5 Сынып «Атамұра» бағдарламасы.

Авторлары: А.Жайымов, Б.Ысқақов, Ж.Еңсепов, Ж.Сәрсембенов.

№	Сабақ барысы	уақыты	Жоспары
1	Ұйымдастыру	2 минут	Сәлемдесу,әнұран әндету.
2	Өткен сабақты сұрау	4 минут	Халық күйшілері.
3	Жаңа сабақты түсіндіру	10 минут	Ықылас Дүкенұлы
4	Музыкалық тыңдау	3 минут	«Ерден», «Қасқыр», «Аққу»
5	Әндету	8 минут	«Қобызым» әні
6	Шығармашылық жұмыс	3 минут	№ 4 тапсырма
7	Музыкалық сауат ашу	10 минут	Дыбыс ұзақтығын бекіту.
8	Қорытындылау	5минут	Қобыз сарыны
9	Бағалау	3минут	«5», «4», «3».
10	Үйге тапсырма	2 минут	Күйлердің шығу тарихы.

Сабақтың барысы:

-Иә, саламатсыңдарма балалар ?

Бүгінгі біздің өтетің жаңа сабағымыздың тақырыбы:

Қобыз сарыны Ықылас Дүкенұлы.

Ықылас Дүкенұлы атадан балаға мұра болып келе жатқан қобызшылар әулетінен шыққан.Өз әкесі Дүкенде , оның әкесі Алтынбек те асқан қобызшы болған.

Қорқыттан қалған дәстүрлі қобыз тартуды қайта жаңғыртып , жандандырған Ықыластың күй өнері Ашай , Әйкен ,

Сүгір сынды шәкірттері арқылы жалғасын тапты.

Ертеден келе жатқан қобыз үнін бүгінге жеткізушілердің бірі болған Ықылас – «Айрауық» , «Аққу» , «Асанқайғы» , «Ерден» , «Бозторғай» , «Қасқыр» , «Саржан төре» , «Шақыру» сынды күйлер қалдырған ірі композитор.

Музыкалық шығарманы тыңдау:

Ықыластың күйі «Ерден» , «Қасқыр» , «Аққу».

Ертеде Найман елінің Ерден деген батыры болыпты.Ол тек батырлығымен ғана танылмай дәулескер қобызшы болған деседі. Ерденнің Әйменді деген жалғыз ұлы қайтыс болып қайғы жұтып , қасірет шеккен халі бүкіл Бағаналы елін дағдартады.

Көңіл айтуға келген Ықылас «Өлімнің жолы ауыр ғой , өлгеннің артынан өлмек жоқ , тірі адам тірлігін істейді» деп , азалы шаққа қаншалықты араша түскісі келіп төрдегі

қобызды ала салады да шалып -шалып жібереді.Жай шалмайды , үш күн бойғы Ерденнің «беу , жалғызым , құлынам!» деп күрсіне егілген сөзін сөйлете сызады. Қыл қобыз ішегін тарта жылап , азалы жанның зарын төгеді.

Ықыластың осы жолы Ерден алдында тартқан көңіл айту күйі

ел арасында «Ерден» деген атпен тарап кетеді.

Шығармашылық жұмыс: № 4 тапсырма.

Мына күйлердің авторлары кімдер ?

1. «Аман бол , шешем , аман бол» 6. «Сауыншы»

2. «Топан» 7. «Салтанат»

3. «Сылқылдақ» 8. «Ерден»

4. «Құс қайтару» 9. «Желмая»

5. «Бес жорға» 10. « Көңіл ашар»

Дауыс ашу жаттығулары:

* Әнді баяу , ойлана , тыңдап ,сөзін анық айтуғы тырысамыз.

* Мәтініне көңіл бөл , ән не туралы айтылуда?

Әндету:

Қобызым әні

Қарағайдың түбінен

Қайырып алған қобызым.

Үйеңкінің түбінен

Үйіріп алған қобызым.

Аққайынның безінен

Айырып алған қобызым.

Қара еменді қақ жарып,

Ойып алған қобызым. О-о-о-о.

Ортекенің мүйізін

Тиек қылған қобызым.

Желмаяның терісін

Шанақ қылған қобызым.

Қылқұйрығын тұлпардың

Қияқ қылған қобызым .

Ақ түйенің сүтіне

Шылап алған қобызым . О-о-о-о.

Қарағайды қоздатып ,

Бұлап алған қобызым .

Құлағынды бұрайын ,

Қияқ шалып сынайын .

Ойлағаным болмаса ,

Қайырып жерге ұрайын!-

Қорытындылау:

* Ықылас кім?

* Ол қандай аспапта ойнаған?

* Ықыластың қандай күйлері бар?

* «Ерден» күйін кімге арнаған?

* «Қобызым» әнің талдау.

Үйге тапсырма :

Ықылас Дүкенұлының шығармашылығын әнгімелеу.

№ 4-ші тапсырманы орындау.

«Қобызым» әнің жатқа әндету.

Тыңдаған музыкалық шығармаларға сурет салу.

Бағалау: «5» - «4» - «3» -

Мерзімі: Сыныбы: 2/4

Тоқсандық тақырыбы: Дәстүрлі күйшілік өнер

Сабақтың тақырыбы: Ғасырлар тоғысындағы күйшілер.

Сабақтың мақсаты: Халық күйі арқылы қазақтың көне әдет-

ғұрыптарын, салт – дәстүрлерін баланың

бойына сіңіру, күйді тыңдата білуге баулу.

Білімділік мәні: Халық күйлерін, аңыз - күйлерінің шығу

тарихын насихаттау.

Дамытушылығы: Музыкалық қабілеттерін ашу, есте сақтау

қабілеттерін қалыптастыру, әнді

сүйемелдеумен әндету әдісін дамыту.

Тәрбиелік мәні: Оқушыларды мейірімділікке, адамгершілікке

халық күйлері арқылы тәрбиелеу .

Сабақтың әдісі:Жаңа сабақ.,әңгімелеу,талдау, тыңдау ,әндету ,т.б.

Көрнекілігі: Видео, DVD, магнитафон таспалары,

ән тексті, суреттемелер,т.б.

Пәнаралық байланысы: Әдебиет ,тарих , жаратылыстану .

Пайдаланған әдебиеттер: Музыка оқулығы 5сынып «Атамұра»

бағдарламасы бойынша.

Авторлары: А.Жайымов ,Б.Ысқақов ,Ж .Еңсепов ,Ж .Сәрсембенов.

№	Сабақ барысы	уақыты	Жоспары
1	Ұйымдастыру	2 минут	Сәлемдесу,әнұран әндету.
2	Өткен сабақты сұрау	4 минут	Халық күйшілері
3	Жаңа сабақты түсіндіру	8минут	Сүгірдің күйшілік мектебі .
4	Музыкалық тыңдау	3 минут	«Салтанат», «Телқоңыр»
5	Әндету	5 минут	«Анаға сәлем» әні
6	Шығармашылық жұмыс	3 минут	№ 3 сөзжұмбақты шешу
7	Музыкалық сауат ашу	10 минут	Дыбыс ұзақтықтары
8	Қорытындылау	5минут	Ғасыр тоғысындағы күйшілер.
9	Бағалау	3минут	«5»-, «4»-, «3»-.
10	Үйге тапсырма	2 минут	Сүгір шығармашылығы.