Сорапты пайдалану

Мұнай-газ ісінде сораптарды пайдалану аймақтары:

1)-Сұйық көмірсутектерді жер қабатына айдау үшін;

2)-Ұңғыдан сұйықтықты сорып алу үшін;

3)-Мұнай өнімдерін, сұйылтылған газды тасымалдау үшін;

4)-Коммуналды және басқа да қосымша өндірістерді су жүйесімен қамтамасыз ету үшін;

5)-Сұйықтықтыі циркуляциясын ұстап тұру үшін (тау жыныстарын бұзып тазалау);

6)-Қоспалар дайындаған кезде (цементтеу).

Сұйықтықтың салыстырмалы шығыны аз және қысымы жоғары қайталап ілгерілемелі сораптар, ал шығыны көп, қысымы төменге ортадан тепкіш сораптар арналған. Қайталап ілгерілемелі сораптардың берілісін көбейту үшін жұмыс көлемін үлкейту керек. Ал ортадан тепкіш сораптардың қысымын көбейту үшін біліктің айналу жиілігін және сораптың сатысын көбейту керек. Сораптарды беріліс пен арынға (қысымға) байланысты таңдайды, сонымен қатар олар пайдалану барысында ыңғайлы және техника – экономикалық жағынан тиімді болуы керек. Қайталап ілгерілемелі сораптарға қарағанда реттеу үшін ыңғайлы, бірақ оларды қосып қосу қиын (алдын-ала сұйықтықпен толтыру керек).

Сорапты реттеу

Сораптың берілісін өзгерту үшін – дроссельдеу қажет. Яғни, сораптың берілісін азайту үшін айдау сызығына қосымша кедергі енгізу керек. Бұл әдіс жүйріктік коэффициенті аз сораптарға пайдаланылады, берілістің азаюымен сораптың қуаты да азаяды.

Екінші тәсіл – дроссельдеп қайтадан жіберу. Бұл әдіс жүйріктік коэффициенттері жоғары сораптарға арналған. Сұйықтықты басқа жүйеге жібереді. Бұл жағдайда ПӘК-і төмен және кавитация құбылысы болуы ықтимал.

Үшінші тәсіл – жетектің жылдамдығын өзгерту. Бұл әдісті әртүрлі сораптарға пайдаланады.

Төртінші тәсіл – жұмыс дөңгелегін егеу.

Бесінші тәсіл – сораптардың сатысын өзгерту.

Алтыншы тәсіл – жұмыс көлемін өзгерту.