2. Бағдарлама

Кіріспе

Кез келген дамыған елдердің экономикасының негізін бизнес құрайды. «Бизнес» сөзі дүние жүзіне тараған, онымен барлық елдер айналысады.

Бизнес – бұл кәсіпкерлік, ұйымдар, кәсіпорындар, ал бизнесмен дегеніміз - кәсіпкер. Кәсіпкер болу үшін кәсіпкерлік іс туралы жүйелі, толық, ретті түсінік болуы керек – кәсіпорынның қызметін алғашқы инвестициялаудан бастап шаруашылық жағдайына толық талдау жасауға дейін. Пәннің кәсіпкерлік пен шаруашылықты нарық жағдайында ұйымдастыруды біріктіретін ерекшелігі бар пән ретінде, кәсіпкерлік туралы түсініктер мен оның табиғатын, экономикалық ерекшеліктерін ескерген жөн.

12.01.2007 ж. № 224-III ҚР Кәсіпкерлік туралы заңымен жеке кәсіпкерлік субъектісінің жалпы қағидалары, олардың жұмыс жасау жағдайлары, мемлекеттік органдардың жеке кәсіпкелікті қолдауы, жеке кәсіпкерлердің біріккен субъектілері мен олардың нормативтік құқықтық актілерге экспертиза жүргізуі туралы, жеке кәсіпкерлерді тіркеу мен олардың қызметін жабу, мемлкеттік бақылау мен қадағалау жүргізу кезіндегі мемлекеттік лауазымды тұлғаның жауапкершілігі, лицензиялау мен аккредитациялау, сонымен қатар жеке кәсіпкерлердің де жауапкершіліктері бекітілген. Заң ҚР мемлекеттік бақылау мен қадағалаудың жалпы құқығын реттейді, бақылау мен қадағалаудың біріңғай принциптерін , сонымен қатар мемлкеттік органдардың, жеке және заңды тұлғалардың құқығы мен заңды іс-әрекеттерін қорғайды. 19.11.2009 ж. №742 ДСМ-нің бұйрығы дәрілік заттар, медицина мақсаттағы бұйымдар мен медициналық техника айналымы сферасына бақылау жүргізудің ережелерін айқындайды, фармацевтикалық қызметпен айналысатын жеке, заңды тұлғаларға тексеру жүргізудің реттерін белгілейді, бақылау мен қадағалау жүргізетін ведомстволық бөлімшелердің жүргізетін тексерулердің сапасын жақсарту ережелері бекітілген.

Пәннің мақсаты:

«Кәсіпкерлікті ұйымдастыру негіздері. Фармацевтикалық ұйымдарды бақылау» пәні өзге де фармацевтикалық пәндермен қатар фармацевт ассстенті мен фармацевттің қызметін қалыптастыруда, фармацевтикалық дайындықтан өткен маман дайындауда үлкен рөл атқарады,

Теориялық білімді қалыптастыру – студенттерді ҚР бақылау және қадағалау туралы ҚР Жеке кәсіпкерлік туралы заңдарымен таныстыру, сонымен қатар ДСМ-нің № 741 бұйрығымен таныстыру. Денсаулы сақтау министрлігінің 30.03.2011 ж. №159 және ҚР Экономикалық даму мен сауда министрлігінің 05.04. 2011 ж. №89 біріккен бұйрықтарымен таныстыру.

Практикалық дағдыны қалыптастыру – студенттерге жеке кәсіпкердің, фармацевтикалық инспектордың міндеттерімен таныстыру;

Құқықытық дағдыны қалыптастыру- қолданыстағы фармацевтикалық қызметті реттейтін нормативтік құжаттардың талаптарын тақырып бойынша игеру;

Коммуникативтік дағдыны қалыптастыру- оқу материалын игеру мақсатында тақырыпта берілген жаңа терминдер мен түсініктерді студенттерге оқытып үйрету;

Өзін – өзі жетілдіру СӨЖ - глоссарийлер, реферат, презентациялар, тест тапсырмаларын тақырып бойынша дайындау.

2.3 Пәнді оқытудың міндеттері:

Пәннің методологиялық негізгі түсінігін және теориялық түсінігін игеру.

Фармацевтикалық нарықты мемлекеттік реттеу бағытын және құрылымын оқыту.

Фармацевтикалық қызметті нормативті-құқықтық қамтамасық етуді оқыту.

Студенттерді ҚР Конституциясымен, ҚР заңдарымен, ҚР Президентінің және ҚР Үкіметінің, ҚР ДСМ нормативтің акталарымен жұмыс жасауды үйрету.

Студенттерді тексеруші және тексерілуші субьектілердің орындарында болуын көрсету.

Фармацевтикалық тексеру актілерін және әкімшілік заң бұзушылық хаттамаларын толтыруға үйрету.

Студенттерге кіші және орташа бизнестің даму принциптерінің негізі түсініктерін көрсету.

Практикалық дағдыларды игеру үшін – тақырып бойынша тапсырмалар орындату.

Құқықтық дағдыларды игерту мақсатында - тақырып бойынша қолданыстағы ауызша сұрау жүргізу.