35.Найзағай патшасы, «құдайлардың құдайы» атанған Зевтың өзі сескеніп, қорқып, қаймығып жүретін қатал қатігез құдайлар жөнінде әңгімелеңіз.

Найзағай патшасы, «құдайлардың құдайы» атанған Зевтың өзі сескеніп, қорқып, қаймығып жүретін қатал қатігез құдайлар-тағдыр құдайлары мойралар. Олар да Олимпте тұрады. Тағдыр адамдарды да, құдайларды да билейді.Қатал тағдырдың құрығынан ешкім де қашып құтыла алмайды. Құдайлар мен адамдардың пешенесіне жазылып қойылған нәрсені өзгерте алатын күш те, өкімет те жоқ. Тағдырдың әмірін жалғыз мойралар ғана біледі. Мойра Клото адам өмір жолының жібін тоқып, оның өмірінің ұзақтығын анықтап отырады. Жіп үзілсе-өмірдің де үзілгені. Мойра Лахесис әр адамның пешенесіне жазылып қойылған жеребені, оған көз салмастан, суырып отырады.Мойралар белгілеген тағдырды ешкім де өзгерте алмайды, өйткені үшінші мойра Атропос әр адам үшін өз апа- сіңлілері белгідеген нәрсенің бәрін ұзыннан ұзақ тізімге енгізіп отырады, ал тағдыр тізіміне енген нәрсе- болмай қоймайды. Ұлы,қатігез мойралар аяушылық дегенді білмейді.

36.Кикондар мен лотофагтар туралы не білесіз?

Бұл Одиссей батырдың және оның серіктерінің басынан өткен оқиғаларының бірі. «Біз Троя қаласының жағалауынан кемемен жүзіп кеттік»,-деп бастайды Одиссей әңгімесін. « Жүзіп отырып, кикондардың жеріне де жеттік. Олардың қаласы Исмарды басып алдық. Барлығын жойып, әйелдерін құлдыққа алдық, ал қаланы жермен жексен еттік. Осы кезде кейбір қашып кеткендер аралдағы кикондарды жинап, бізге шабуыл жасады. Олардың саны ағаштағы жапырақтардай, алаңда өсіп тұрған гүлдердей көп еді. Біз көп айқастық. Ақыры қашып тындық. Әр кемеден алты адамнан жоғалттық. Бір жағынан қайтыс болғандарды жоқтасақ, бір жағынан өзіміздің аман ұалғанымызға қуандық. Сөйтіп теңізге қайта шықтық. Найзағай құдайы- Зевс бізге қаһарын шашты. Жолымыздан адастық. Әрең дегенде, оныншы күні бір аралға келдік. Бұл арал лотофагтардікі еді. Жағалауда от жағып тамақ ішпекші болдық. Лотофагтар бізді жақсы қарсы алып,тәтті лотос жегізеді. Лотостың бәрін ұмыттыратын қасиетті күші бар еді. Мұны білген мен жолсеріктерімді кемеге байлап отырғызып, жүріп кеттік.

37.Грек мифологиясындағы циклоптардың біздің қазақ ертегілеріндегі дәулермен ұқсастығы бар ма?

Грек мифологиясындағы циклоптардың біздің қазақ ертегілеріндегі дәулермен ұқсастығы бар. Өйткені циклоптар дәулер сияқты үлкен, бір көзді және үңгірде тұрады. Көптеген ертегілерімізде дәу сияқты кейіркерлер де бар. Олар кейде жақсы, кейде жаман, бірде аңқау, бірде айлакер болып келеді.

38.Сиреналардың адам баласына әкелер азабы қандай болды. Сиреналар аралын суреттеңіз.

Сиреналар туралы көптеген аңыз-әңгімелер бар. Соның бірі Гомердің әйгілі «Одиссея» поэмасы. Поэмада Одиссейдің өзінің серіктерінің құлағын бітеп, өзін діңгекке байлап тастауын өтінеді. Өйткені сиреналар өздерінің әдемі дауыстарымен адамдарды арбап, кейін оларды қатты қинап өлтірген. Сондықтан да сиреналар аралының жағалауы аппақ болып адам сүйектеріне толып жататын.

39.Одиссейдің күйеу жігіттерден кек алуы дұрыс деп ойлайсыз ба? Одиссей қатты ашумен қаланың белгілі жастарын өлтірді. Мұны бейбіт жолмен шешуге болар ма еді? Өз ойыңыз.

Менің ойымша болар еді. Одиссей бұл жерде тым қаталдық көрсетті. Бірақ бір жағынан қарасақ, егер Одиссей оларды өлтірмесе, күйеужігіттердің Одиссейді тірі қалдыратынына ешкім кепіл бола алмайды ғой....

40.«Одиссей» жырындағы қала тұрғындарының көтерілісі және олардың Одиссеймен татуласуын баяндаңыз.

Одиссей батыр көп қиындықтан өтті. Соңында күйеусымақтарды өлтіріп, өз жанұясымен табысып, сағынышын басады. Бірақ Одиссейді тағы бір қиындық тосып тұр еді. Ол- күйеужігіттердің туыстарының азғыруымен Одиссейге қарсы шыққан қала халқы еді. Бұл жолы да Одиссейге әрқашан қиын кезде келетін Афина-Паллада көмекке келіп, Итака тұрғындарының қырғын болып, қан төгілмей тұрғанда тез тарап кетуін талап етеді. Көктен әйел-құдайдың өктем дауысын естіген адамдардың зәресі ұшып,жерге жата қалады. Өздерінің құдайларға қарсы әрекет жасап, күнәһар болудың сәл-ақ алдында тұрғанын түсінген кезде, кері қарай қашады. Сонымен Афина-Паллада қала халқы мен патша Одиссейдің арасында татулық орнатып, мәңгілік бейбітшілік, бақытты ғұмыр сыйлайды.