3.Синтаксистік талдау жасаңдар:

2010 жылы Елбасының жобасы бойынша Астана қаласында «Назарбаев Университеті» құрылып, еліміздің озат жастары осы білім ошағына оқуға түсуге тырысады.

№ 10 билет

1.Мәтінді оқып, аударыңдар, сұрақ қойыңдар.

Президенттік мәдени орталық

Астана қаласында Қазақстан Республикасының Президенттік мәдени орталығы бар.Ол Астана сәулетіндегі ең сұлу ғимараттардың бірі. Қазақстан Республикасының Президенттік мәдени орталығы Н.Ә.Назарбаевтың ұсынысы бойынша құрылған кешен. Қазақстан Республикасының Президенттік мәдени орталығы мәдени, ағарту және ғылыми міндеттерді жүзеге асырады және Қазақстан мемлекеттігінің құрылу тарихы туралы материалдық, рухани, мәдениет мәліметтерін көрермен қауымға көрсетеді. Мұражай қорында143223 астам бірлік сақталынады. Негізінен бұлар-археология, этнография, тарих, мәдениет, және өнер заттары.

2. «Спорт туралы» диалог құрастырыңдар.

3.Мына сөздерге мәндес сөз табыңдар: әсем, ..; халық, ..; шәкірт, ..; дәстүр, ...

Берілген сөздерге мағынасы қарама-қарсы сөз жазыңдар: білімді - ..,тәртіпті - .., жалқау - .., лас - ... .

№ 11 билет

1.Мәтінді оқып, аударыңдар, сұрақ қойыңдар.

Журналистика

Бүкіл әлемде болып жатқан қазіргі заманғы зор өзгерістерге байланысты журналистика да жаңа көзқарасты, жаңа ұғымды, жаңаша ойлауды қажет етеді. Уақыт өткен сайын ішкі-сыртқы саясат баспасөз, радио мен тележурналистиканың алдында тың міндеттер қояды. Ондай міндеттерді орындау үшін бүкіл ұжым болып ізденістер жасау арқылы жұмыс істеу қажет.Бұл орайда журналистердің зияткерлік тәжірибесін қолданбай болмайды.Әсіресе бұл салада халықаралық тәжірибелерге ерекше назар аударып отыру да қажет. Мәселен, дамыған шетелдерде бүгінгі ақпарат құралдары қалай жұмыс істейді, соған назар аударған жөн. Ол үшін олардың жұмысына, журналистік шығармашылығына талдау жасап, қорыта білу керек.

2. «Өзің туралы» диалог құрастырыңдар.

3.Синтаксистік талдау жасаңдар:

Қазақ отбасында кенже ұл – шаңырақ иесі, сондықтан ол әке-шешесімен тұрады.

№ 12 билет

1.Мәтінді оқып, аударыңдар, сұрақ қойыңдар.

Қазақ отбасының тәрбиесі.

Қазақ отбасында бала тәрбиесіне көп назар аударған. «Үбірлі-шүбірлі» бол деп бата беріп, көп балалы болуды тілеген. Ата-анасы үшін отбасындағы балалардың бәрі бірдей болғанмен де, дәстүрлі түсінікте әр баланың өз орны болған. Алғашқы бала – тұңғыш аталады. Әке-шеше оны «енші басы » деп

еркелете ұстап, басқа балаларына үлгі етеді. Тұңғыш баланы ата-анасы үйдегі

әже-атасына беріп, бала солардың тәрбиесінде болады. Қазақ шаңырағында кішісі үлкенін сыйлау рәсімі қатаң сақталған. Үлкен адам келе жатса, оның жолын кесуге болмайды. Еш уақытта жасы кіші адам үлкенмен ұрыспайды.

Үйінде тәрбие көрген бала, жаман қасиеттен аулақ болады. Егер бала айтқанды тыңдамаса, «әке-шешенің тәрбиесін көрмеген» деген сөгіске қалады.

2. «Қазақтың музыкалық аспаптары» туралы диалог құрастырыңдар.

3.Синтаксистік талдау жасаңдар:

Үлкен адам келе жатса, оның жолын кесуге болмайды.

№ 13 билет

1.Мәтінді оқып, аударыңдар, сұрақ қойыңдар.

Сөздік түрлерімен жұмыс

Орфографиялық, сөздік емленің ережелері мен қағидаларына негізделіп, сөздердің қалай жазылуы дұрыс болатындығын көрсетеу үшін жасалады.Орфографиялық сөздікке қатысты мына жайларды білу қажет:

1.Орфографиялық сөздікте тілдегі барлығы емес, негізінен алғанда, жазылуы қиындық тудыруы мүмкін деген сөздер қамтылады.

2.Орфографиялық сөздікте сөздер, әдетте, жалғаусыз түрінде беріледі.

3.Орфографиялық сөздікте бір заттың немесе құбылыстың атауы ретінде қаралып, осыған орай біріктіріліп жазылатын жаздыгүні, күздігүні, аққу, тасбақа сияқты сөздер көрсетіледі. Сауатты жазу үшін емленің ережелерін жақсы білу керек.

2. «Менің болашақ мамандығым» тақырыбына диалог құрастырыңдар.