4. Нарықтың дамуының болжамды бағалауы, күтілетін өзгерістер

Қазақстанда жиһаз өнеркәсібін дамыту үшін отандық тауарларды сыртқы нарықтарға ілгерілетудің салалық бағдарламасын әзірлеу және инвестициялық шығындарды оңтайландыру үшін еркін индустриялық-өндірістік аймақтар, қосылған құн тізбегі бойынша белсенді кооперация құру қажет.

Импорттық өнімнің өсе түскен бәсекелестігіне қарамастан, мемлекет қолдау көрсеткен және мамандардың барлық ұсыныстарын іске асырған кезде Қазақстанда саланың дамуы және өндірістің өсуі нақты мүмкін. Жиһаз және ағаш өңдеу өнеркәсібі кластер ретінде дамуы мүмкін және өсу бәрінен бұрын өндіру саласында ірі инвестициялық жобаларды іске асырудан туындайтын болады.

5. Маркетинг стратегиясы

Клиенттерді кеңселік жиһаз салондары үшін тартудың дәстүрлі әдістері – бұл баспа басылымдарындағы жарнама, телемаркетинг, ұсыныстары бар буклеттерді тікелей тарату, көрмелерге қатысу, сондай-ақ жинақтамаларды өздерінің интернет-сайттарында орналастыру.

Ресейдің жиһаз нарығына қатысушыларының пікірлері бойынша тікелей тарату барынша тиімді болып табылады. Алайда, бұл егер ол өзінің мақсаты бойынша – компанияда кеңсенің жайғастырылуына жауапты адамның қолына тікелей тиген жағдайда тиімді болады.

Телефон маркетингіне қатысты, ол бастапқы байланыстарды орнату үшін пайдалы болуы мүмкін. Бұл арада прайс-парақтарды тарату маңызды емес, клиентті мүмкіндіктер туралы ақпараттандыру маңызды болып табылады.

Көрмелерге қатысу барынша тиімді әдіс болып саналады. Көрмеде клиенттің көптеген өндірушілер мен сатушылардың жинақтамаларын өз көзімен көру, оларды салыстыру, бағасын қарау және оның талғамымен қаржылық мүмкіндіктеріне және қажеттіліктеріне сәйкес келетін жиһаздарды таңдау мүмкіндігі болады.

Кәсіпорында өнімді сатуды ұйымдастыру мынадай қағидаттарды ескере отырып жүзеге асыруды көздейді:

1. Бәсекеге қабілеттілікке тұрақты мониторинг және оны жетілдіру үшін жұмыс жүргізу;

2. Сұранысты қалыптастыру және өткізуді ынталандыру, имиджді қалыптастыру және тұрақты клиенттерді бекіту бойынша шаралар кешенін пайдалану.

Өнімді сатуды өзінің сауда нүктелерін ашпай, көтерме сауда делдалдары арқылы жүзеге асыру жоспарланып отыр.

Сұранысты қалыптастыру және өткізуді ынталандыру келесі сәттерге сүйене отырып жүргізу жоспарланып отыр:

- басқа өндірушілер шығаратын ұқсас бұйымдарға қарағанда бағалардың салыстырмалы төмен деңгейі. Мысалы, Қостанай қаласының нарығында стандартты жазба үстелінің орташа құны 6 500 – 7 500 теңгені, қағаздарға арналған шкафтың орташа құны – 11 000 – 12 000 теңгені құрайды, ал сату бағдарламасында негізге алынған сату бағасы 5 700 және тиісінше 10 500 теңгені құраған;

- білікті қызметкер;

- осы заманғы жабдық;

- кеңселік жиһаздарды жеткізуге арналған мемлекеттік сатып алуға қатысу;

- сұранысты ынталандыру жөніндегі бағдарламаларды іске асыру.

SWOT-талдау

Сыртқы орта	Мүмкіндіктер	Өндірістік қуаттарды кеңейту. Шығарылатын өнімдердің жиынтүрін ұлғайту.
	Қатерлер	Осыған ұқсас өнімдер шығаратын ірі өндірістерді ұйымдастыру. Импорт үлесін ұлғайту (импорт өнімдерін тұтыну үлесін ұлғайту).
Ішкі орта	Артықшылықтар	Жоғары технологиялық және осы заманғы жабдықтарды пайдалану. Табиғи шикізатты пайдалану.
	Кемшіліктер	Кәсіпорынның танымал еместігі (жаңа жоба). Шикізат бағаларына тәуелділігі.