1. Негізгі синдром

2. Дәрігердің тактикасы

10. 27 жастағы әйел күйеуімен болған жанжалдан кейін иығының үстінен бірнеше рет тіліп, айғайлап жылап, дәлізге жүгіріп шыққан. Көршілері жедел жәрдем шақырған. Қарап тексеру кезінде демонстративті, мәнерлі, театральді түрде басын артқа тастайды, самайын қысады, бетін қолымен жабады. «оны бағаламағаны, қатігез қарағаны» үшін барлығына күйеуін кіналайды. Суицидальді әрекетін кезекті ұрыс кезінде күйеуі ажырасуды талап еткендіктен, «мұндай қорлықты көтере алмағандығын» және «өзіне-өзі қол жұмсағысы» келгендігімен түсіндіреді.

1. Негізгі синдром

2. Дәрігердің тактикасы

11. 30 жастағы ер адам, слесарь. Мінезі бойынша педантті, ұқыпты, жаупкершілік сезімі жоғары. Жұмысшының техникалық қауіпсіздікке салғырт қараған себепті өндірісте төтенше жағдай нәтижесінде бақытсыз оқиға болады деген қорқыныш туындаған. Осы қорқыныш үнемі мазалайды. Тынышталу үшін жұмыс орнын, қауіпсіздік шараларын қайта-қайта тексеруге мәжбүр. Солай бола тұра, өзінің қауіптенулерінің негізсіз екенін түсінеді, бірақ осындай ойлардан арыла алмайды.

1. Негізгі синдром

2. Дәрігердің тактикасы

12. 30 жастағы науқас, бала кезінде бас-ми жарақатын алған. Жоғарғы оқу орнын бітіргеннен кейін, инженер болып жұмыс жасайды. Соңғы айларда көп жұмыс жасап, дұрыс ұйықтамағандықтан тітіркенгіштікке, зорығу күйіне шағым айтады. Интеллектуальді қызмет жасағанда тез шаршайды, басының ауырғаны күшейеді, назары шашыраңқы. Жарақат алғаннан бері көлікті, ыстықты көтере алмайды. Бір әрекеттен екінші әрекетке ауысуы қиындаған

1. Негізгі синдром

2. Дәрігердің тактикасы

13. 32 жастағы ер адам, мамандығы физик. Ол өзін «мафия аңдып жүргеніне», мафия оның «қарсыласының барлық қарулы армиясын қатардан шығару» мақсатында «ультрадыбысты» құралын пайдалады және оның «миынан» «әлемдік шығармашылығын» ұрлайды деп сендіреді. Ол туралы «біледі» және олардың өзара «ақылдасып» жатқанын «естиді». Оны «өшіру» үшін «олар маған радио сәулемен әсер етеді» және «менің миымнан информацияларды көшіріп алуға әрекеттенеді. Олардың басыма кіріп, бірнәрселерді іздеп жатқанын сеземін. Мені «өнер шығармамды беруге мәжбүрлейді» дейді.

1. Негізгі синдром

2. Дәрігердің тактикасы

14. 30 жастағы әйел әңгіме кезінде мәнерлі, басын театральді түрде артқа тастайды, бетін қолымен жабады. Күйеуі «оны шаршатқанын, бұлай өмір сүру мүмкін еместігін» ынтамен және көп сөздермен жеткізді. Онымен соңғы жанжалдардың бірінде иық аймағына тіліктер жасаған, сосын айғайлап жылап көршілеріне жедел жәрдем шақыруын талап етіп жүгірген. Өзінің қайғыларын айту кезінде дәрігердің реакциясын аңдиды, даусын біресе жоғарылатады, біресе төмендетеді, қолдарын сықырлатады.

1. Негізгі синдром

2. Дәрігердің тактикасы

15. 40 жастағы әйелде ешқандай себепсіз көңіл күйі бірден түсіп кеткен. Үйден шығуды қойған, төсегінде жата береді, өзіне қарамайды. Көңіл-күйдің тәуліктік тербелулері байқалған, әсіресе таңертең өзін нашар сезінеді. Тәбеті төмендеген, аз уақытта 7 кг арықтаған. Емнен кейін көңіл күйі толықтай қалпына келген. Бұрынғыша эмоциональді, көңілді, жанұясына қамқор. Шамамен соңғы 2-3 жылда осындай жағдайлар қайталанған. Емнен кейін психикалық жағдайы бастапқы деңгейге қайтадан келген.

1. Негізгі синдром

2. Дәрігердің тактикасы

16. 55 жасар ер адам, анамнезінде алкоголизация, инсульт болған. Баяу, сөздерді созып сөйлейді. Байымды, әңгіменің басты мазмұнын ажырата алмай детальдарда тұрып қалады. Жиі ары қарай не айтарын білмей тоқтап қалады, бір тақырыптан екіншісіне ауысуы қиын. Есте сақтау қабілеті күрт төмендеген, жеке өмірінде болған оқиғалардың уақыттарын айта алмайды. Көңіл-күйі тұрақсыз, жиі себепсіз ызалы, тітіркенген күйге ауысады.