Добавил:
Upload Опубликованный материал нарушает ваши авторские права? Сообщите нам.
Вуз: Предмет: Файл:
Mikroelektronika_kaz_329.docx
Скачиваний:
0
Добавлен:
01.05.2025
Размер:
13.54 Mб
Скачать

4.14. Гибридті имс жобалаудың бастапқы деректері

Гибридті ИМС топологиялық құрылымдарын жобалау қолайлы құрылымды микросхеманы алуға бағытталуы керек, яғни аз технологиялық шығын жұмсап, жоғары сенімділікті қамтамасыз етуі керек. Құрылымның қолайлығы бастапқы схемотехникалық, технологиялық, құрылымдық және эксплуатациялық деректердің деңгейімен анықталады.

Схемотехникалық деректерді дайындаушы ИМС функционалды құрамының сараптамасы негізінде алады. Бұл жерде ИМС шығыстарының саны негізгі болып саналады.

Технологиялық деретер нақты дайындау технологиясы арқылы анықталады. Сондықтан жобалаудағы негізгі мәселе типтік технологиялық процесті таңдау болып табылады. Типтік технологиялық процесті таңдау келесі критерилер бойынша алынады: өндіруші түрі, пленкалы элементті дайындаудың нақтылығын жүзеге асыру, параметрлердің тұрақтылығы, құны, сенімділігі.

Құрылымдық деректерді көбінесе ИМС қорғанысының түрімен анықтайды. Ол микросхема эксплуатациясының орындалу аймағына және шарттарына байланысты болады. Корпусты қорғаныс жағдайында басқа ИМС құруға арналған корпустың номенклатурасымен басқарған жөн.

Схемотехникалық (электрлік) деректер. Гибридті ИМС жобалауда схемотехникалық деректер маңызды болып саналады. Себебі олар элементтердің байланысын және параметрлерін, эксплуатация шарттарын анықтайды. Олар негізгі және қосымша болып бөлінеді. Негізгі деректерге жататындар: кіріс және шығыс сигнаалдары, қорек көзі бар электрлік схема; схеманың толық элементтерінің тізімі, параметрлері және сипаттамалары (номиналды шамалары: номиналға рұқсаты, электрлік және жылулық режимдері, уақыт тұрақтылығы т.б.); эксплуатация шарттары. Қосымша деректерге: электрлік схема бойынша - кедергі шамасы мейлінше аз коммутациялық байланыс және қорек типі; кернеудің кейбір өткізгіштердегі мүмкін болатын түсулері; пленкалы өткізгіштердің реактивті параметрлерінің шамасы; жеке элементтер арасындағы паразит параметрлердің шамасы; схемадағы толық қуат; бақылау нүктелерінің болуы; элементтердің параметрлері бойынша - конденсаторлардың берілген жиіліктегі төзімділігі; элементтер номиналының диапазоны және реттеу қадамы.

Технологиялық деректер мен талаптар. Технологиялық деректер мен талаптар берілген параметрлер мен дайындалған схеманы сипаттауға мүмкіндік береді. Негізгі технологиялық деректер болып табылатын гибридті ИМС элементтерінің құрылымдық параметрлері: пленкалы элементтер мен компоненттер (резистор, конденсатор, транзистор, диод т.б.), өткізгіштер, контактілік аймақтар, қабатаралық изоляция және қорғаныс қабаты. Бұл пленка және пленкалы құрылым алудың технологиялық сапалы параметрлері, әртүрлі пленкалардың әдістері, қабаттарының саны туралы деректер. Пленкалы резистрлердің негізгі материалдарының сипаттамалары 4.2 және 4.3-суреттерде көрсетілген.

Технологиялық деректер, негізінен, нақты типтік процеспен алынып, технологиялық дамуына байланысты өзгере алады.

Технологиялық талаптарды атап өтейік: пленкалы құрылым қабаттарын төсеу реті дайындаудың таңдалған әдісі бойынша сақталу керек; гибридті ИМС түпнұсқасы 10:1 немесе 20:1 масштабындағы тікбұрышты жүйе координатасында орындалу керек; топологиялық сызбаларды дайындағанда технологиялық жолақтар ескерілу керек.

Құрылымдық деректер және талаптар. Құрылымдық деректер жалпы және жеке деп бөлінеді. Ол гибридті ИМС көлемі мен пішінін, подложканың өлшемін, шығыстарының санын, бірнеше микросхемаға бір топологиялық құрылымды жасау, компоненттердің монтаж түрін және мөлшерін, корпусқа ИМС монтажының әдісін сипаттайды.

Гибридті ИМС жобалау топологиясында келесі жағдайларды ескеру керек:

1) подложканың өлшемін ұсынылып отырған габариттер бойынша таңдайды;

2) перифириялық контактілік аймақты подложканың 4 немесе 2 қарама қарсы жағына орналастырады (сызықты ИМС болса бір жағына орналастыруға болады);

3) контактілік аймақтарды орналастыру қадамы - 0,625; 1,25 және 2,5мм қатарына (корпуссыз қорғаныс үшін) немесе корпус шығыстарының орналасуына сәйкес келеді.

Әр гибридті ИМС кілті болу керек. Кеңейтілген контактілік аймағы немесе арнайы белгісі подложканың төменгі сол жақ бұрышындағы кілтті топологияны жобалауда сызып тастайды.

Пленкалы элементтерді есептеудің бастапқысы схемотехникалық деректер мен технологиялық мүмкіндіктер болып табылады. Есептеудің мақсаты - материалды таңдау мен пленкалы элементтердің геометриялық өлшемдері мен пішіндерін анықтау. Пленкалы элементтердің геометриялық өлшемдерін өндірудің топологиялық сипаттамасы мен гибридті ИМС эксплуатация шарттарын ескере отырып алады.

Соседние файлы в предмете [НЕСОРТИРОВАННОЕ]