3. Прокуратура қызметкерлеріне кластық шендер беру және аттестациялау. Прокуратура қызметкерлеріне қолданылатын тәртіптік жазалар мен мадақтау шаралары

"Прокуратура тураы " ҚР Заңының 49- бабына және ҚР Жоғарғы Кеңесі Төралқасынығ 1992 жылғы 6 шілдедегі қаулысымен бекітілген " Қазақстан Республикасы прокуратура органдарында қызмет атқару туралы, Қазақстан Республикасы прокуратурасы қызметкерлерінің кластық шендері мен әскери атақтары туралы " Ереженің 26- бабына сәйкес прокуратура қызметкерлеріне атқарған қызметіне, біліктілігіне және арнаулы қызмет стажына сәйкес кластық шендер мен әскери атақтар беріледі.

• жоғары сыныпты мемлекеттік әділет кеңесшісі- әскери генерал;

• 1- сыныпты мемлекеттік әділет кеңесшісі, әділет генерал- полковнигі;

• 2- сыныпты мемлекеттік әділет кеңесшісі, әділет генерал- лейтенанты;

• 3- сыныпты мемлекеттік әділет кеңесшісі, әділет генерал- майоры;

• аға әділет кеңесшісі, әділет полковнигі;

• әділет кеңесшісі, әділет подполковнигі;

• кіші әділет кеңесшісі, әділет майоры;

• 1- сыныпты заңгер, әділет капитаны;

• 2- сыныпты заңгер, әділет аға лейтенанты;

• 3- сыныпты заңгер, әділет лейтенанты;

• Кіші заңгер, прапорщик, мичман.

"Прокуратура туралы " ҚР заңының 4- бабындағы 2) тармақшасына сәйкес прокуратура органдарының сыныптық шендер мен әскери атақтар бәрілген қызметкерлері нысанды киіммен тегін қамтамассыз етіледі.

Нысандары мен айырым белгілерінің үлгілері, нысанды киімді киіп жүрудің тәртібі және қамтамассыз ету нормасы, сондай- ақ сыныптық шендері немесе әскери атақтар беру және олардан айыру тәртібі ҚР- ның Президенті бекіткен Прокуратуіра органдарында қызмет өткеру туралы ережемен белгіленеді.

Сыныптық шендері мен әскери атақтары бар адамдарға Қазақстан Республикасының заңдарына сәйкес сыныптық шендері үшін қосымша ақы немесе әскери атақтары бойынша айлық ақы белгіленеді.

"ҚР- сы прокуратура органдарына қызмет атқару туралы, ҚР- сы прокуратурасы қызметкерлерінің кластық шендері мен әскери атақтары туралы " Ереженің 27- бабына сәйкес кластық шенді немесе әскери атақтағы арнаулы қызмет стажына сәйкес оң міңездеме болған жағдайда беріледі.

Аталған Ереженің 28- бабы прокуратура органдары қызметкерлеріне лауазымдарына сәйкес тиісті қызметтер, кластық шендер және әскер атақтар беруді белгілейді.

Тәртіп пен аттестация мерзімдерін ҚР- сы прокуратура органдарында қызмет атқару туралы, прокуратура қызметкерлерінің кластық шендері мен әскери атақтары туралы Ереженің 10- бабына сәйкес Бас прокурор белгілейді.

Қызметтік міндеттерін орындау кезінде жеке қауіпсіздігін қамтамассыз ету және қылмыстық әрекеттердің алдын алу үшін прокурор мен тергеуші белгіленген тәртіпте табельдік қару- жарақ пен басқа арнаулы құралдары алып жүруге құқықты.

Қару- жарақ пен арнаулы басқа құралдары беру тәртібін Бас прокурор анықтайды.

Әскери қызмет жағдайларынан шыға отырып, әскери прокуратура офицерлерінің құқықтары мен міндеттері заңмен анықталады.

14- бапқа сәйкес прокурорлық- тергеу қызметкерлеріне емделуге, қайта дайындау біліктілігін арттыруға сайланбалы лауазымға сайлауына байланысты жұмыстан босауына, басқа жерге көшуіне, қызметтік іссапарға шығуына байланысты және басқа жағдайларда заңдарда белгіленген кепілдіктер мен үстемақылар тарайды.

Қызметтік іссапарда жүргенде прокурорлар мен тергеу қызметкерлері қонақ үйден кезексіз орын алуға құқықты.

Қызметкер өз міндетін бұзған жағдайда немесе прокуратура органдарының беделін түсіретін теріс қылықтар жасағанда ол белгіленген ретте тәртіптік, материалдық және қылмыстық жауаптылыққа тартылады.

Бағынышты қызметкер әрбір тәртіптік теріс қылық көрсеткен жағдайда тікелей жаза қолдануға құқығы бар жоғары тұрған басшыға дереу баяндауға тиісті.

Жұмысқа қабылдауға өкілеттігі бар прокурор тәртіптік жаза қолдануға құқықты. Кез келген қызметкерге қатысты тәртіптік жазаны Бас прокурор қолданылады.

Тәртіптік жаза қызметкердің кінәсінен өзіне жүктелген міндеттерін мүлде орындамағаны немесе тиісті дәрежеде орындамағаны әкімшілік немесе басқа әдепсіз теріс қылықтар жазағаны үшін беріледі.

Ереженің 18- бабы тәртіптік жазардың түрлерін белгілейді:

1. Ескерту.

2. Сөгіс.

3. Қатаң сөгіс.

4. Қызметке толық сәйкес еместігі туралы ескертпе.

5. Қызметін, кластық шенін немесе әскери атағын төмендету.

6. Прокуратура органдарынан жұмыстан босату.

7. Жұмыстан босатумен қатар кластық шенінен немесе әскери атағынан айыру.

Кластық шендерін немесе әскери атақтарын ҚР- ның Президенті берген адамдардың кластық шенін ( әскери атағын ) төмендетуден басқа барлық жағдайларда Бас прокуор тәртіптік жазаны толық көлемде қолдануға құқықты.

Облыс прокурорлары және оларға теңестірілген прокурорлар кластық шенді ( әскери атағын ) төмендетуден басқа барлық жағдайларда өзі тағайындаған адамдарға тәртіптік жазаны толық көлемде пайдалануға құқықты.

Егер жасалған теріс қылықтың деңгейіне қарай тиісті тәртіптік жаза шаралары осы прокурорға берілген құқықтар шеңберіне кірмесе, ол жоғары тұрған прокурорға ұсыныс енгізеді.

Тәртіптік жаза теріс қылық байқалған күннен бастап бір айға дейігі мерзімде беріледі, оған қызметкерлердің ауырған және демалыста болған уақыты кірмейді.

Теріс қылық жасалған күннен кейін алты ай өткен соң тәртіптік жаза қолдануға болмайды.

Берілген тәртіптік жазаның орындалуын шағымдану тоқтата алмайды.

Теріс қылық жасаған қызметкер кейінге қалдыруға болмайтын жағдайларда еңбекақысы сақталып, қызметтік міндеттерін орындаудан уақытша шеттетілуі мүмкін.

Тәртіптік жаза қолдану туралы бұйрыққа Бас прокурорға шағымдануға болады. Шағымдану берілген тәртіптік жазаның орындалуын тоқтата алмайды.

Прокурорлық қызметкерлер қызметтік парызын үлгілі орындағаны және басқа қызметтегі ерекшеліктері үшін мадақталады.

Ереженің 25- бабына сәйкес прокуратура органдары қызметкерлерін мадақтау шаралары:

1. Алғыс.

2. Айлық жалақысына дейінгі мөлшерде ақшалай сыйлық.

3. Қызметтегі озаттығы үшін құны екі жалақыға дейіңгі ақшалай сыйлық.

4. кластық шенін немесе әскери атағын көтеру.

5. " ҚР- сы Прокуратурасының құрметті қызметкері " төске тағатын белгісімен наградтау.

Сіңірген еңбегі үшін прокуратура қызметкерлері " ҚР- сының еңбек сіңірген заң қызметкері " құрметті атағын беруге жататын басқа наградаларға ұсынылуы мүмкін.

"ҚР- сы Прокуратурасының құрметті қызметкері " төске тағатын белгісі туралы ережені және онымен наградтау тәртібін Бас прокурор белгілейді.

Е Р Е К Ш Е Б Ө Л І М