10. Неліктен науқасты жуындырған кезде суды жыныс мүшелерінен тік ішекке бағыттап ағызады?

А)Науқасты осылай жуындыру ыңғайлы;

Б)Инфекцияны тік ішектен жыныс мүшелеріне енгізбес үшін;

В)Су судноға ағуы үшін;

Г)Шап пен шап аралықты мұқият жуу үшін;

Д)Төсекті және киімді былғамас үшін.

11.Науқасты жуындыру үшін қандай температурадағы суды қолдану керек?

А)22-25С

Б)25-30С

В)30-35С

Г)35-40С

Д)40-45С

Ситуациялық есептер

1. Реанимация бөлімінде 10-тәулікте науқас ем қабылдауда. Стационар жағдайында әйел адамдардың шашын қалай күтеді?

2. Науқастың басында бит табылды. Педикулезбен күресу үшін қандай инсекцидтер қолданасыз?

1. Тақырыбы: Науқастың функциональды жағдайын бағалау: пульсін есептеу, артериалық қысымын өлшеу. Антропометрия

2. Сабақтың мақсаты:

Жүрек қан тамыр жүйесінің аурулары қазіргі кезде кең тараған ішкі ағзалар патологиясы болып табылады және өлім себептерінің ішінде бірінші орында.Сондықтан қан айналымы ағзалары ауруларының алдын алудың,диагностикасының және емінің жаңа әдістерін ізденуді қажет етеді.Осыған орай аталған ауруларды анықтауда тамыр соғуын анықтау, артериялық қан қысымын анықтау әдістерін үйрету маңызыды болып табылады.Антропометриялық көрсеткіштер адамның қалыпты физикалық дамуын анықтау.Дене салмағын өлшеу, бой ұзындығы және кеуде өлшемін анықтауды үйрету.

3. Оқыту мақсаты:

Студент білуі тиіс:

- Артериялық тамыр соғуы, зерттеу тәсілі, оның сипаттамаларын;

- Артериялық тамыр соғуының қасиеттерін (ырғағы,жиілігі,тамыр соғуының толуытамыр соғуының тербелісі, биіктігі мен көлемі,тамыр тамыр соғуының жылдамдығы);

- Пульстің қасиеттерін (ырғағы, жиілігі, кернеулігі, толуы);

- Антропометрия.Динамометрия,термометрия және спирометрия ұғымын;

Студент жасай алуы тиіс:

- Тамыр соғуын зерттеуді;

- Шыбық артериясынан пульсті анықтауды;

- Қан қысымын анықтауды;

- Арнайы аспаппен сырқаттың бойын өлшеуді;

- Науқастың салмағын өлшеуді;

- Науқастың көкірек қуысы шеңберін өлшеуді.

Дағдыларды игерген болуы тиіс:

3. Науқастың артериялық қан қысымын Коротков әдісімен өлшеуді;

4. Науқастың тамыр соғуын шыбық артериясынан есептеуді.

4. Тақырыптың негізгі сұрақтары:

4.1. Базистік білім бойынша.

1. Жүрек қан тамыр жүйесінің құрылысы мен қызметі.

2. Қан айналым шеңберлері.

3. Жүректің жиырлу қасиеттері (систола және диастола).

4. Артериялық және көк тамырлық қан қысымы.

5. Салмақтың және бой өлшемінің жасқа сай қалыпты көрсеткіштері

4.2. Сабақтың тақырыбы бойынша:

- Артериялық тамыр соғуын анықтау;

- Артериялық тамыр соғуы, зерттеу тәсілі, оның сипатамалары;

- Артериялық тамыр соғуының қасиеттерін анықтау ;

- Артериялық қан қысымы, оны өлшеу тәсілі;

- Артериялық қан қысымын өлшеу;

- Қан қысымын анықтау;

- Антропометрия. Сырқаттың бойын, салмағын және көкірек қуысының шеңберін өлшеу.

5. Білім берудің және оқытудың әдістері: инновациялық оқыту әдістерін қолдану: шағын топтар, жұптасып жұмыс істеу, жаттығуларды орындау (аудиотаспа, бейнетаспа, электрондық оқулық, плакаттар, көрнекі құралдар мен ақпараттық материалдар), тақырыптық науқастарды курациялауға белсенді қатысу, тақырыптық науқастарға талдау жасау, клиникалық есептерді талдау.