Жшс немесе жк ретінде тіркеу

2006 жылдан бастап Лицензиялау туралы заңнамаға енгізілген түзетулер нәтижесінде Қазақстандағы ломбард қызметі лицензияланбайды. Заңды тұлғаны тіркеу туралы  куәлікті алу үшін алдымен сізге ЖШС  немесе ЖК ретінде тіркеу қажет. ЖК немесе ЖШС тіркеудің қалай өткені туралы толығырақ сіз Қазақстанда бизнес ашу кезінде нені білу қажет?  мақаласында ұсынылған ақпарат негізінде «электрондық үкімет» порталында біле аласыз.  

ЖК немесе ЖШС ретінде тіркеу рәсімі «электрондық үкімет» порталы арқылы онлайн режимде мүмкін. Ол үшін сізге «Заңды тұлғаларды мемлекеттік тіркеу (қайта тіркеу), олардың филиалдары мен өкілдіктерін есептік тіркеу» қызметін пайдалану немесе сіз Халыққа қызмет көрсету орталықтары арқылы (ХҚКО) арқылы куәлік алу қажет.

ХҚКО-да заңды тұлғаны тіркеу туралы куәлікті алу үшін сіз мынадай құжаттарды ұсынуыңыз тиіс:

1) өтініш;

2) заңды тұлғаның жарғысы немесе ережесі;

3) құрылтай жиналысының хаттамасы;

4) заңды тұлғаның уәкілетті органы немесе құрылтайшының заңды тұлғаны құру туралы шешімі;

5) орналасқан орнын растайтын құжат;

6) тіркеу үшін 6,5 АЕК төлеу туралы төлем тапсырмасының көшірмесі немесе түбіртек;

7) заңды тұлғаның басшысы және құрылтайшыларының жеке басын куәландыратын құжаттарының, олардың салық төлеуші куәліктерінің көшірмелері.

Жарғылық капитал мөлшері құрылтайшылар салымының сомасына тең екенін және серіктестікті мемлекеттік тіркеу үшін құжаттарды ұсыну күніне АЕК 100 мөлшеріне тең сомадан кем бола алмайтынын атап өтеміз.

Нәтижесінде, жарғылық капитал сомасы 100 АЕК құрайды.

Несиелік серіктестік – өз мүшелеріне несие-есеп айырысу қызметін көрсету мақсатында құрылған несиелік мекеме. 2002 ж. Несиелік серіктестіктердің жарғылық капиталы пай қосу және міндетті кіру жарнасын төлеу жолымен қалыптасады. Мұндағы қосқан үлестер мүшеліктен шығып қалған жағдайдақайтарылмайды. Несиелік серіктестіктердің мүшелеріне кооперативтер, жалгерлік кәсіпорындар, банктер, шағын және орта бизнес, жеке тұлғалар кіреді. Несиелік серіктестіктердің басты пассив операцияларына — салымдарды тарту және займдарды орналастыру; актив операцияларына — ссудалық, комиссиондық, сауда-делдалдық операциялары жатады.

Несиелік серіктестіктің бір түріне — ауыл шаруашылығы несиелік қоғамдары жатады. Оның құрылтайшысы: Орталық банк, коммерциялық және мамандандырылған банктер, үкіметқұрылымдары, жеке және заңды тұлғалар бола алады. Олардың басты қызметі — ауыл шаруашылығына несие-есеп айырысу қызметін көрсету; шаруашылық заттарын, мал, тұқым, тыңайтқыш сатып алу шығындарын және өзге де жұмыстарды несиелеу. Ауыл шаруашылығы несиелік серіктестіктерінің клиенттеріне шаруа қожалықтары, фермерлер, сондай-ақ ауыл шаруашылық кәсіпорындары жатады. Негізгі операциялары: қысқа және орта мерзімге ссудалар беру және салымдар қабылдау, делдалдық қызмет. Ауыл шаруашылық несиелік серіктестіктерді ұйымдастырудың басты ерекшелігі — олардың қызметінің бірқатар салық жеңілдіктеріне ие болуы, атап айтсақ табыс салығынан босауы, сондай-ақ оған үлес қосушыларға да салықтық жеңілдіктер болады.

Микрокредиттік ұйымдар – бұл микрокредит берумен айналысатын ұйымдар болып табылады. 2003 ж. Микронесие беру Президентіміздің 1997 жылғы Жолдауынан бастау алады. Онда ол ауылдың неғұрлым қиын проблемалары осы арқылы шешілетін болады делінген. 1998 жылы неғұрлым қамтмасыз етілген азаматтарға жұмыс орындарын ашу үшін 3 жыл мерзімге 400 АҚШ доллары сомасында несиелер беріле бастады. 2003 жылы «Микрокредиттік ұйымдар туралы» Заң шықты. Соған сәйкес микрокредит берумен соған сай ережелері бар тұлғалар айналысатын болды. Ал 2006 жылы Заңға біраз өзгерістер енгізіліп, көптеген жеңілдіктер жасала бастады.

Жинақтаушы зейнетақы қорлары – жұмысшылар мен қызметкерлерге белгіленген жасқа толғанда зейнетақы төлеу үшін мемлекеттік және жеке мекемелерн болып құрылады.

Пошта – жинақ мекемелері – ол өзіне өндірістік-қаржы кешені мен байланыс мекемесінің белгілерін үйлестіреді, өз қызметтерін байланыстың пошта бөлімшелерінің желісі арқылы көрсетіп отырады. Келесі дамып отырған банктік емес мекемелер түріне — почта – жинақ мекемелері жатады. Бұл жүйенің маңызды элементтері — ұсақ салымшылардың қаражаттарын тартатын мемлекеттік мекеме ретінде құрылатын пошта-жинақ банктері болып табылады. Бірақ ондай банктердің құрылуы біздің елімізде әлі де болса кешеуілдік танытуда. Бізде әзірге мұндай банктердің рөлін атқаратын Қазпошта мекемесі жұмыс жасауда.

Пошта-жинақ мекемелері пошта бөлімдері арқылы халықтың салымдарын жинақтап, қаражаттарды қабылдау және беру қызметін жүзеге асырады. Соңғы уақыттарда көптеген елдерде пошта-жинақ жүйелерінің несие-есеп айырысу қызметтері қанат жаюда. Сондай- ақ, банктік заңдылықтардың шектеу қойылуына байланысты аталған мекемелердің кейбір көрсететін қызметтері дами алмай отыр.

Қазпочта ТМД аумағында бірінші болып пошта-жинақ жүйесін құрастырып енгізген бірден-бір пошта әкімшілігі болып табылады. «Қазпочта» АҚ-ның сапалы пошта-жинақ жүйесін құрастырудағы жұмысының нәтижелері Байланыс саласындағы аймақтық достастықпен сәтті деп танылды. Ал Қазақстандағы жаңа пошта жүйесінің үлгісі Достастық елдері пошта әкімшіліктері үшін болашағы мол даму жолы ретінде атап өтілді.

Бүгінгі күні қазақстандық пошта 21 000-ға жуық қызметкер, республика бойынша 3200 байланыс бөлімшелері, 14 облыстық және 4 республикалық мәндегі филиалдан тұрады.

Қазіргі кезде қазақстандық поштаны көп функционалды қаржылық супермаркетке айналдыру үрдісі жедел іске асырылуда. Мұнда жақын арада пошталық, қаржылық және басқа да қызметтер көрсетіледі. Қазақстан сияқты үлкен мемлекетте ақпараттық қоғамның дамуы жағдайында әмбебап логистикалық операторының қызметінсіз мүмкін емес.

Пошта саласында жүріп жатқан өзгерістер, тұтастай алғанда компанияның алға жылжуына негіз қалады. «Standard & Poor's» халықаралық рейтингтік агенттігі 2005 жылы «Қазпочта» АҚ-ға ұзақ мерзімді несиелік ВВ+ «Тұрақты» рейтингісін берді. Бұл компанияның тұрақты дамып келе жатқан кәсіпорын екенін дәлелдейді.

«Қазпочта» АҚ 2006 жылдың қаңтарынан «Самұрық» мемлекеттік холдингісіне кіреді. Бұл даму институтын құрғанда алға қойған басты мақсаттар корпоративтік басқару, мемлекеттің қызығушылығын қорғау мен макроэкономикалық тұрақтылықты одан әрі қолдау болды. Бір жыл ішінде алға қойған міндеттер мен мақсаттарды орындауда бірлесіп жасалған жұмыстаржемісті болды. Осы уақыт ішінде осындай мемлекеттің шешімін дұрыс қабылдау мен түсіну де келді. Директорлар кеңесінде жай ғана поштаның даму тұжырымдамасын емес, сонымен қатар ұлттық пошта операторының инфрақұрылымын жаңартатын бағдарламаны қамтитын 2007—2009 жылдарға дамудың стратегиялық бағыттары бекітілді. Мұндай жаңартудың негізгі міндеттері пошта байланысы бөлімшелерінің жеке желісін оларды жан-жақты қамтып, техникалық нығайту мен ақпараттық коммуникациялық және банктік жабдықтармен қамту арқылы жетілдіру болып табылады.

Ипотекалық компания – белгілі бір шарттар негізінде тұрғын үймен қамтамасыз ететін мекеме. «Қазақстандық ипотекалық компания» АҚ (2000 жылдың желтоқсан айында құрылған) екінші ипотекалық кредиттер нарығының операторы болып табылады және халыққа ұзақ мерзімді ипотекалық кредиттер беретін кредит берушілерді қайта қржыландыруды жүзеге асырады. Компания ақша нарығына ұзақ мерзімді ресурстарды тартуды жүзеге асырады және осы ақшаны халыққа тұрғынүй сатып алуға, жөндеуге немесе салуға берген ипотекалық кредиттер бойынша банктердің талап ету құқығын сатып алуға жолдайды. омпания міндетті:

өз бағдарламасы мен мемлекеттік бағдарлама аясындағы ипотекалық несие беру мен «сатып алу құқығымен жалға беру» құралдары арқылы Қазақстан Республикасының тұрғындарына тұрғын үйлердің  қолжетімділігін арттыру

Мақсаттары:

• мемлекеттік бағдарламасын іске асыру аясында және өз бастамашылығы бойынша өнімдер мен қызметтерді ұсыну арқылы тұрғындардың тұрғын үйлермен қамтамасыз етілуін арттыру;

• ипотекалық несие беру саласына ұзақ мерзімді ресурстарды тарту, сондай-ақ екінші деңгейлі банктер мен ипотекалық ұйымдардың өтімділігін жоғарлату;

• «Сатып алу құқығымен жалға беру» бағыты бойынша «Қолжетімді тұрғын үй - 2020» мемлекеттік бағдарламасын іске асыру;

• Ипотекалық несие беру мен тұрғын үйлерді жалға алу нарығын дамыту мен жетілдіру.

2001 жылғы 3 шілдеде «АТФБанк» АҚ мен «Қазақстандық ипотекалық компания» АҚ арасында (бұдан әрі ҚИК) жеке тұлғаларға тұрғынүй сатып алуға, салуға және жөндеуге кредит беру саласындағы бірлескен ынтымақтастық туралы Бас келісім жасалды. Осы келісімге сәйкес АТФБанк халыққа 20 жылға дейінгі мерзімге ұлттық валютадағы ипотекалық тұрғынүй кредиттерін беріп, кейіннен оларды ҚИК-ға табыстайды.

Жалпы алғанда, банктік емес мекемелер қаржы жүйесінің дамуында елеулі рөл атқарып отыр.

188.

Ұлттық Банктің басшысы Қайрат Келімбетов Бірыңғай жинақтаушы зейнетақы қорының (БЖЗҚ) активтері басқармасының кеңесін басқаратын болды. БЖЗҚ-ның зейнетақы активтерін басқаратын кеңес құрамы 2014 жылдың 14 ақпанында Қазақстан Президенті Нұрсұлтан Назарбаевтың жарлығымен бекітілген. Кеңес құрамына - Ұлттық Банктің төрағасы Қайрат Келімбетов, Президенттің көмекшісі Ербол Орынбаев, Қазақстан премьер-министрінің орынбасары, қаржы министрі Бақыт Сұлтанов, Ұлттық Банк төрағасының орынбасары Данияр Ақышев кірді. «Бірыңғай жинақтаушы зейнетақы қоры» АҚ – жалғыз акционері ҚР Үкіметі атынан «Қазақстан Республикасы Қаржы министрлігі Мемлекеттік мүлік және жекешелендіру комитеті» ММ  болып табылатын акционерлік қоғам.   Қордың бұрынғы атауы – «МЖЗҚ» Жинақтаушы зейнетақы қоры» АҚ. 2013 жылғы 22 тамызда Үкіметтің қаулысы бойынша «Бірыңғай жинақтаушы зейнетақы қоры» АҚ болып қайта аталды. «БЖЗҚ» АҚ 2014 жылғы 1 қаңтардан бастап зейнетақы аударымдарының әр түрлерін жинақтауды жүзеге асыратын жалғыз ұйым болады. Зейнетақы активтерін басқару және сақтауды ҚР Ұлттық банкі жүзеге асырылатын болады. Осылайша ҚР барлық азаматтарының жеке қорларда сақталатын зейнетақы жинақтары «БЖЗҚ» АҚ берілетін болады. Зейнетақы активтерін «Бірыңғай жинақтаушы зейнетақы қоры» АҚ аудару

2013 жылғы 11 қазаннан бастап жеке қорлардан БЖЗҚ-на жеке қорлардан активтерді беру басталды. 2013 жылғы 24 қыркүйектегі № 356 ҚР Ұлттық банк төрағасының бұйрығымен бекітілген зейнетақы активтерін қабылдау-тапсыру кестесіне сәйкес  зейнетақы активтерін беру 2014 жылғы 26 маусымда аяқталады.

1.  «Республика» ЖЗҚ. Берудің басталу күні – 2013 жылғы 11 қазан, аяқталуы – 2014 жылғы 11 қаңтар.

2.  «Отан» ашық жинақтаушы зейнетақы қоры. Берудің басталу күні – 2013 жылғы 29 қазан, аяқталуы – 2014 жылғы 29 қаңтар.

3.  «Капитал» ЖЗҚ. Берудің басталу күні – 2013 жылғы 18 қараша, аяқталуы – 2014 жылғы 18 ақпан.

4.  «Атамекен» ЗЖҚ. Берудің басталу күні – 2013 жылғы 9 желтоқсан, аяқталуы – 2014 жылғы 9 наурыз.

5.  «Астана» ЖЗҚ. Берудің басталу күні – 2014 жылғы 3 қаңтар, аяқталуы – 2014 жылғы 3 сәуір.

6.  «МұнайГаз-Дем» ЖЗҚ. Берудің басталу күні – 2014 жылғы 23 қаңтар, аяқталуы – 2014 жылғы 23 сәуір.

7.  «Грантум» ЖЗҚ. Берудің басталу күні – 2014 жылғы 10 ақпан, аяқталуы – 2014 жылғы 10 мамыр.

8.  «ҰларҮміт» ЖЗҚ. Берудің басталу күні – 2014 жылғы 3 наурыз, аяқталуы – 2014 жылғы 3 маусым.

9. «Қазақстан Халық банкі» ЖЗҚ. Берудің басталу күні – 2014 жылғы 26 наурыз, аяқталуы – 2014 жылғы 26 маусым.

БЖЗҚ жеке ЖЗҚ алдындағы артықшылықтары

1. Әкімшілік шығындардың қысқаруы және салдары ретінде салымшылардың (алушылардың) зейнетақы жинақтарынан алынатын «БЖЗҚ» АҚ комиссиялық сыйақысының төмендеуі (2 есеге). Салыстыру үшін – «БЖЗҚ» АҚ комиссиялық сыйақысының шектік шамасы, жеке қорларда - 15% жоғары болмағанда, инвестициялық табыстан  7,5% жоғары емес шекте белгіленген. Сондай-ақ зейнетақы активтерінен БЖЗҚ мөлшерлеме енді айына 0,025% құрайды, бұнда жеке қорларда бұл мөлшерлеме зейнетақы активтерінен айына 0,05% тең болды.

2. «БЖЗҚ» АҚ зейнетақы активтерін Қазақстан Республикасының ұлттық қорының активтерін басқару тәжірибесіне ие, Қазақстан Республикасының Ұлттық банкі сенімгерлікпен басқаруды жүзеге асырады. БЖЗҚ зейнетақы активтерін басқару Қазақстан Республикасының Президенті жанындағы кеңестік-алқалық орган болып табылатын БЖЗҚ зейнетақы активтерін басқару бойынша Кеңес анықтаған инвестициялық стратегиялар негізінде жүзеге асырылатын болады.

3. Зейнетақы төлемдеріне құқықты алу сәтіндегі инфляция деңгейін ескерумен ЖЗҚ және БЖЗҚ енгізілген салымшылардың міндетті зейнетақы жарналарының сақталуының мемлекеттік кепілі.