Тұрар Рысқұлов атындағы Жаңа экономикалық университеті

«Негіздік дайындық» факультеті

«Философия және тарих» кафедрасы

1. Оқытушы туралы мәлімет

т.ғ.к., доцент қ.а. Кенжебеков Қ.К.

2. Байланысу ақпараты

3. Пәннің пререквизиті

Қазақстан тарихы мектеп курсы

4. Пәннің постреквизиті

Мамандықтар бойынша МАК

5. Пәннің сипаттамасы

Қазақстан тарихы бұл - Қазақстан Республикасы тәуелсіз мемлекетінің аумағында тұрып жатқан қазақ және өзгеде этностардың ұжымды жады. Шығыс елдері, Еуразия тарихының ауқымында қарастыруға болатын дүниежүзі тарихының бөлінбес бөлшегі ретінде саналады. Отан тарихы – тарихи кеңістік пен уақыт аралығындағы ежелгі дүниеден қазіргі күндерге дейін елдің даму заңдылықтарын айқындайтын маңызды оқиғалардың, құбылыстардың, үдерістердің, саяси-этникалық,әлеуметтік-экономикалық және рухани-мәдени аспектілерін зерттейтін ғылым.

6. Пәнді оқытудың мақсаты

Қазақстан республикасының мемлекеттік тәуелсіздік алуына орай өткенді жан – жақты және объективті зерттеу, негізгі міндеттері халықтың тарихи жадын жаңғырту,ұлттық сананы және азаматтық бірлікті жастарды отансүйгіштікпен толеранттыққа тәрбиелеу болып табылады.

7. Пәнді оқытудың міндеті

Қазақстанның тәуелсіз мемлекеттілігі мен ұлттық қауіпсіздігін қалыптастыратын стратегиялық міндеттерге бағытталған тарихи білімнің теориялық және әдістемелік негізін қалыптастыру; Полиэтникалық және поликонфессионалды қазақстандық қоғамды біріктірудің идеологиялық және рухани негізін қалыптастыру.

Дүниежүзілік тарих, Шығыс және Батыс мәдениеттерінің диалогы ауқымындағы Қазақстан тарихының қайталанбас ерекшелігі мен маңыздылығын анықтайтын ғылыми қағидаларын ашу.

8. Пәнді оқытудың құзыры

Білуі керек:

-Ерте кезеңнен бүгінгі күнге дейінгі Отандык тарихтағы негізгі окиғалардың мазмұнын ғылыми дәлелденген фактілерге сүйене отырып меңгеру.

-Тарихи-мәдени дамудың үздіксіздігі мен сабақтастығын түсіну.

- Гуманизммен патриотизмге негізделген рухани мұрагерліктің терең тамырын, бұрынғы ұрпактың мызғымас еңбегі мен халықтан шыққан жеке тұлғаларды білу.

Жасай алу керек:

- Дәлелдер, жазба, археологиялық деректер жэне ғылыми талдауға негізделген шынайы тарихты ойдан шығарушылық пен аңыз шығармашылығынан ажырата алуы қажет.

- Отандық тарихты жеткілікті терең және тұтастай кабылдай алатын дәрежеге жету.

Дағдысы:

-Ұлттық басымдылықтарға, уақыт талабы мен шындығына сәйкес үйлесімді тарихи сана және дүниетанымдық принңиптерді қалыптастыруға мүмкіндік береді.

-Тарихи тәжірибені және ұлттық дәстүрді сыйлауға көзқарасын қалыптастыру.