1. Коммерциялық өкілдіктің ерекшеліктері

Кәсiпкерлер шарт жасасқан кезде олардың атынан үнемi және дербес өкiлдiк етушi адам (коммерциялық өкiл) өкiлдiң өкiлеттiгi көрсетiлетiн жазбаша шарт негiзiнде, ал ол көрсетiлмеген жағдайда сенiмхат негiзiнде де әрекет жасайды.

Коммерциялық өкiл сонымен бiр мезгiлде өзiнiң қатысуымен жасалатын шарттың түрлi тараптарының мүдделерiн бiлдiре алады. Бұл орайда ол өзiне берiлген тапсырмаларды кәдiмгi кәсiпкердiң ыждағаттылығымен орындауға мiндеттi.

Коммерциялық өкiл келiсiлген сыйақыны және өзi тапсырмаларды орындаған кезде жұмсаған шығындарын, егер өздерiнiң арасындағы келiсiмде өзгеше көзделмесе, шарт тараптарынан тең мөлшерде төлеудi талап етуге құқылы.

Коммерциялық өкiл өзiне белгiлi болған сауда мәмiлелерi туралы мәлiметтердi өзiне берiлген тапсырманы орындағаннан кейiн де құпия сақтауға мiндеттi.

Кәсiпкерлiк қызметтiң жекелеген салаларындағы коммерциялық өкiлдiктiң ерекшелiктерi заңмен белгiленедi. 

2. Азаматтық құқық бұзушылықтың түсінігі және құрамы

Құқықбұзушылық–бұл қоғамның, мемлекеттің, тұлғаның мүдделеріне нұқсан келтіруші, тұлғаның кінәлі, құқыққа қайшы, қоғамға қауіпті әрекеті.

Азаматтық–бұл мүліктік және жеке мүліктік емес қатынастар саласында жасалатын, ұйымдарға немесе жеке азаматтарға мүліктік зиян келтіруден көрініс табатын, шарт бойынша міндеттемелерді орындауды, азаматтың абыройы мен қадір-қасиетіне нұқсан келтіретін мәліметтерді таратуды және т.б. білдіретін құқықбұзушылықтар. Олар үшін зиянды өтеу, бұзылған құқықты мәжбүрлі түрде қалпына келтіру, орындалмаған міндетті мәжбүрлі түрде орындату сияқты санкциялар  және басқа да құқықты қалпына келтіруші санкциялар көзделген.

Заңды құрамға мыналар жатады:

1. Құқықбұзушылықтың субъектісі–бұл осы әрекетті немесе әрекетсіздікті жасаған құқықәрекетқабілетті жеке тұлға немесе әлеуметтік ұйым.

2. Құқықбұзушылықтың объектісі–бұл осы құқықбұзушылықтың неге бағытталғанын көрсетеді

3. Құқықбұзушылықтың субъективтік жағы–бұл тұлғаның өз әрекетіне және оның салдарына деген субъективтік қатынасын сипаттайтын белгілердің жиынтығы.

4. Құқықбұзушылықтың объективтік жағы–бұл осы құқықбұзушылықты сипаттайтын сыртқы белгілердің жиынтығы, оларға мыналар жатады: а) әрекет немесе әрекетсіздік; ә) құқыққа қайшылық; б) зиянды нәтиже; в) әрекет (әрекетсіздік) пен зиянды салдың арасындағы себепті байланыс.

3. Қорқытып алушылық құрамына талдау жасау

Заңда «Қорқытып алушылық, яғни бөтен мүлiктi немесе мүлiкке құқықты берудi немесе күш қолданумен не бөтен мүлiктi жоюмен немесе бүлдiрумен қорқыту арқылы мүлiктi сипаттағы басқа да iс-әрекеттер жасауды талап ету, сол сияқты жәбiрлену-шiнi немесе оның туыстарын масқаралайтын мәлiметтердi таратумен, жәбiрленушiнiң немесе оның жақындарының мүдделерiне елеулi зиян келтiруi мүмкiн өзге де мәлiметтердi жариялау» деп белгiленген.

Қорқытып алушылықтың тiкелей объектiсiне меншiк қатынастары ғана емес, жәбiрленушiнiң немесе оның жақындарының ар-намысы және олардың жеке басының бостандығы, денсаулығы жатады.

Қорқытып алушылықтың жәбiрленушiсi болып талап етiлiп отырылған мүлiк иелiгiнде, күзетiнде немесе меншiгiнде тұрған адам және оның жақындары танылады.

Қорқытып алудың заты болып: мүлiк, мүлiкке құқық немесе қорқытушының пайдасына жәбiрленушiнiң мүлiктiк сипаттағы басқа да iс-әрекеттердi iстеуi жатады.

Қорқытып алушылықтың объективтiк жағы екi түрлi жеке әрекеттен — қорқыту арқылы жәбiрленушiден талап етiп отыр-ған мүлiктi немесе мүлiкке құқықты берудi немесе кiнәлiнiң пайдасына мүлiктiк сипаттағы басқа да iс-әрекеттердi iстеудi талап етуден тұрады.

Қорқытып алушылық құрамындағы мүлiктiң түсiнiгiне кез келген қозғалатын немесе қозғалмайтын мүлiктер жатады. Кiнәлi адам қорқыту арқылы осы мүлiктi өзiне берудi, яғни өз меншiгiне өткiзудi талап етедi.

Қорқытып алушылық формальдық қылмыс құрамына жататындықтан, бөтен мүлiктi немесе мүлiкке құқықты берудi немесе басқадай әрекеттердi iстеудi талап еткен уақыттан бастап аяқтал-ған қылмыс деп танылады.

Субъективтiк жағынан қорқытып алушылық тек тiкелей қасақаналықпен жүзеге асырылады және пайдакүнемдiк мақсатты көздейдi. Кiнәлi адам бөтеннiң мүлкiне ешқандай құқығы болмаса да қорқыту арқылы мүлiктi, мүлiкке құқықты немесе өзiнiң пайдасына мүлiктiк сипаттағы басқа да әрекеттердi iстеудi заңсыз талап етуiн сезедi және осындай қорқытулар арқылы жәбiр-ленушiнi өзiнiң талаптарын орындауға мәжбүрлеудi тiлейдi. Осы қылмыстың құрамы үшiн кiнәлi адамның қорқытуды шын мәнiнде жүзеге асыратынының немесе асырмайтынының ешқандай маңызы жоқ.

Қорқытып алушылықтың субъектiсi —181-баптың 2, 3-бөлiк-терi бойынша 14 жасқа ал осы баптың 1-бөлiгi бойынша 16-ға толған адам.