Қазақстан Республикасы білім және ғылым министрлігі қ.Жұбанов атындағы Ақтөбе мемлекеттік университеті «Қазақстан Республикасының әкімшілік құқығы»

пәні бойынша «5В0301- Заңгер» мамандығы бойынша

қысқаша дәрістер жинағы

АҚТӨБЕ -2010 ж.

А 25

УДК 34

Адилшина Г.М.

«Қазақстан Республикасының әкімшілік құқығы» пәні бойынша «050301- заңгер» мамандығы студенттеріне арналған қысқаша дәрістер жинағы. - Ақтөбе: Қ.Жұбанов атындағы Ақтөбе мемлекеттік университетінің редакциялық–баспа бөлімі. 2007 ж.- 131 бет.

Қысқаша дәріс жинағында «Қазақстан Республикасының әкімшілік құқығы» пәні бойынша әкімшілік құқықтың ұғымдары мен түсініктері, глоссарий, блиц-тесттер және тақырып бойынша негізгі әдебиеттер қамтылған. Қысқаша дәріс жинағындағы сұрақтар мемлекеттік стандарттар мен типтік оқу бағдарламаларының талаптарына сәйкес, дәріс, семинар сабақтарының барлық тақырыптарын қамтиды. Ол ІІ курс студенттерінің емтиханға дайындалуына тиімді құрал ретінде студенттерге ұсынылады.

Рецензенттер:

Тузельбаев Е.О., - ҚРІІМ Ақтөбе заң колледжінің бастығы, заң ғылымдарының докторы, полиция полковнигі

Нурлин А.Қ., - Қ.Жұбанов атындағы Ақтөбе мемлекеттік университетінің қылмыстық-құқытық кафедрасының доценті, з.ғ.к.

Қ.Жұбанов атындағы Ақтөбе мемлекеттік университетінің Заң факультеті әдістемелік Кеңесінде мақұлданып, баспаға ұсынылған.

«__» хаттама, « » 2010 жыл.

Алғы сөз

ҚР Әкімшілік құқығы курсы қоғамдық қатынастарды басқару және әкімшілік - құқықтық реттеу өрісіндегі қатынас санаттарының үйлесуін қарастыратын, кәсіби пәндердің бірі. «Қазақстан Республикасының әкімшілік құқығы» пәнінен «050301- «заңгер» мамандығы бойынша қысқаша дәрістер жинағы құқықтық мемлекет құрлысы негізіндегі ережелерге, сондай-ақ жоғарғы оқу орындарында зерделенетін мемлекет және құқық теориясы, мемлекеттік басқару ережелеріне негізделеді. Ол мемлекеттік, конституциялық, қаржылық, енбек, қылмыстық құқық және басқа зангерлік пәндермен тығыз байланысты.

Әкімшілік құқықтың қысқаша дәрістер жинағын оқыту студенттерге мемлекеттік билікті атқару органдары және басқа да мемлекеттік әкімшілік оргындары қызметтерін ұйымдастыру және әр-түрлі мәселелері, қоғамдық қатынас қатысушыларына олардын әмірлік әсер ету нысандары мен әдістері мемлекет азаматтар мен ұйымдар арасында әкімшілік –құқықтық қатынастар туған жағдайда өзара қатынастың ерекшеліктері туралы қажетті көлемде білім береді. Сонымен қатар, құқықтық жүйесі дамыған елдердегі құқық қорғау бағытындағы органдардын қызметін талдау барысы осы мемлекетердін жоғарғы білім беру жүйесінде оқыған студенттер келешектегі тәжірбиелік қызметерін іске асыру үшін қажетті дағдырлар алатындығын көрсетеді. Сонымен қоса, түрлі өрістер мен салалардағы қоғамдық қатынастарды реттейтін құқықтық нормада тұратын біріктірілген нормативтік кесімдерді зерделеуге негізгі тірек бола алады.

ҚР Әкімшілік құқығы пәні бойынша қысқаша дәрістер жинағы курсының мақсатты бағыты – Қазақстан Республикасыны оқу орындарындағы студенттердің қызметтік міндеттерін келешекте кәсіби деңгейде орындау үшін қажетті білім, іскерлік және дағдыларды жасақтауға жұмылдырудан тұрады.

Әкімшілік құқығы бойынша қысқаша дәрістер жинағы курсының негізгі міндеті: әкімшілік құқық ғылымының негізгі қағидалары, санатары және ережелері, оны жеткілікті денгейде дамыту, студеттерді күшінде бар әкімшілік зандарды дұрыс қабылдауға үйрету, нақты айғақтарға әкімшілік құқық нормаларын дұрыс талқылау және қолдану дағдылары мен іскерліктеріне жұмылдыру, студенттерді мемлекеттік басқару жүйесімен, басқару нысаны және әдістерімен басқаруға зандылық пен тәртіпті қамтамасыз ету тәсілдермен таныстыру, студенттерді шаруашылық, әлеуметтік-мәдени құрылыс, әкімшілік-саяси қызымет басқаруының әкімшілік-құқықтық реттелуін және ұйымдастырылуын, сондай-ақ құқық қорғау бағыттарындағы органдармен өзара қарым-қатынастың ерекшеліктерімен таныстыру туралы терең біліммен студенттерді байыту болып табылады.

№1 -тақырып : Әкімшілік құқыктың пәні мен әдістері

Дәріс мақсаты Әкімшілік құқықпен реттелетін қоғамдық қатынастар түрлеріне анықтама беру.Әкімшілік құқықтың әдістің ерекшеліктерімен таныстыру.

Әкімшілік-құқықтық нормалар, олардың түсінігі, құрылымына тоқталып, оларға анықтама беру.Әкімшілік құқықтың қайнар көздерімен таныстыру. «Әкімшілік құқық» туралы түсінік қалыптастыру;Әкімшілік-құқықтық құжаттармен жұмыс істеуге үйрету.Әкімшілік құқықтың басқа құқық салаларымен байланысын көрсету.

Жоспар:

1. Әкімшілік құқықпен реттелетін қоғамдық қатынастар түрлері.

2. Әкімшілік құқықтың әдісі.

3. Әкімшілік-құқықтық нормалар, олардың түсінігі, құрылымы.

4. Әкімшілік құқықтың қайнар көздері.

5. Әкімшілік құқықтық қатынастар: түсінігі, құрылымы, мазмұны.

6. Әкімшілік құқық жүйесі.