Өзара әрекеттесуді моделдеу

Тізбекті диаграммалар мен кооперациялар диаграммасы өзара әрекеттесу диаграммасына жатады. Олар қолдану варианттарының,операциялардың,басқа да тәртіптік компоненттердің орындалуына керекті объектілердің өзара әректінің сипатын көрсетеді.

Тізбекті диаграммасы уақытша тізбекке жинақталған объектілер арасында хабарламаларды тасымалдауды көрсетеді.

Кооперация диаграммасы хабарлама жүретін объектілер арасындағы қатынастарды белгілейді.

Тізбекті диаграммалар талдау жасауға пайдалы, ал кооперация диаграммалары – жобалауға жақсы.

Хабарламалар тізбегін анықтау қызмет түрін моделдеудің логикалық жалғасы болып табылады.

Қызметтер түрі тізбекті диаграммалардың хабарламаларында көрінеді.Егер қызмет түрі моделін және тізбекті моделді құруға керекті абстракциялар деңгейі сәйкес келсе, онда қызмет түрін хабарламаларда көрсету айтарлықтай оңай.

Хабарламаларды спецификациялағанда сигнал ретіндегі хабарламалар мен операцияны шақырту ретіндегі хабарламалардың арасын ажырату пайдалы болады.

Сигнал объектілердің өзара әректтесуін білдіреді.Шақырту операцияға жіберушіге басқаруды қайтару шартымен синхронды аударуды білдіреді.

Ашық интерфейстерді моделдеу

Кластардың ашық интерфейсі жүйедегі басқа кластарға ұсынатын қызмет ретінде операциялар жинағымен анықталады.

Осындай операциялар ашық түрде жарияланады.Объектілер ашық интерфейстер көмегімен қолдану варианттарының орындалуы үшін кооперленеді.

Ашық интерфейстер күй және тәртіп спецификациялары біраз деңгейде анықталып, талдау кезеңі аяқталғанда алғаш анықтала бастайды.Талдау барысында біз әрбір ашық операцияның сигнтураларын анықтаймыз.Жобалау кезінде операцияны орындайтын әдістерге арналған алгоритмдерге анықтама береміз.

Кластар операцияларын табу контекстеріне пән аймағының концептуалдық кластары жүктеген міндеттер жатады.Кластардың операцияларын табуға келесі қадам болып өзара әректтесуді моделдеу жатады.Тізбекті моделдегі қайтарылатын мәннен ерекшеленетін хабарлама қабылдаушы-объектіде операциямен қамтамасыз етілуі тиіс.Операцияларды табуға келесі факт, әрбір объект төрт қарапайым операцияны қолдауы тиіс: құру,оқу,жаңалау және жою.Мұндай операциялар объектілердің басқа объектілерге келесі әректтерді орындау талаптарымен хабарлама жіберуге мүмкіндік береді:

• объектінің жаңа данасын жасау;

• объектінің күйіне қатынас құқығын алу;

• объект күйін өзгерту;

• объектінің өзін-өзі жоюы.

Күй өзгеруінің спецификациясы

Объектінің өз күйін уақыт бойында қалай өзгертетінін түсіну үшін күй өзгеруінің спецификациясы бар.

Объектінің күйі оның атрибуттарының және оған қоса қатынас атрибуттарының мәнімен анықталады.

Күй спецификациясы класс атрибутын анықтайды.Тәртіп спецификациясы класс операцяияларын анықтайды,олардың кейбірі объект күйін өзгерте алады.

Объектілер күйлерін моделдеу күйлер диаграммасының көмегімен жүзеге асады.Күйлер графы(автомат)- бұл күйлер мен ауысулар графы.Күйлер моделі жүйеге маңызды кластар үшін құрылады.

Күйлер объектілерін зерттеу кластар атрибуттарын талдау және осылардың қайсысы қолдану варианттары тұрғысынан керектігі негізінде жатыр.Барлық атрибуттар күй өзгеруіне әсер етпейді.Атрибут мәнінің өзгеруі объектінің күйінің өзгеруі ретінде болады және ол өзгерулерді күйлер диаграммасында белгілеу қажет болады.

Күйлер арасындағы ауысулар белгілі бір оқиғалар немесе білгіілі бір шарттар орындалғанда белсенді болады.Шарт ауысуды қызмет түрі аяқталған күйде және «ақиқат» мәніне ие болға әрбір кезде белсенді етеді.