№6 Есеп

Наукас 52 жаста ер кісі.

Шағымдары: әлсіздік, кеуде қуысындағы ыңғайсыздық сезімі, жүрегінің тоқтап қалу сезімі, бас айналу.

Анамнез:осы жағдай 2 күннен бері мазалайды. Корвалол, валидол, нитросорбит қабылдаған. Жағдайының нашарлауын ешнәрсемен байланыстырмайды. 2009 жылы атриовентрикулярлы блокадамен асқынған миокард инфарктін алған, Оқтын-оқтын брадикардия ұстамалары болған, кордафен қабылдап, атропин иньекциясын алғаннан соң басылатын. Күнделікті ем қабылдамайды.

Обьективті: жағдайы орташа ауырлыкта. Есі айкын, белсенді қалыпта. Өкпесінде: тынысы везикулярлы,сырылдар жок,ТЖ 18 рет мин. Жүрек үндері айқын, ырғақсыз, брадикардия 38 рет мин. АҚ 110/60 мм.сн.бғ. пульс 38 рет мин, толуы және кернеулілігі қанағаттанарлық. Іші жұмсақ, ауру сезімсіз. Бауыры, көкбауыры ұлғаймаған

ЭКГ: дұрыс емес синусты ырғақ, ЖЖЖ 38 рет мин, ЖЭО көлденең қалыпта. Q тісшесі V2 - V4 әкетпелерінде кеңейген, терең. ST сегменті изолинияда. P-Q интервалының біртіндеп ұзарып, QRS комплексі оқтын-оқтын түсіп қалады.

Болжама диагноз қойыңыз?

Жедел ем тағайындаңыз және ары қарайғы тактикаңыз?

ЖМЖБ кафедра меңгерушісі

м.ғ.д., профессор Тұрланов К.М.

С.Ж. АСФЕНДИЯРОВ АТЫНДАҒЫ

ҚАЗАҚ ҰЛТТЫҚ МЕДИЦИНА УНИВЕРСИТЕТІ

КАЗАХСКИЙ НАЦИОНАЛЬНЫЙ МЕДИЦИНСКИЙ УНИВЕРСИТЕТ ИМЕНИ С.Д. АСФЕНДИЯРОВА

ЖЕДЕЛ МЕДИЦИНАЛЫҚ ЖӘРДЕМ БЕРУ КАФЕДРАСЫ

СИТУАЦИЯЛЫҚ ЕСЕПТЕР

№7 Есеп

Науқас 57 жаста. Шағымы: жүрек аймағындағы ұстама тәрізді ауру, кеуде артында шыдатпайтын, 40 минутқа дейін созылатын өте қатты күйдіріп ауру сезімі жауырын аралық аймаққа беріледі. Әлсіздік, суық тер, өлім қорқынышы.

Анамнезі: ауру сезімі 3 сағат бұрын физикалық жүктемеден кейін пайда болған. Ауру пайда болған кезде қысқа уақытқа есін жоғалтқан. Кетонал, нитроглицерин қабылдаған әсері әлсіз. Оқтын-оқтын АҚ 170/100 мм.сн.бғ. дейін көтерілген, күнелікті ем қабылдамаған. Өз бетінше нифидипин, дибазол қабылдайды. Ұзақ жылдар бойы күніне 10 дана темекі шегеді. 2 ай бұрын ЭКГде өзгеріс болмаған.

Объективті: халі ауыр. Есі айқын, қозулы, аурудан өзіне орын таппайды. Тері жабындысы бозғылт цианозды реңді, суық тер. Өкпесінде везикулярлы тыныс, сырыл жоқ. Тыныс алу жиілигі 20/мин. Жүрек үндері тұйықталған, ырғақты. АҚ 70/40 мм.сн.бғ. Пульсі минутына 86 рет, толуы мен кернеулілігі әлсіз. Іші жұмсақ, ауру сезімсіз. Бауыр, көкбауыр ұлғаймаган.

ЭКГ: дұрыс синусты ырғақ. ЖЭО солға ығысқан. QRS Комплексі 0,14/секундқа ұзарған, ST сегменті барлық әкетпелерде изосызықтан 1-2 мм.ге төмендеген.

« Троп-Т» сынағы- оң.

Болжама диагноз койыңыз?

Шұғыл ем тағайындап және науқасты алдағы уақытта емдеу тактикасын анықтаңыз?