4 Интегралды микротәсімдер топологиясына құқықтар ұғымы

Азаматтық кодекстің және өзге де заң актілерінде көзделген құқықтық қорғау интегралды микротәсімдердің түпнұсқа топологиясына ғана қолданылады. Автордың шығармашылық қызметі нәтижесінде жасалып, материалдық көздерде көрсетілген интегралды микротәсімдер мен олардың арасындағы байланыстардың элементтері жиынтығының кеңістіктік-геометриялық орналасуы интегралды микротәсілдің түпнұсқалық топологиясы деп танылады. Құқықтық қорғау топологияда іске асуы мүмкін идеяларға, әдістерге, жүйелерге, технологияға немесе кодтандырылған ақпаратқа қолданылмайды. Интегралды микротәсімдер топологиясы құқығына және осы құқықтарды қорғауға байланысты қатынастарға тиісінше осы Кодекстің 994-997-баптарының ережелері қолданылады. Интегралды микротәсімдер топологиясына авторының немесе өзге де құқық иесінің бұл топологияны өз қалауы бойынша, атап айтқанда, мұндай топологияны басқа тұлғалардың тиісті рұқсатсыз пайдалануына тыйым салу құқығын қоса алғанда, мұндай топологиясы бар интегралды микротәсім дайындау жолымен пайдаланудың айрықша құқығы болады. Топологияның бірнеше авторына немесе өзге де құқық иелеріне тиесілі құқықтарды пайдалану тәртібі олардың арасындағы шартпен белгіленеді. Автордың рұқсатынсыз мынадай әрекеттерді жасау:

1.интегралды микротәсімге енгізу арқылы немесе өзге де түрде, оның түпнұсқа болып табылмайтын бөлігін қоспағанда, топологияны тұтас немесе оның бөліктерін көшіріп алу;

2.топологияны немесе осы топология бар интегралды микротәсімді қолдану, әкелу, сатуға ұсыну, сату және өзге де айналымға енгізу айрықша құқықты бұзу болып табылады.

Топологияға құқық иесінің айрықша құқығын бұзу болып табылмайтын әрекеттердің тізбесі заң актілерінде белгіленеді.

5 Интегралды тіркеу және қолдану мерзімі

Интегралды микротәсім топологиясының авторы немесе өзге де құқық иесі уәкілетті мемлекеттік органға өтінім беру жолымен топологияны тіркетуге құқылы.Тіркеуге өтінім беру, егер топология қолданылған болса, оны алғаш рет қолданған күннен бастап екі жылдан аспайтын мерзімде жүзеге асырылуы мүмкін. Топологияны, сондай-ақ оларға құқықты толық немесе ішінара беру туралы шарттарды тіркеу тәртібі заң актілерімен белгіленеді. Топологияны пайдалануға айрықша құқық топология тіркелген күннен бастап он жыл бойы күшінде болады. Егер топологияны тіркеу жүргізілмесе, аталған он жыл мерзім осы топологияның немесе осы топология бар интегралды тәсімнің дүние жүзінің кез келген елінде алғаш рет пайдаланылғаны құжат арқылы расталған күннен бастап есептеледі. Түпнұсқамен бірдей басқа автор өз бетімен жасаған топологияның пайда болуы ҚР АК-нің 1016-баптың 1-тармағында аталған айрықша құқық мерзімін үзбейді және тоқтатпайды.

Бақылау сұрақтары

1 Селекциялық жетiстiк авторының сыйақы алуға құқығы

2 Патент иесiнiң мiндеттерi

Тақырып № 25 Азаматтық айналымға, тауарларға және қызмет көрсетулерге қатысушыларды дараландыру құралдары

Мақсаты: Азаматтық айналымға, тауарларға және қызмет көрсетулерге қатысушыларды дараландыру құралдарының түсiнiгiн ашып қарау.

Жоспар

1 Фирмалық атау

2 Тауар белгiсi.

3 Тауар шығарылатын жердiң атауы.