2 Билет

(1) сұрақ .

Әбілхан Қастеев (1904 —1973 жж.) — қазақтың әйгілі кескіндемешісі, график-суретші, қазақ бейнелеу өнерінің негізін салушылардың бірі. Туып-өскен жері — Алматы облысына қарасты Жаркент төңірегі. Топырақ бұйырған жері — Алматы қаласы. Қазақстанның халық суретшісі .Қазақстан Суретшілер одағы басқармасының төрағасы. Еңбек жолын Түрксіб темір жол құрылысында жұмысшы болып бастады. Мәскеудегі көркемсурет студияларында Н.Г.Хлудов пен И.Бродскийден саба қалды

(2) сұрақ.

- Туыстық атаулар деген не?

- Ол адамның жақын – туыстарының атаулары.

- Ерлі – зайыпты өмірге ұрпақ әкелген адамдар, балаға кім болады?

- Ерлі – зайыпты өмірге ұрпақ әкелген адамдар, балаға ата – ана, әке – шеше болады.

- Ата – анадан туған ұрпақ кімдер?

- Ата – анадан туған ұрпақ балалар.

- Әке – шешеңнің әкесі саған кім болады?

- Әке – шешемнің әкесі маған ата болады.

- Ер жігіттің неше жұрты болады?

- Ер жігіттің үш жұрты бар, олар: өзжұрты, нағашы жұрты және қайын жұрты.

- Баласының баласы атасына кім болады?

- Баласының баласы атасына немере болады.

- Немереден туған бала кім?

- Немереден туған бала шөбере.

- Қыздың баласы атасына кім болады?

- Қыздың баласы атасына жиен болады.

- Балаға анасының төркіні кім болады?

- Балаға анасының төркіні нағашы болады.

- «Жеті атаға» байланысты қандай мақал – мәтелдер білесің?

- Жеті атасын білген ер, жеті жұрттың қамын жер. Жеті атасын білмеген жетесіз.

- Сен өзіңнің жеті атаңды білесің бе?

(3) сұрақ.

Құрметті ата – аналар, ұстаздар!

Сіздерді 25 мамыр күні болатын «Соңғы қоңырауға» шақырамыз. Басталуы сағат 10.00.

Мектеп әкімшілігі. №29

25 мамыр. 2013 жыл.

3 Билет. (1) сұрақ.

Қазақ тілі – қазақ халқының ана тілі. Қазіргі қазақ тілі өркендеген мәдениеттің тілі, ғылыми тіл, публицистика, ресми іс қағаздарының тілі болып, стиль жағынан жан – жақты сараланады. Қазіргі қазақ тілі – сөздік жағынан мейлінше байыған, грамматикалық құрлысы барынша дамыған, оралымды тіл.

Жер шарының бірсыпыра жерінде көптеген қазақтар тұрады. Басқа шетелдерде тұратын қазақтар да өз тілін, ана тілім - деп есептейді.

Қазақстан Республикасының конституциясында «Қазақ тілі – Қ. Р. мемлекеттік тілі» деп жазылған.Тіл туралы алғашқы заңы 1989 жылы 22 қыркүйекте қабылданды.

(2) сұрақ.

Ең бірінші бақытым – халқым менің,

Соған берем ойымның алтын кенін.

Ол бар болса, мен бармын, қор болмаймын,

Қымбаттырақ алтыннан нарқым менің.

Ал екінші бақытым – тілім менің,

Жас жүректі тіліммен тілімдедім.

Кей – кейде дүниеден түңілсем де,

Қасиетті тілімнен түңілмедім.

Бақытым бар үшінші – Отан деген,

«Кім мықты?» десе біреу, - «Отан» дер ем.

... Оты сөнген жалғанда жан барсың ба?

Ойланбай – ақ, кел – дағы от ал менен. М. Мақатаев.

(3) сұрақ.

Сөйлем айтылу мақсаты мен интонациясына қарай хабарлы, сұраулы, бұйрықты, лепті болып төрт түрге бөлінеді.

Мысалы: Оқу жылы аяқталды. Сен демалыста қайда боласың?

Сендер қалаға шұғыл жетіңдер! Жайнай бер, Қазақстан!