Реляциялық мәліметтер қоры

Соңғы уақытта мәліметтер қорының ішіндегі ең көп тарағаны – реляциялық мәліметтер қоры. Реляциялық мәліметтер қорында информация бір немесе бірнеше кестелерде сақталады. Кестелер арасындағы байланыс бір не бірнеше сәйкес өрістер арқылы жүзеге асырылады.

Реляциялық мәліметтер қорында кестенің әрбір қатары бірегей. Қатарлардың бірегейлігін қамтамасыз ету үшін кілттер қолданылады, олар кестенің бір не бірнеше өрістерінен тұрады. Кілттер тізбектелген түрде сақталады, бұл іздеу кезінде жазуларына тікелей қатынауды қамтамасыз етеді.

Реляциялық МҚБЖ – нің негізгі ерекшеліктері:

• Барлық мәліметтер кесте түрінде сақталады;

• Әртүрлі сипаттағы мәліметтер түрлі кестелерде сақталады;

• Қорды құратын кестелердің мәліметтері арасындағы қатыстар (реляциялар)

берілген;

• Әртүрлі кестелердегі информация, оның мәліметтері жаңа сұрау құру

кезінде қолданылатын жаңа кесте түрінде бірігуі және көрсетілуі мүмкін.

Қолданушылардың мәліметтер қорымен өзара әрекеттері үшін МҚБЖ қолданылады. Осы заманғы МҚБЖ мыналардан тұрады:

• Кестелерді және байланысқан кестелер арасындағы қатыстарды қолдау

үшін құралдар жиынынан;

• Ол информацияны енгізуге және модификациялауға, информацияны

мәтіндік және графикалық түрде көрсетіп және іздеуді орындауға мүмкіндік беретін дамыған қолданушы интерфейсінен;

• Олардың көмегімен жеке қосымшамызды құра алатын жоғары дәрежедегі

программалау құралдарынан.

МҚБЖ құралдары көмегімен біз:

• Біз үшін маңызды информацияны таңдай аламыз;

• Бүкіл кестедегі немесе тек таңдап алынған жазулар мен өрістерді әртүрлі

форматта басып шығара аламыз;

• Кестенің мәліметтерін графикалық түрде көрсете аламыз;

• Есеп беруді дайындау немесе кестелерден мәліметтерді таңдау барысында

түрлі есептеулерді орындай аламыз.

2 MS Access-ті іске қосу

Мәліметтер қорын құрастыру арнайы компьютерлік бағдарламаның көмегімен орындалады. Осындай бағдарламаның бірі, офистік бағдарламалар құрамына енгізілгені – Microsoft Access. Оны іске қосу үшін Іске қосу/ Программы/Microsoft Access (сурет 1) командасы қолданылады. MS Access-ке маус батырмасын басамыз Осы кезде экранда 2-суретте көрсетілгендей MS Access-ті шақыру терезесі пайда болады.

1 Cурет - ms Access – ті іске қосу 2 - cурет Файлды құру терезесі ms Access компоненттері

MS Access информацияны көрсету және сақтау үшін қолданылатын жеке компоненттерден тұрады. Олар: кестелер, пішіндер, есеп берулер, сұраулар, мәліметтерге қатынауға мүмкіндік беретін беттер, макростар және модульдер.

Пішіндер мен есеп беруді құру үшін конструкторлар қолданылады, сондықтан бұл компоненттер конструкторлық объектілер деп аталады. Конструкторлық объектілер құрама объектілер болып табылады, яғни басқару элементтері деп аталатын едәуір кіші объектілерден тұрады, олар: өрістер, батырмалар, диаграммалар, жақтаулар және т.б.

Кесте - мәліметтер қорының негізі болып табылады. MS Access-те

бүкіл информация кестелерде беріледі.

Пішіндер - пішін терезесінде кестелерді енгізу мен көру үшін қолданылады. Олар экранда бейнеленген информацияның көлемін шектеуге және оны тиісті түрде көрсетуге мүмкіндік береді. Шебердің көмегімен, алдын-ала жасалған шаблондардың біріне сәйкес орналасқан алғашқы кестенің өрістерін енгізе отырып, пішін жасауға болады. Пішіндер конструкторының көмегімен күрделі кез келген дәрежедегі пішіндерді жасай аламыз.

Есеп берулер - мәліметтер қорында бар информацияны көрсету үшін қолданылады. Есеп берулер конструкторында мәліметтерді топтау, толық және есептелінетін өрістерден тұратын есеп берулерді дайындап, оларды тиісті түрде безендіруге болады.

Сұрау - мәліметтер қорынан информацияны алу құралы болып табылады, әрі мұнда мәліметтер бірнеше кестелер арасында таратылған болуы мүмкін.

Мәліметтерге қатынау беті - MS Access немесе Microsoft SQL Server мәліметтер қорында сақталатын мәліметтермен Интернет немесе Интранет арқылы жұмыс істеуге және оларды қарап шығуға арналған арнайы Web-бетінің түрі.

Макростар - жиі орындалатын операцияларды автоматтандыруға арналған. Әрбір макрос бір немесе бірнеше макрокомандалардан тұрады, олардың әрқайсысы білгілі бір қызмет атқарады, мысалы, пішінді ашады немесе есеп беруді баспаға жібереді.

Модульдер – Visual Basic түрінде жазылған бағдарлама кейбір стандартты емес амалдарды орындауға арналған.