65.Некеге отыру мен ажырасудың себептері

Некеге тұру некеге тұрушы ері мен әйелдің өзара ерікті келісімі және олардың неке жасына жету болып табылады. Егер неке күш көрсету, алдау, қорқыту жолымен қиылған болса, онда ол жарамсыз деп танылуы мүмкін. Некеге тұру келісімін некені тіркеу рәсімінің барысында некеге тұрушы адамның тікелей өзі ауызша білдіреді және оның қолын қойғызу арқылы расталады. Соның өзінде ата – аналарының немесе туыстарының келісімі талап етілмейді. Дей тұрғанмен, қай жағынан алып қарағанда да ата – анасының құптауы болашақ отбасы үшін өте маңызды екендігі күмәнсіз. Отбасын құру үшін неке жасына жетудің үлкен маңызы бар. Некеге тұрушылар белгілі бір рухани және күш – қуат кемелділігіне ие болуы керек, ол белгілі бір жаспен байланысты. Біздің заңымызға сәйкес неке жасы – 18 жас.

Жалпы Қазақстан бойынша ажырасуға себеп болатын негізгі факторларды атайтын болсақ: отбасының бұзылуына ең алдымен бір-біріне деген терең сезімдердің, өзара түсіністіктің жоқтығы себеп. Екінші кезекте – тұрмыстық зорлық. Одан әрі менмендік; тәкаппарлық пен пікірлер қарама-қайшылығы; өз кінәсін немесе қатесін мойындай білмеу; отбасылық өмірге дайын болмау; отбасылық құндылықтардың жоқтығы; тәуелділік (есірткіге, ішімдікке, интернет пен теледидарға); әлеуметтік-экономикалық қиындықтар; жағдайды бағалауда асыра сілтеу; отбасыда кімнің қандай рөл атқаратынын өзара келісе алмау; сыңарын таңдауда және отбасылық өміріне ата-анасы мен туған-туыстарының ықпалы; әлеуметтік деңгейлерінің әралуандығы; көзіне шөп салу; есеп бойынша тұрмыс құру; бедеулік; бойдақтығынан айырылып қалудан қорқу; отбасылық өмірден бейхабар болу және соңғысы – діни сенім-нанымның әртүрлілігі сынды себептер бар.

66.Білім институтының сипаттамасы

Әлеуметтік институт деп көбінесе адамдардың бірлескен қызметінің тарихи қалыптасқан орнықты нысандарын айтады. Институттардың негізігі мақсаты - жеке адамдардың, топтардың және жалпы қоғамның іргелі қажеттіліктерін қанағаттандыру. Неғұрлым маңызды қажеттіліктерді қамтамасыз ететін әлеуметтік институттардың бес негізгі түрі бар:

1. бала туу, өсуі (отбасы және неке институты);

2. қауіпсіздік және әлеуметтік тәртіп (саяси институттар, мемлекет);

3.тұрмыстық құрал-жабдықтар өндіру (экономикалық институттар, өндіріс);

4.білімді беру, өскелең ұрпақты әлеуметтендіру, кадрлар даярлау (білім беру, ғылыми және мәдени институттар);

5. рухани мәселелер, тіршілік мағынасын шешетін қажеттіліктер (дін институты).

Білім ерекше әлеуметтік институт, ол-өз бетімен біршама дербес әлеуметтік қызмет атқарады. Нақтылыап айтсақ, ол әрбір адамды білімнің негізімен тәрбиені сабақтастыруын, тұлғаны әлеуметтендіруін, оның интеллектуальды және рухани мүмкіндігін қалыптастырады, т.б.

Қоғамның оқу, білім құбылыстарын, процестерін жалпы әлеуметтагудың арнаулы теориясы- білім әлеуметтануы зерттейді. Ол білім жүйесінің белгілі бір заңдылықтары арқылы жеке әлеуметтік институт ретінде дамуын, оның қоғаммен және оның алуан түрлі салаларымен, басқа – да әлеуметтік жүйелерімен, процестермен, институттарымен әр түрлі қарым-қатынасын, байланысын талдайды.сонымен бірге білім жүйесі қоғамның әлеуметтік құрылымына, қоғамдық қатынастарға, еңбектің өнімділігіне, өндіріске және басқа іс-қызметтің тиімділігіне әсерін, жеке адамды тұлғаға айналдырудағы интеллектульды, білім процесінің рөлін, адамның табиғат және қоғам туралы білімді, озық тәжірибені игеріп, бойына сіңіріп, оның үйлесімді дамуын, білім деңгейінің қызметке, жұмысқа, тәртіпке әсерін, адамдардың ғылыми көзқарасының қалыптасуын, адамның қоғамдағы әлеуметтік жағдайының өзгеруін, т.б. талдап зерттейді.