Үлгі сабақ. Тақырыбы: Іздеген жетер мұратқа.

Мақсаты: Оқушыларды өз бетінше танып - білуге, құштарлыққа, талпынысқа, ізденіске үйрету.

Міндеттері:

• Оқушыларға мақсатқа ұмтылушылық, мұратқа жету туралы түсінік беру;

• оқушылардың ерік- күшін дамытуға ықпал ету;

• еңбекқорлыққа, табандылыққа тәрбиелеу.

Шаттық шеңбері.

Шаттық шеңберге тұрып оқушылар сол жағындағы көршісімен сәлемдесіп, көршісіне болашағына жетелейтіндей бір жақсы лебізін білдіреді.

Мысалы:

- Армысың, Ескендір! Мен саған өмірде армандаған барлық армандарыңа жетуіңе тілектеспін!

Әр оқушының лебізі тыңдалып болғаннан кейін оқушылар М. Мақатаевтың «Аңса жаным» әнін хормен айтып шығады.

Мен тілеймін жарқыным сен де тіле,

Орнасын деп жақсылық жер бетінде.

Аққу тіле айдынның келбетіне,

Айдын тіле аққуды тербетуге.

Мен аңсаймын, сен-дағы аңса, жаным,

Жайлап ескен жақсыдан жан самалын.

Аңса, жаным, зарығып шарша, жаным,

Қанша ғұмыр қалса да қанша амалың.

Мен сағынсам, сен- дағы сағын, жаным,

Тек жақсылық адамнан табылғанын.

Алакөлсіз, ашусыз бауырлардың,

Алқам - салқам аңсаймын қауымдарын.

Болса- дағы көңілім қанша жарым,

Білінбейді солармен шаршағаным.

Жайлап ескен жақсыдан жан саламын,

Аңса, жаным, жабықпай, аңса, жаным.

Әңгімелесу (жетелейтін сұрақтар).

• Адам баласы неліктен үнемі талпыныс, ізденісте болады?

• Ізденіс болмаған жағдайда не болады?

• Адам көздеген мақсатына жету үшін қандай әрекеттер жасайды?

• Адамды қандай табыстар мұратқа жеткізеді?

Мәтінмен жұмыс (кітаппен жұмыс).

Танып- білуге құштарлық, талпыныс, ізденіс сияқты адам өміріндегі маңызды жағдайды түсіну мақсатында «оқулықта оқып үйренейік» айдарында берілген Шоқан Уалиханов туралы досы Г. Потаниннің «Шоқан» деген естелігі оқылады. (мәтін мазмұнын аша түсу мақсатында төмендегі сұрақтарға жауап бере отырып талдаймыз)

- Шоқанның жетістіктерінің сыры неде деп ойлайсыңдар?

- Өздеріңде Шоқанның талпынысындай ізденіске түскен сәттерің болды ма?

- Қиындыққа бой ұсынбау үшін адам бойында қандай қасиет болу керек деп ойлайсыңдар?

Оқу ақпараты. Балалардың өз бетінше пайымдаулары мен мәтіннен кейін оқулықтағы жаңа ақпаратпен таныстырылады.

Дәйексөз. Сабақтағы қаралып отырған мәтінді түйіндеу мақсатында Ж. Аймауытовтың ұлағатты сөзіне назар аударамыз.

Жаман әдеттен құтылуға

Жақсы әдетті табуға шара бар.

Ол шара – табандылық, қажырлылық.

Қажет қасиеттердің бірі, өзіне-өзі сенімділік.

Өзіммен - өзім. Оқушыларға баяу ғана шығып тұрған әуенді тыңдай отырып, үлгіде көрсетілген баспалдақ сызбасы бойынша мақсатқа жету жолын көрсету жүктеледі. Бұл әдістің негізгі мақсаты оқушылардың өзіне деген сенімдерін, ерік күштерін дамытып, жігерлендіру.

Үлгі:

Нәтиже:

Іздеген жетер мұратқа
	Мұратқа Жету жолында маған қанша уақыт кету мүмкін?!
		Маған қажетті құрал- жабдықтар.
			Менің әрбір әрекетімнің тізбегі
				Мені алдыға жетелейтін мақсат, мұраттарым

Жүректен жүрекке.

Сабақтан алған әсерлерін шеңберге тұрып, төмендегі жігерлі сөздермен барлықтары бірдей мұғалімнен кейін қайталап шығу арқылы қорытындылайды.

Жігер деген- МЕН.

Күш деген- МЕН.

Махаббат деген- МЕН.

Кешірім деген- МЕН.

Жастық деген- МЕН.

Денсаулық деген- МЕН.

Ақылдылық деген- МЕН.

Жарқындық деген- МЕН.

Бар ғажайып деген- МЕН.

Бәрі маған байланысты,

Бәрі менің қолымда.

Мұғалім: Бүгінгі сабағымыз өз мәресіне жетті, күш-жігерлеріңіз мол болсын