23. Сервис түрлерін сипаттау

Қонақтардың контингентіне қарай әр түрлі сервистер қолданылады: -француздық; -ағылшын; -американдық; -орыс сервисі; -неміс сервисі. Француздық сервис – асханасы жоғарғы дәрежедегі мейрамханаларда көрсетіледі. Француздық сервис әлемдегі ең қымбаты деп саналынады. Қонақтың сол жағынан келіп даяшы тәрелкесіне тамақтар салады. Француздық сервисі үшін құрамы мынадай бүтіндей бір бригада керек: 1. мейрамхана менеджері (maіtre d'hotel) 2. аға даяшы (eneg de rang), төрт үстелге жауапты. Ол қонақтарды қарсы алады, тапсырыстар қабылдайды, қызмет көрсетілудің жылдамдығын қадағалайды, өзі қонақтардың тәрелкесіне тамақтар салып, еттерін кесіп береді және т.б. 3. аға даяшының көмекшесі (demі chef de rang) – ішімдікке тапсырыстар қабылдап, тағамдарды әкеліп тұрады. 4. су беруші даяшы (commіs de rang). Ол тапсырыстарды асханаға беріп, одан тележкамен тамақтар тасыйды, үстелдерді тазалайды. 5. Шарап таратушы даяшы (sommelіer). Француз сервисінің кемшілігі – жұмысының көптігі. Ағылшын сервисі (жақын қойылған столиктен қызмет жасау). Даяшы қонақтардың тәрелкесіне осы жерден тамақ салып, сосын оны

қонақтың сол жағынан барып үстеліне қояды. Егер де қонаққа қосымша тамақ керек болса, онда оны жаңа тәралкемен береді. Ағылшын сервисінің артықшылығы: -қонақтармен байланыстың жақсы болуы; -қызмет көрсетушілер еркін қозғалады. Ағылшын сервисінің кемшілігі – уақыттың көп кетуі. Американдық сервис. Тамақтар асханада дайындалып, сол жерде тәрелкелерге салынады. Даяшылар оны таратып, қонақтардың үстеліне қояды. Сервистің бұл тұрі өзінің қарапайымдылығына және ыңғайлылығына қарай жиі қолданылады. Американдық сервистің артықшылығы: -жұмысының жеңілдігі; -көп адамның керек еместігі. Американдық сервистің кемшілігі: -қонақтармен байланыстың нашарлығы; -бекітілген порция мөлшері. Неміс сервисі. Тамақ үлкен тәрелкеге салынып, үстелдің ортасына қойылады, сосын қонақтар өз тәрелкелеріне салып алады. Неміс сервисінің артықшылығы: -қонақ өзі тойғанша жейді; -жұмысының жеңілдігі; Неміс сервистің кемшілігі: -қолданылатын ыдыс санының көптігі. Орыс сервисі. Неміс сервисі сияқты тамақты үстелдің ортасына қояды, оны даяшы порцияларға бөледі, сосын қонақтар өз тәрелкелеріне

салып алады. Орыс сервисінің артықшылығы - қонақ қанша жегісі келеді өзі анықтайды. Орыс сервисінің кемшілігі: -жұмыстың, ыдыстың көптігі; -қонақтар өз тәрелкесіне салғанда тамақты шашуы мүмкін.

24. Қонақ үй нөмірлерінде қызмет көрсету процесін ашып көрсету

онақ үй нөмірлеріне қызмет көрсету үшін қызметкерлерді ерекше дайындықтан өткізу қажет. Ол қызметкердің нөмірде өз-өзін ұстау ережесімен байланысты. Қонақ үйдің қонақтары телефон арқылы метрдотелге немесе горничныйға тапсырыс жасайды. Тапсырысты қабылдағанда міндетті түрде мыналарды ескеріп жазып алу керек: -бөлме нөмерін, таңғы, түскі немесе кешкі тамақ; -қонақтардың санын; -тапсырыс берген тағамдар мен ішімдіктердің нақты аттары мен санын; -тапсырыстың уақытын. Қонақ үй нөмірлеріне қызмет көрсету үшін арнайы асхана ыдысы мен приборлары, тік бұрышты подностар, сервистік тележкалар

қолданылады. Қонақтарға нөмірде қызмет көрсету үшін арнайы ережелер бар: 1. Тапсырыс (таңғы, түскі, кешкі ас) подноспен немесе жылжымалы тележкалар арқылы беріледі. Подноспен бергенде даяшы оны сол қолымен алып жүруі керек, оң қолымен есікті ашып және оны жабады. Коридормен жүргенде даяшы подносты қарының тұсында ұстайды тек нөмірге кірер алдында оны кеудесіне дейін көтереді. 2. Нөмірге келгенде алдымен есігін қағады, рұқсат алған соң ішіне кіреді. 3. Кірген соң қонақтармен амандасады. 4. Егер қонақ төсекте жатып ішкісі келсе онда подносты кереуеттің жанынан береді. Егер екі адам болса, онда жеке-жеке поднос береді. 5. Тапсырысты сервировка жасағанда (бір адам үшін) подносқа барлығы мейрамхананың үстеліндегі сияқты ретімен қойылады. 6. Егер қонақ үстел басында немесе балконда ішемін десе, онда үстелге жапқыш жауып подносты қояды немесе подностан барлығын үстелге қояды. 7. Нөмірде даяшы керек уақыттан артық болмауы керек. Қонақтармен сөйлеседі сонда ғана, егер одан бір нәрсе сұраса.