпараттанған тұтынушылардың және бағаның төмендеуі туралы ақпараттанбаған, турсапарды максималды бағаға сатып ала алатын тұтынушылардың санын максимизациялауға тырысады. Сондықтан бұл стратегия «құбылмалы бағамен сату» деп те аталады.

Бәсекелік баға белгілеу стратегиясы кәсіпорынның баға арқылы қызметтің немесе тауардың бәсекеге қабілеттілігін есептеуіне негізделеді. Оған қатыстылары:

1. Нарыққа енудегі баға стратегиясы өндіріс көлемін ұлғайту есебінен үнемділікке қол жеткізуге негізделген. Бұл стратегия нарыққа жаңа тауарларды енгізу үшін қолданылады;

2. «Игеру қисығына» негізделген баға стратегиясы бәсекелестерге қарағанда төмен шығынға және кәсіпорыннның нарықтағы жинақталған тәжірибе артықшылығына сүйенеді. Бұл стратегияны қолдану кезінде туристік өнімді бастапқы өмірлік циклінде сатып алған тұтынушылар келесі өмірлік циклде сатып алушыларға қарағанда өнімді төмен бағаға алып, өз қаражаттарын үнемдейді;

3. «Белгі беруші» баға стратегиясы бәсекелес қонақ үйлер қалыптастырған баға механизміне деген тұтынушылар сенімін қолдануды қарастырады. «Белгі беруші» бағалар бәсекелес қызметтер туралы хабарсыз, бірақ сапаны маңызды деп санайтын, нарыққа жаңа келген тәжірибесіз сатып алушыларды қызықтырады.

4. Географиялық баға стратегиясы нарық орналасқан аймақтың географиялық белгілері бойынша баға қалыптастыруға негізделеді.

«Ассортименттік баға белгілеу стратегиясы» кәсіпорында ұқсас, түйіндес немесе бірін-бірі алмастыратын тауарлар немесе қызметтер бар болғанда қолданылады. Оған жататындар:

1. «Жиынтық» баға стратегиясы, бұл жеке туристік қызметтерге сұраныс әрқалай болған жағдайда қолданылады;

2. Аралас жиынтық стратегиясы, мұнда қызмет жиынтығы оны құраушы элементтерінің бағасынан төмен бағада ұсынылады, салыстырмалы баға нәтижесін қалыптастырады. Бұл стратегияға туроператорлардың жеке қызметтердің бағасы толық қызмет бағасын көтеретін тур пакеттері мысал бола алады.

3. «Жинақтық» бағалық стратегия, бұл - сатып алушылардың турфирманың бір немесе бірнеше сапарлар бағдарламасын әр түрлі бағада сатып алуына негізделеді.

4. «Номиналдан жоғары» баға стратегиясы, турфирма ұсынған қызметке сұраныс лайық болмай қалғанда қолданылады және туристік ұсыныс көлемінің өсуі есебінен қосымша пайда түсуі мүмкін.

5. «Имидж» бағалық стратегиясы сатушылар қызметтің бағасына емес, сапасына назар аударған жағдайда қолданылады.

Бағалық стратегияны таңдау - кәсіпорын іс-әрекетінің артықшылықтарын бағалауға негізделген баға белгілеу стратегиясын таңдау. Әрбір фирма нарық жағдайында баға стратегиясын таңдаудың көптеген нұсқаларын қарастырады. Фирма мақсаттары мен сатып алушылардың сипаттары осы таңдауға түрткі болады