1.2. Тематик ве лексик-семантик группалар

Лексикада тематик ве лексик-семантки группаларыны айырылалар.

Лексик-семантик группа – бир сой сёз чешитлернинъ мананынъ умумий компонентнен бирлешюви. Лексик-семантик группалар семантик даирелернинъ ичинде айрылалар. Мисаль оларакъ бойле лексик-семантик группаны кетирейик: арарет (дередже) сыфатлар: сыджакъ, сувукъ, бузлу, исинген, джыллы.

Лексик-семантик группаларнынъ аляметлери:

1. лексик маналарына коре эки ве экиден зияде сезлернинъ бирлешюви

2. тарихий принципке коре япыла, яни динамик.

3. тематик группаларына якъын олур, лякин олардан фаркъланыр.

Белли рус алими А.А. Уфимцева лексик-семантик группалар акъкъында бойле фикирлер юрете: «Лексико-семантической группой называется самая обширная по объему своих членов организация слов, которая объединена базовым семантическим компонентом. Семантический компонент обобщает несколько различных гиперсем (родовых сем), обозначая класс предметов, признаков, процессов, отношений» [39, с. 53].

Тематик группа – тильшынаслыкънынъ термин сайылыр. Эгер де сёзлернинъ лексик маналары умумий чизгисинен бирлеширлер, боле сёзлер бир тематик группагъа кирелер. Меселя: акъбардакъ, ляле, пападие, патлакъ чанакъ, эрылгъан. Бу сёзлернинъ эписилеринде умумий тюшюндже – чечек бар. Лякин эр бир бу сёз озюне хас чизгини ташый.

Шу термин акъкъында А.А.Уфимцева бойле яза: «Тематическая группа — выделенная в пределах семантического поля или независимо от него лексическая группировка, в которой лексика объединена по денотативному признаку, т. е. по обозначению реалий действительности» [39, с. 58].

Тематик группаларында айры дикъкъа гипероним ве гипоним киби терминлерге айырмакъ керек. Гипоним ве гипероним тематик группаны тешкиль этелер.

«Гипоним — понятие, выражающее частную сущность по отношению к другому, более общему понятию» [41, с. 383].

«Гипероним— понятие в отношении к другому понятию, выражающее более общую сущность. В отношении некоторого множества объектов гиперонимом является понятие, отражающее надмножество к исходному» [41, с. 364].

Яни сой анъламларны анълаткъан сёзлер – гиперонимлер сайылыр, чешитини анълаткъан сез исе гипоним сайылыр. Гиперонимлер ве гипонимлар гипонимик сыраларны тешкиль этелер. Бойле сыраларда гипонимлер гиперонимлерге нисбетен таби ерини алалар.

Меселя: «айван» сёзю «копек» сёзюне коре гипероним сайылыр, «копек» сёзю исе «бульдог» сёзюне коре гипероним сайылыр. Ве аксине «бульдог» сёзю «копек» сёзюне коре гипоним сайылыр, «копек» сёзю исе «айван» сёзюне коре гипоним сайылыр.

Ишимизни девам этерек, сема, архисема, дифференциаль сема, киби анъламларны анълатайыкъ. Чюнки бу анъламлар лексикада муим роль ойнайлар.

Сема – (юнан тилинден . sema – бельги.) тильнинъ минималь бирлеми, семеманынъ компоненти.

Лякин шу анъламнынъ даа бир манасы бардыр. Л. Новиковнынъ лугъатында шу терминге ащагъыдаки анълам берильген.

Сема – дифференциаль семантик хусусиети, мананынъ компоненти. Шу компоненти бельгилемек ичюн сёзлернинъ чешит маналыры къарама-къаршы къоюла. Мисаль оларакъ, яхшы ве яхшы дегиль киби сёзлер инкяр семанен айырылалар. Сёзлернинъ маналарында семанынъ бельгиленюви – компонентли анализ деп адландырыла [25, с. 436-437].

Семаларнынъ бир къач чешитини айырмакъ мумкюн. Биз исе, архисема ве дифференциаль сема киби анъламларнынъ маналарыны анълатайыкъ.

Архисема – сёзнинъ лексик манасыны къургъанда муим роль ойнай. Семанынъ бойле чешити сёзлернинъ классификациясында «меркезий нокъталарны» (узловые пункты) тешкиль эте. Шунынъ ичюн сёз теркиби айры аланларгъа болюнип, тамам категориаль хусусиетлерине коре кечип кете. Архисема категориаль-лексик семаны косьтере, мисаль оларакъ «шингенлик» семасы сют, сув, хошав, микстура киби сёзлернинъ маналарында иштирак эте ве лексик-грамматик семаны догърула.