[Gl]6-тақырып. Мәтінді дайындау кезіндегі жеке компьютер.[:]

Дәрістің мақсаты: Мәтінді дайындау кезіндегі жеке компьютердің алатын мәні мен танысу және түсіну.

Дәрістің құрылымы:

1. Магистрлік диссерттациялық жұмыстың құрылымы және мазмұнының мәні мен маңыздылығы.

2. Экономикалық зерттеулердегі негізгі компонеттердің байланысы.

1. Магистрлік диссерттациялық жұмыстың құрылымы және мазмұнының мәні мен маңыздылығы.

Кестелі материалды ұсыну. Белгілі бір заңдылықтарды салыстыру және қорытып шығару қажет болғанда, сандық материалды диссертацияда кесте ретінде рәсімдейді. Құрамы бойынша кестелер аналитикалық және аналитикалық емес деп бөлінеді. Аналитикалық кестелер сандық көрсеткіштерді өңдеу мен анализ жүргізудің нәтижесі болып табылады.

Аналитикалық емес кестелерге тек жай ақпарат үшін жинақталған бірақ өңдеуден өтпеген мәліметтер енгізіледі. Мұндай кестелер негізінен артықшылықтарды анықтау және акценттерді қою үшін қажет.

Мұндай кестелердің үлкен көлемділерін қосымшада (приложение) орналастырған жөн. Тізімнің номері оның мәтінмен байланыстылығын белгілейді. Ол «Кесте» деген сөзден және оның номерінің санынан тұрады, соңында нүкте қойылмайды.

Көп жағдайларда кестені 12-шрифтпен бір интервал арқылы рәсімдеу керек. Кестеден кейін келесі абзацтың алдында бір шегерім жасайды.

Суреті бар материалдардың бөлек түрлерін ұсыну. Диссертацияда суреті бар материалдардың негізгі түрлеріне: схема, модель, график, диаграммалар жатады. Диссертацияны сурет араластыра жазуды белгілі бір жалпы ойды негізге ала отырып, мәтіннің қосымша детальдарымен байланысты кездейсоқ суреттерден құтқаруға көмектесетін, жақсы ойланған тақырыптық жоспар бойынша жүргізу керек. Әр сурет араластырылған жазу мәтінен шығу керек және мазмұндалып отырған материалға көрнекілік беру қажет. Диссертациядағы барлық сурет аралас жазулар номерленген болу керек. Мәтінде сурет аралас жазуларға реттік номерінен тұратын сілтемелер жасалынады. Сілтемелерді бөлек тіркестер ретінде рәсімдеудің қажеті жоқ. Мәтіннің ішінде оқырманды сурет аралас жазуға бағыттау керек болғанда, сол жерде жақша түрінде жазылған сілтемені орнатады «(3-сурет)», немесе «... 3-суретте көрініп тұрғандай» деп көрсетеді. Әр сурет аралас жазуды негізгі мәтінге және өзіне сай келетін сурет асты таңбамен белгілеу керек.

Формулаларды ұсынудың, символдарды жазудың және экспликацияларды рәсімдеудің жалпы ережелері. Формулалар негізінен беттің ортасында бөлек жолда орналасады және мәтіннің ішіндегі жолдарда іріктеп орналасады. Қысқа, жай, өздігінен мағынасы жоқ және номерленбеген формулаларды іріктеу жолымен орналастырады. Ал маңызды және үлкен формулаларды бөлек жолдарда орналастырады. Келесі мәтінде сілтемесі бар формулаларды номерлейді. Формулалардың реттік номерлерін беттің оң жақ шетінде жақшаның ішінде араб сандарымен белгілейді.

Формулаларды ұсынғаннан кейін экспликацияны ұсыну қажет. Экспликация – формуланың ішіне кіретін символдардың түсінігі. Өз тұжырымдамаларды дәлелдеу үшін авторитетті қайнар көзге сілтеме жасалады немесе белгілі бір ғылыми ойға сын талдауын жүргізу үшін дәйекісөздерді қолдану керек.

Дәйекісөзді қолданғанда әр тіркеске қайнар көздің сілтемесі жасалу қажет. Қолданған бөтеннің материалына автордың және қайнар көздің сілтемесін жасамағанда, магистрлік диссертация қорғауға жіберілмейді.

Дәйекісөзді қолдану шектен тыс та, жеткіліксіз де болмауы керек, себебі мұның екеуі ғылыми жұмыстың деңгейін төмендетеді: шектен тыс дәйекісөзді қолдану жұмыстың компилятивті болуына әкеледі, ал дәйекісөзді жеткіліксіз қолдану жұмыста мазмұндалып жатқан материалдың ғылыми құндылығын төмендетеді. Сәйкесінше, сілтемелердің толықтығын көрсететін нормалар жоқ, ол жұмыстың өзгешелігімен анықталады. Дегенмен, негізінде сілтемелердің толықтығы диссертацияның бірінші тарауында кездеседі және сәйкесінше келесі тарауларда төмендейді.