Өзін таныған өзгені де тани біледі

Балаларға адамгершілік тұрғысында тәрбие беруде «Өзін-өзі тану» пәнінің мәні зор. Жас ұрпақты тәрбие­леуде алға қойып отырған негізгі мақсаттың бірі – қоғамда өзіндік орны бар, өз елінің қамын ойлайтын, үлкенге құрмет көрсетіп, кішіге қам­қор бола білетін, мемлекетіміздің бо­ла­шағы жан-жақты дамыған жеке тұлғаны қалыптастыру.

Білім берудің шынайы мақ­саты – адамға белгілі бір білімді жет­кізу ғана емес, сондай-ақ оның руха­ни, адамгершілік тұрғыдағы мәнін түсіндіру.

Қазіргі педагогика ғылымының тәр­бие саласындағы басым міндеттерінің бірі ретінде жас ұрпақты ғасырлар бойы жинақталған халық даналы­ғы­ның жалпы адамзаттық құндылық­тарын меңгерту негізіндегі тәрбиелеу қажеттігі дәлелдеп отыр.

Сенбе жұртқа, тұрса да қанша мақтап

АБАЙ

Сенбе жұртқа, тұрса да қанша мақтап,

Әуре етеді ішіне қулық сақтап.

Өзіңе сен, өзіңді алып шығар,

Еңбегің мен ақылың екі жақтап.

Өзіңді сенгіштікпен әуре етпе,

Құмарпаз боп мақтанды қуып кетпе.

Жұртпен бірге өзіңді қоса алдасып,

Салпылдап сағым қуған бойыңа еп пе?

Қайғы келсе қарсы тұр, құлай берме,

Қызық келсе, қызықпа, оңғаққа ерме.

Жүрегіңе сүңгі де, түбін көзде,

Сонан тапқан шын асыл, тастай көрме.

4-тапсырма. Жоғарыда берілген өлеңдерді мәнерлеп оқып шығып, түсінбеген сөздеріңізді «Түсіндірмелі сөздіктің» көмегімен мағынасын анықтаңыз

5-тапсырма. Берілген сұрақтарға жауап беріңіз

1. Абайдың «Сенбе жұртқа, тұрса да қанша мақтап» өлеңінің тәрбиелік мәні қандай?

2. Абайдың «Көк тұман – алдыңғы келер заман» өлеңіндегі негізгі ойды табыңыз?

3. Білім берудің шынайы мақ­саты қандай?

6-тапсырма. Мәтінді мазмұнына қарай бірнеше бөлікке бөліп, әр бөлікке тақырып қойыңыз

7-тапсырма. Берілген сызба бойынша мәтін мазмұнына жазбаша ой тұжырым жасаңыз

Өзін таныған өзгені де тани біледі

3 – сабақ. БЮДЖЕТ

1. Мәтінді дұрыстап, түсініп оқыңыз, өз пікіріңізді білдіріңіз

Қазақстан Республикасы шоғырландырылған бюджетінің шығындары жергілікті бюджеттердің, республикалық бюджеттің шығындарынан және Ұлттық қордың шығыстарынан тұрады. Көптеген функционалдық топтар бойынша шығыстар жергілікті және республикалық бюджеттен жүзеге асырылады, сол уақытта Ұлттық қордан республикалық бюджетке ҚР Президенті айқындайтын мақсаттарға нысаналы трансферттерді қаржыландыру жүзеге асырылады.

Ал Қазақстан Республикасының Ұлттық қорының қаражатын қалыптастыру мен пайдаланудың орта мерзімді перспективаға арналған тұжырымдамасына сәйкес үкіметтік қарыз алу саясаты Ұлттық қор активтерінің нарықтық құнына кепілдендірілген борышты ескере отырып, үкіметтік борышты 50-70-пайыздық қатынасқа қол жеткізуге бағдарланатын болады.

Бюджет кодексіне сәйкес бюджетаралық қатынастар трансферттер мен бюджеттік кредиттер арқылы, сондай-ақ облыстық және аудандық бюджеттердің арасында кірістерді бөлу нормативтерімен реттеледі.

Түсініктеме!

Бюджет – мемлекеттің міндеттері мен функцияларын іске асыруды қаржылық қамтамасыз ету үшін арналған оның орталықтандырылған ақшалай қоры. «Бюджет» деген сөз сөзбе-сөз алғанда ақша сақтауға арналған «ақшалы сөмке», «былғары қапшық» дегенді білдіреді.

2-тапсырма. Берілген нақыл сөздерді түсініп оқып, есіңізге сақтаңыз

1. Өзіңді-өзің өз бойыңнан биікпін деп ойламау да биіктік.

2. Өзің құрметтемеген нәрсеге – бөтеннен қайтіп құрмет күтесің.

3. Тегінде адам баласы адам баласынан ақыл, ғылым, ар, мінез деген нәрселермен озады. Одан басқа нәрсемен оздым ғой демектің бәрі де – ақымақшылық.

3-тапсырма. Төменде берілген мәтіннен іскерлік сөздерді қоржынға жинаңыз