Қазақ тілі пәні бойынша 11-сыныпқа арналған іі тоқсандық бақылау

Мақсаты: Өткен тақырыптар бойынша оқушылардың білім-білік дағдыларын тексеру.

Лексикалық тапсырмалар:

1. Берілген сөйлем сыңарларын пайдаланып, диалог құрастырыңыздар. Демократиялық мемлекет, адамның өмірі мен құқықтары, мемлекеттік билік, Президент, Үкімет, Парламент, Атқарушы билік болып саналады. Екі палата, Мәжіліс, Сенат, мемлекет атынан.

2. Байқоңыр ғарыш айлағы қайда орналасқан?

3. Қазақстаннан шыққан тұңғыш ғарышкер кім?

4. Қазақстан ғарыш саласы қалай дамыған?

5. «Егер мен депутат болсам...» шағын әңгіме жазыңыздар.

Грамматикалық тапсырмалар:

1. Жалпы және жалқы есімдерге мысал жазыңыздар.

2. Берілген зат есімдерден өзара тәуелдік формалы сөз тіркестерін жасаңыздар. Енбек, нәтиже; ғалымдар, зерттеу; оқушы, сұрақ; дос, көмек; әке, кітап.

3. Төменде берілген зат есімдерді септеңіздер. Ғарыш кемесі, электронды дауыс.

4. Сөздерді өз орнына қойып, сөйлем құраңыздар. Заң, парламент, билік, шығарушы, саналады, болып. Қазақстан, басқарылатын, мемлекет, жүйемен, президенттік. Билік, республикамызда, біртұтас, мемлекеттік. Сенат, емес, төменгі, палата.

5. Төмендегі сөйлемдердің бастауышын қаратпа сөзге айналдырып, қайта құраңыздар.

Балалар ғарышкерлермен кездесуге мұқият дайындалды. Оқушылар үнемі спортпен шұғылданады. Нұрлан ертең маған қызық кітап әкеледі. Жастар құштарлықпен білім алып жатыр.

Қазақ тілі пәні бойынша 11-сыныпқа арналған аралық бақылау үзігі

Мақсаты: І жартыжылда өткен тақырыптар бойынша оқушылардың білім-білік дағдыларын тексеру.

Қостанай

Қостанай – ежелден қалыптасқан жер атауы. Ғасырлар бойы қалыптасқан ана тіліміздегі мән-мағынасы сақталған төл атау. Торғайдың шығыс бөлігінде орналасқан Ұлытаудың басында Асан атаның бәйбішесі Тана әже жерленген. Оның басындағы ескерткішті халық Ақмешіт деп атайды. Автор Қостанай қаласының атауын да осы Тана әженің құрметіне қойылған және Танай деген есімге ие болған егіз қыздың есімінен іздейді. Ал Асанның осы Тана әжедей туған батыр ұлы Абат туралы аңызға айналды. Жыланды, Қызбел таулары осы күні Қостанай облысына қарасты Науырзым ауданының аумағында орналасқан.

Қостанай қаласының бұрыңғы орнын, Тобол жағасын, қыпшақ рулары қоныс қылған. Олай болса, қала аты да қыпшақтың егіз қызының атымен аталған (98 сөз)

(Жалпы білім беретін мектептердің мұғалімдеріне арналған оқу-әдістемелік құрал. Ж.С.Қалиева «Учебная книга»: Қарағанды, 2005)

Тапсырмалар

ІІІ деңгей. 1. Берілген етістіктерді өздік, өзгелік, ортақ етіс формаларында жазыңыздар.

І нұсқа – оқу, орындау, шығару ІІ нұсқа – тапсыру, ойлау, көру

2. Мәтін бойынша 3 сұрақ жазыңыздар.

3. Төмендегі етістіктерден келер шақ түрін жасаңыздар.

І нұсқа – есепте, талда, жүр ІІ нұсқа – айт, тапсыр, сөйлес

ІІ деңгей. 1. Белгіленген сөзге лексикалық талдау жасаңыздар.

І нұсқа. Автор Қостанай қаласының атауын да осы Тана әженің құрметіне қойылған және Танай деген есімге ие болған егіз қыздың есімінен іздейді.

ІІ нұсқа Жыланды, Қызбел таулары осы күні Қостанай облысына қарасты Науырзым ауданының аумағында орналасқан.

2. Сөйлемдерге синтаксистік талдау жасаңыздар.

І нұсқа. Жыланды, Қызбел таулары осы күні Қостанай облысына қарасты Науырзым ауданының аумағында орналасқан.

ІІ нұсқа. Қостанай қаласының бұрынғы орнын, Тобол жағасын, қыпшақ рулары қоныс қылған

І деңгей. «Туған жердің керемет қалалары» тақырыбына эссе жазыңыздар.

Қазақ тілі пәні бойынша 11-сыныпқа арналған ІІІ тоқсандық бақылау жұмысы

Мақсаты: Өткен тақырыптар бойынша оқушылардың білім-білік дағдыларын тексеру.

Лексикалық тапсырмалар:

1. Берілген сөйлемдерге сұрақтар қойыңыздар.

Ғаламтор – бүкіләлемдік байланыс желісі. WEB-сайт – ғаламтордағы ақпараттар жинағы. WEB-сайттан керек ақпарларды алуға болады. Ұялы телефон – радиожелі арқылы байланыс жасауға арналған құрал. Ұялы телефон қазіргі заманда адамның ажырамас көмекшісіне айналды. Қазіргі кезде оның бірнеше түрін ажыратуға болады.

2. Киімге қатысты мақал-мәтелдер жазыңыздар.

3. «Ұлттық киім» тақырыбына диалог құрастырыңыздар.

4. Компьютер, қалта телефоны туралы сұрақтар құрастырыңыздар.

5. Компьютердің пайдасы, зияны туралы жазыңыздар.

Грамматикалық тапсырмалар:

1. Берілген сөздерден туынды сын есімдер жасаңыздар.

Ақыл, күз, өнер, кеш, біл, тәртіп, қыс, атақ, тарих, аш

2. Берілген сөйлемге синтаксистік талдау жасаңыздар.

Мен ұялы телефонды сабақ уақытында сөндіріп қоямын, себебі кездейсоқ қоңырау түсуі мүмкін.

3. Қатыстық, сапалық сын есім қалай жасалады? Мысал келтіріңіздер.

4. Берілген сөйлемдердің түрін анықтаңыздар.

Шәкенді мен құшақтап сүйіп жатырмын, өйткені ол – менен жеті жас кіші және жақсы көретін інім. Қазан астындағы от кейде жалтылдайды, кейде қызып жанып, лапылдайды.

5. Сөйлемдерді салалас құрмалас етіп аяқтаңыздар.

Марат әнді жақсы айтады, ... . Бүгін демалыс, сондықтан ... .