Міністэрства адукацыі рэспублікі беларусь

УСТАНОВА АДУКАЦЫІ

“Полацкі дзяржаўны ўніверсітэт”

Зацвярджаю

Прарэктар па вучэбнай рабоце

____________ В.В. Булах

«___».

Беларуская мова (прафесійная лексіка)

Электронны дапаможнік

для студэнтаў эканамічных спецыяльнасцей

Складанне і агульная рэдакцыя

Струкавай С.М.

Наваполацк, 2012

УДК

ББК 

Б 

Рэцэнзенты:

Рэкамендаваны да выдання метадычнай камісіяй факультэта УА «ПДУ»

Б   Беларуская мова (прафесійная лексіка): Электронны дапаможнік для студэнтаў эканамічных спецыяльнасцей ПДУ. Склад. і агул. рэд. Струкавай  С.М. – Наваполацк: ПДУ, 2012. – с.

ISBN 

Асвятляюцца тэарэтычныя пытанні беларускай мовы, прадугледжаныя праграмай ВНУ для студэнтаў эканамічных спецыяльнасцей. Акрамя тэарэтычных матэрыялаў і кантрольных заданняў электронны дапаможнік змяшчае ў сабе спецыяльныя тэксты для перакладу, гласарыі (тлумачальнага і перакладнога тыпаў), арыентаваныя на засваенне тэрміналагічнай (прафесійнай) лексікі, а таксама дадатак “Славутыя імёны Бацькаўшчыны”, які дае магчымасць азнаёміцца з асветніцкай дзейнасцю выдатных прадстаўнікоў беларускай культуры.

Прызначаецца для выкладчыкаў і студэнтаў універсітэта. Можа быць выкарыстаны навучэнцамі педкаледжаў, настаўнікамі і школьнікамі гімназій, ліцэяў і агульнаадукацыйных школ.

© УА«Полацкі дзяржаўны ўніверсітэт», 2012

©С.М.Струкава, складанне 2012

Прадмова

Курс “Беларуская мова. Прафесійная лексіка” адыгрывае важную ролю ў агульнай падрыхтоўцы студэнтаў эканамічных спецыяльнасцей, паколькі дапамагае сістэматызаваць і паглыбіць іх веды пра спецыфічныя рысы беларускай мовы, спрыяе фарміраванню прафесійнай моўнай кампетэнцыі, выпрацоўцы навыкаў самаўдасканалення і самакантролю, выхаванню любові і павагі да культуры Беларусі ў цэлым.

Структуру электроннага дапаможніка складаюць: прадмова; тэарэтычны блок; блок кантролю ведаў і навыкаў; дадатак 1 “Славутыя імёны Бацькаўшчыны”; дадатак 2. “Спецыяльныя тэксты для перакладу”; перакладны руска-беларускі слоўнік эканамічных тэрмінаў; тлумачальны слоўнік эканамічных тэрмінаў, літаратура.

Як вядома, электронныя сродкі навучання ў параўнанні з друкаванымі выданнямі больш выйгрышныя ў фінансавым плане, іх інтэрактыўнасць дазваляе студэнтам станавіцца суб’ектамі навучальнага працэсу.

Дадзены электронны дапаможнік – гэта праграмна-метадычны комплекс, які дае магчымасць самастойна або з дапамогай выкладчыка засвоіць праграмны курс “Беларуская мова (прафесійная лексіка)”. Дапаможнік падрыхтаваны ў адпаведнасці з патрабаваннямі тыповай вучэбнай праграмы для вышэйшых навучальных устаноў і прызначаецца студэнтам эканамічных спецыяльнасцей УА “ПДУ”.

Электронны дапаможнік забяспечаны навігацыяй (створаны гіпертэксты), што максімальна спрыяе актыўнаму засваенню істотных паняццяў моўнага развіцця.

Пры падрыхтоўцы тэарэтычнага і практычнага блокаў электроннага вучэбнага дапаможніка былі выкарыстаны наступныя выданні:

Зразікава, В.А. Беларуская мова. Эканамічная лексіка: вучэбн. дапамож. /В.А. Зразікава, А.В. Губкіна. – 2-е выд., дап. і перапрац. – Мінск: Изд-во Гревцова, 2010. – 216 с.;

Гіруцкая, Л.А. Беларуская мова (прафесійная лексіка): вучэбна-метадычны дапаможнік для студэнтаў БНТУ: У 4 ч. Ч.І /Л.А. Гіруцкая [і інш.]; пад рэд. Л.А.Гіруцкай. – Мн.: БНТУ, 2005. – 289 с.;

Гіруцкая, Л.А. Беларуская мова (прафесійная лексіка): вучэбна-метадычны дапаможнік для студэнтаў БНТУ: у 4 ч. Ч.ІІ. Навуковы тэкст: структура, жанры, моўнае афармленне /Л.А. Гіруцкая [і інш.]; пад рэд. Л.А. Гіруцкай. – Мн.: БНТУ, 2006. – 152с.;

Смольская, Т.М. Беларуская мова: юрыд. лексіка: вучэбн. дапам. для студэнтаў юрыдычных спецыяльнасцей устаноў, якія забяспечваюць атрыманне вышэйшай адукацыі /Т.М. Смольская, Л. Хрышчановіч. – Мн.: ТетраСистемс, 2006. – 240 с.

Струкава, С.М. Беларуская мова: тэрміналагічная лексіка па нафта-газаздабычы: Вучэбны дапаможнік. – Наваполацк: ПДУ, 2004. – 300 с.